Jon 3:31 - Yesus Aqa Anjam Bole

³¹ Tamo laŋ qureq di sosiqa dena mandamq aiej qaji a na iŋgi iŋgi kalil tulaŋ buŋnjrejunu. Tamo naŋgi mandamq endena branteleŋeb qaji naŋgi mandam endeqa kumbra yeqnub. Osib mandam endeqa anjam segi mareqnub. Ariya tamo laŋ qureq di sosiqa dena mandamq aiej qaji a na iŋgi iŋgi kalil tulaŋ buŋnjrejunu.

Jon 3:31 ပူးပေါင်းရင်းမြစ်များ

Matyu 28:18

Ariya Yesus a naŋgo areq gilsiqa minjrej, “E na mandam ti laŋ ti taqatqajqa deqa ijo Abu na siŋgila kalil ijo baŋq di atqo.

Jon 1:15

A qa nami Jon na tamo uŋgasari naŋgi minjroqnsiqa endegsi leleŋoqnej, “E tamo deqa nami endegsi merŋgoqnem, ‘Tamo ijo qoreq na bqas qaji a na e tulaŋ buŋbejunu. Di kiyaqa? E ŋambabosaisonamqa a nami soqnej deqa.’”

Jon 1:27

Agi e nami a qa endegsi merŋgoqnem, ‘A ijo qoreq na bqas.’ E nami niŋgi degsi merŋgoqnem. Tamo di a ñam ti. E ñam saiqoji. Deqa e na a kaŋgalyqajqa e tamo bolesai.”

Jon 1:30

E tamo deqa nami endegsi merŋgoqnem, ‘Tamo ijo qoreq na bqas qaji a na e tulaŋ buŋbejunu. Di kiyaqa? E ŋambabosaisonamqa a nami soqnej deqa.’

Jon 3:30

Kristus aqa ñam tulaŋ kobaqas. Ijo ñam aguq aiqas.” Jon a na naŋgi degsi minjrej.

Jon 6:33

Bem bole Qotei na niŋgi eŋgeqnu qaji di laŋ qureq dena mandamq aisiq tamo uŋgasari mandamq endi unub qaji naŋgi ŋambile enjreqnu.”

Jon 6:51

E segi ŋambile qa bem bole laŋ qure uratosim mandamq aiem qaji. Tamo bei a bem di uyqas di a ŋambile gaigai sqas. Bem di agi ijo segi jejamu. E na tamo uŋgasari mandamq endi unub qaji naŋgi ijo segi jejamu naŋgi anainjrit uyqab. Uysib naŋgi ŋambile sqab.”

Jon 8:23

Onaqa Yesus na olo minjrej, “Niŋgi mandam tamo. E laŋ goge qaji tamo. Niŋgi mandam endeqaji tamo. E mandam endeqaji tamo sai.

Aposel 10:36

Bole, nami Qotei na aqa anjam bole qariŋyonaqa Israel naŋgo segiq aiej. Anjam di aqa damu endegsi unu. Tamo uŋgasari naŋgi Qotei ti jeu sonabqa Yesus Kristus na jeu kobotej. Yesus a tamo kalil naŋgo Tamo Koba.

Rom 9:5

Naŋgo moma utru naŋgi nami ñam koba ti soqneb. Naŋgoq dena Kristus a ŋambabej. Kristus a segi Qotei. A iŋgi iŋgi kalil naŋgo gate. Deqa iga bati gaigai aqa ñam soqtoqnqom. Bole.

Hibru 9:1

Israel naŋgi anjam namij di dauryosib deqa naŋgi Qotei qa louoqnsib mandamq endia atra tal ateb.

1 Pita 3:22

Onaqa Kristus a laŋ qureq oqej deqa bini a Qotei aqa baŋ woq di awejunu. Deqa laŋ aŋgro naŋgi ti laŋ qaji mondor kokba ti laŋ qaji siŋgila ti kalil naŋgi Kristus aqa sorgomq di unub.

1 Jon 4:5

Gisaŋ tamo naŋgi di mandam qaji tamo. Deqa naŋgi mandam kumbra qa segi anjam mareqnub. Mareqnab mandam qaji tamo naŋgi naŋgo anjam qusib dauryeqnub.

Uli Anjam 19:16

Kristus aqa gara olekobaqsi aqa qaloqsi ñam endegsib neŋgreŋyeb unu, “Mandor kokba kalil naŋgo Mandor Koba. Tamo kokba kalil naŋgo Tamo Koba.”