Jon 4:22 - Yesus Aqa Anjam Bole

²² Niŋgi Samaria qaji tamo uŋgasari niŋgi louqa oqnsib niŋgi yai qa loueqnub di niŋgi geregere poiŋgosai. Ariya iga Juda qaji iga louqa oqnsim iga yai qa loueqnum di iga geregere poigeqnu. Di kiyaqa? Qotei na iga Juda tamo iga giltgej. Deqa gago baŋ na Qotei na tamo uŋgasari naŋgi eleŋqas.

Jon 4:22 ပူးပေါင်းရင်းမြစ်များ

Luk 24:47

Deqa niŋgi gilsib e qa mare mare laqnsibqa sawa sawa kalilq dia tamo uŋgasari naŋgi anjam endegsib minjroqniye, ‘Niŋgi are bulyiye. Yibqa Qotei a Yesus aqa ñam na nuŋgo une kalil kobotetŋgwas.’ Niŋgi tamo uŋgasari naŋgi anjam degsib minjroqnsib kumbra kalil e nami nuŋgo ŋamdamuq di yoqnem qaji deqa naŋgi sainjroqniye. Niŋgi Jerusalem dia wau utru atsib dena walwelosib sawa sawa kalilq dia ijo anjam minjre minjre laqniye.

Aposel 17:23

E nuŋgo qure ambleq dia walweloqnsimqa nuŋgo atra bijal kalil uneleŋosim gilsim atra bijal bei dego unonum. Atra bijal di aqa quraq di anjam endegsi neŋgreŋyonab sonaq unonum, ‘Atra bijal endi qotei bei iga qaliesai qaji aqa atra bijal.’ O Atens tamo uŋgasari niŋgi ijo anjam endi quiye. E Qotei deqa merŋgwai. A Qotei bole. Niŋgi a qa qaliesai. Niŋgi a qa laŋa loueqnub.

Aposel 17:30

“Nami tamo naŋgi nanari soqneb. Naŋgi Qotei qaliesai. Deqa naŋgi qotei gisa gisaŋ naŋgo sulum gereinjroqnsib biŋinjroqneb. Bati di Qotei a naŋgo kumbra di unsiqa unosaibulosiqa naŋgi kambatnjrosaioqnej. Ariya bini Qotei na tamo uŋgasari kalil sawa sawa kalilq di unub qaji naŋgi endegsi minjreqnu, ‘Niŋgi are bulyosib kumbra uge uge di uratiye.’

Aposel 3:26

Osiqa bunuqna aqa wau tamo Yesus osiqa qariŋyonaq namoqna nuŋgoq aiej. Yesus a nuŋgoq aisim niŋgi kalil aqaryaiŋgimqa niŋgi nuŋgo kumbra uge kalil uratqajqa deqa are qalsiq Yesus qariŋyonaq nuŋgoq aiej.”

Rom 11:18

Deqa niŋgi endegsib are qalaib, “Iga tamo bole deqa iga na ŋamtaŋ oliv qure qaji aqa dani naŋgi buŋnjrejunum.” Niŋgi degsib are qalqab di niŋgi mati olo endegsib are qaliye. Ŋamtaŋ oliv aqa jirim na niŋgi namur eŋgeqnu. Niŋgi na ŋamtaŋ oliv aqa jirim namur yosaieqnub.

Hibru 7:14

Iga qalieonum, gago Tamo Koba Yesus a Juda aqa leŋ naŋgoq dena ŋambabej. Ariya Juda aqa leŋ naŋgoq dena atra tamo naŋgi brantqajqa Moses a deqa marosaioqnej.