Jon 4:34 - Yesus Aqa Anjam Bole

³⁴ Onaqa Yesus na minjrej, “E na ijo Abu e qariŋbej qaji aqa areqalo dauryosiy aqa wau kobotqai. Ijo iŋgi uyo bole agide.

Jon 4:34 ပူးပေါင်းရင်းမြစ်များ

Matyu 26:39

Degsi minjrsiqa olo kiñala sasalosiqa mandamq di ŋam quosiqa Qotei pailyosiq minjej, “O ijo Abu, gam bei soqnimqa ni na marimqa gulube endi e qa baiq.” Degsi pailyosiqa olo urur are qalsiq endegsi pailyej, “Uŋgum, ni ijo areqalo dauryaim. Ni ino segi areqalo dauryosim ye.”

Matyu 3:15

Onaqa Yesus na kamba minjej, “Uŋgum. Ni ijo anjam dauryosim yansbe. Yimqa kumbra dena iga Qotei aqa areqalo kalil keretosim dauryqom.” Onaqa Jon a Yesus aqa anjam di dauryosiqa a yansej.

Matyu 9:19

Onaqa Yesus na tamo di odyosiqa tigelosiq a dauryosiq gileqnaqa aqa aŋgro naŋgi dego tigelosib naŋgi aiyel daurnjrsib gileb.

Luk 15:10

Osiqa Yesus na olo minjrej, “Dego kere une tamo qujai a are bulyimqa Qotei aqa laŋ aŋgro naŋgi a qa tulaŋ areboleboleinjrqas.”

Luk 19:10

E segi Tamo Aŋgro. Deqa e na tamo uŋgasari padalo gamq di unub qaji naŋgi ŋamosiy itnjrsiy eleŋqai. Yimqa naŋgi padalo gam uratosib ŋambile gaigai sqab. E deqa mandamq aiem.”

Luk 2:49

Onaqa Yesus na minjrej, “Niŋgi kiyaqa e qa ŋamoqnab? E ijo Abu aqa talq endi unum. Niŋgi di qaliesai kio?”

Jon 17:4

“Ino ñam koba ti ino siŋgila ti di e na tamo uŋgasari mandamq endi unub qaji naŋgi osornjroqnem. Osim wau kalil ni na e yqajqa ebem qaji agi yekritem.

Jon 19:28

Ariya Yesus a endegsi qalieej, “Wau kalil ijo Abu na ebej qaji agi kobotonum.” Osiqa Qotei aqa anjam bei nami neŋgreŋyeb qaji di aqa damu brantqajqa deqa marej, “E ya qarbqo.”

Jon 19:30

Onaqa Yesus a wain isa koba di uysiqa marej, “Bini e ijo wau kobotonum.” Degsi marsiqa aqa gate gulaiŋosiqa mondor titosiq moiej.

Jon 4:32

Onaqa Yesus na minjrej, “Ijo iŋgi uyo bei unu di niŋgi qaliesai.”

Jon 5:30

Yesus a degsi marsiqa olo marej, “E ijo segi areqalo na wau bei yqa keresai. Ijo Abu na e anjam merbeqnaq dauryoqnsim tamo uŋgasari naŋgi peginjreqnum. E kumbra tiŋtiŋ na naŋgi peginjreqnum. Di kiyaqa? E ijo segi areqalo dauryosaieqnum. Ijo Abu e qariŋbej qaji aqa areqalo dauryeqnum.

Jon 5:36

“Ariya anjam e palonteqnum qaji dena Jon tulaŋ buŋyejunu. Wau kalil ijo Abu na e yosiy kobotqajqa ebej qaji wau dena Jon aqa wau tulaŋ buŋyejunu. E wau di yeqnum deqa tamo uŋgasari naŋgi unoqnsib endegsi poinjreqnu, ijo Abu na e qariŋbonaq bem.

Jon 6:33

Bem bole Qotei na niŋgi eŋgeqnu qaji di laŋ qureq dena mandamq aisiq tamo uŋgasari mandamq endi unub qaji naŋgi ŋambile enjreqnu.”

Jon 6:38

E ijo segi areqalo dauryqajqa e deqa laŋ qure uratosim mandamq aiosai. Abu e qariŋbej qaji aqa areqalo dauryqajqa deqa e laŋ qure uratosim mandamq aiem.

Jon 8:29

Ijo Abu e qariŋbej qaji a e ombla sosiqa taqbejunu. A na e uratbosaieqnu. Di kiyaqa? E gaigai kumbra kalil a tulaŋ areareteqnu qaji di yeqnum.”

Aposel 20:35

Kumbra kalil e nuŋgo ambleq di yoqnem qaji di niŋgi segi unoqneb. Unoqnsib endegsi poiŋgoqnej, ‘Pol aqa kumbra di bole. Deqa iga Pol aqa kumbra di dauryosim siŋgila na wauoqnsimqa tamo uŋgasari siŋgila saiqoji unub qaji naŋgi aqaryainjroqnqom. Iga Tamo Koba Yesus aqa anjam nami marej qaji deqa are qaloqnsim degsi wauoqnqom.’ Agi Yesus a segi nami endegsi marej, ‘Tamo bei na tamo bei aqaryaiyosim iŋgi bei yqas di tamo iŋgi oqas qaji a areboleboleiyqas. Ariya tamo a na iŋgi yqas qaji a olo tulaŋ arebolebolekobaiyqas.’”

Hibru 12:2

Osim iga Yesus koqyoqnqom. Iga Qotei qa gago areqalo siŋgilateqnum kumbra di agi Yesus a segi utru. Bunuqna a na gago kumbra di torei keretqas. Yesus a qalie, a Qotei aqa anjam geregere dauryosim ŋamburbasq di moiqas di bunuqna a olo ŋambile bole osim tulaŋ areboleboleiyqas. A deqa are qalsiq siŋgilaosiq ŋamburbasq di moiej. A nami qalieej, a ŋamburbasq di moiqas di tamo uŋgasari naŋgi a qa maroqnqab, “A tamo tulaŋ uge deqa a moiqo.” Yim a jemakobaiyqas. Ariya Yesus a jemai deqa are qalosai. A Qotei aqa anjam dauryosiq moiej. Ariya bini a olo laŋ qureq dia Qotei aqa awo jaram baŋ woq di awejunu.