Jon 3:3 - Yesus Aqa Anjam Bole

³ Onaqa Yesus na kamba minjej, “Ni que. E bole mermqai. Tamo bei a aŋgro mom bunuj bulosim ŋambabqasai di Qotei na a taqatosim aqa Mandor Koba sqasai. Deqa a Qotei unqa keresai.”

Jon 3:3 ပူးပေါင်းရင်းမြစ်များ

Matyu 16:17

Pita na kamba Yesus degsi minjnaqa a na minjej, “O Saimon, Jona aqa ŋiri, ni tulaŋ areboleboleimeme. Di kiyaqa? Ino anjam merbonum di mandam tamo bei na babtosiq mermosai. Ijo Abu laŋ qureq di unu qaji a segi na anjam di babtosiq mermqo.

Matyu 19:24

E niŋgi olo merŋgwai. Kamel a yumba miligiq gilqajqa tulaŋ baŋgi koba. Dego kere tamo uŋgasari iŋgi iŋgi koba ti unub qaji naŋgi Qotei na taqatnjrsim naŋgo Mandor Koba sqa marsibqa laŋ qureq oqwajqa tulaŋ baŋgi koba.”

Matyu 21:31

Deqa niŋgi na merbiye. Aŋgro yai na aqa siqali aqa anjam dauryej?” Onaqa naŋgi na kamba Yesus minjeb, “Ŋiri matu a na aqa siqali aqa anjam dauryej.” Naŋgi degsib Yesus minjnabqa a na olo minjrej, “Niŋgi quiye. E bole merŋgwai. Takis o qaji tamo ti gam qaji uŋa ti naŋgi na niŋgi buŋgosib namoosib Qotei aqa baŋq oqibqa a naŋgo Mandor Koba sosim naŋgi taqatnjrqas.

Matyu 5:18

Deqa niŋgi quiye. E bole merŋgwai. Laŋ ti mandam ti koboosaisoqnimqa Qotei aqa dal anjam mutu kiñala bei koboqasai bolesai. Qotei aqa dal anjam aqa mutu kalil degsib soqnib iŋgi iŋgi kalil brantqab.

Mak 10:14

Degsib saidnjreb deqa Yesus na aqa aŋgro naŋgi ŋiriŋtnjrsiqa minjrej, “Aŋgro du du naŋgi metnjribqa ijo areq bebe. Naŋgi saidnjraib. Di kiyaqa? Tamo uŋgasari naŋgi aŋgro du du dego bul sqab di Qotei a naŋgo Mandor Koba sosim naŋgi taqatnjrqas.

Mak 9:47

Ino ŋamdamu na ni titmosim uneq waimqa laqnimqa ŋamdamu di otorosim waiy. Ni ŋamdamu qujai ti sosimqa ino ŋamdamu na une bei yqasai di kere. Di Qotei a ino Mandor Koba sosim ni taqatmqas. Ariya ni ŋamdamu aiyel ti sosimqa ino ŋamdamu na une yqam di keresai. Di Qotei na ni ŋamyuoq waimqas.

Jon 1:13

Naŋgo meani na ŋambabtnjro qaji dena naŋgi Qotei aqa aŋgro brantosai. Naŋgo segi areqalo na naŋgi Qotei aqa aŋgro brantosai. Tamo bei aqa areqalo na dego naŋgi Qotei aqa aŋgro brantosai. Qotei a segi na marej deqa naŋgi aqa aŋgro tiŋtiŋ branteb.

Jon 1:5

Puloŋ di ambruq di suwaŋejunu. Ambru na puloŋ di mosotosaieqnu.

Jon 1:51

Osiqa marej, “Niŋgi quiye. E bole merŋgwai. E segi Tamo Aŋgro. Deqa bunuqna laŋ waqamqa Qotei aqa laŋ aŋgro naŋgi ijo jejamuq na laŋ qureq oqoqnsib olo mandamq aioqnib niŋgi unqab.”

Jon 12:40

“Qotei a naŋgo ŋamdamu getentetnjrej. A naŋgo are miligi dego getentetnjrej. Deqa naŋgi naŋgo ŋamdamu na Qotei aqa kumbra bei unqa keresai. Naŋgi naŋgo are miligiq na Qotei aqa anjam dego poinjrqa keresai. Deqa naŋgi are bulyosib e qa bqa keresai. Deqa e na naŋgi olo boletnjrqasai.”

Jon 3:4

Onaqa Nikodemus na nenemyej, “Tamo qeliqo qaji a kiersim olo aqa ai miligiq aisim aŋgro mom bunuj bulosim ŋambabqas?”

2 Korin 4:4

Mandam endeqa qotei gisaŋ Satan a na tamo uŋgasari Kristus qa naŋgo areqalo siŋgilatosaieqnub qaji naŋgo areqalo getentejunu deqa Kristus aqa anjam bole naŋgo are miligiq aiqa keresai. Deqa naŋgi Kristus aqa suwaŋ unosaieqnub. Kristus a segi Qotei. A segi ñam koba ti unu.

2 Korin 5:17

Deqa tamo bei a Kristus beteryesqas di Qotei na aqa are bulyetimqa a tamo bunuj brantqas. Niŋgi quiye. Aqa kumbra namij torei koboqo. Kumbra bunuj olo brantqo.

Galesia 6:15

Iga muluŋ aiqom di laŋa. Iga muluŋ aiqasai di dego laŋa. Ariya Qotei na iga tamo uŋgasari bunuj gereigej di kumbra utru ti.

Efesus 2:1

Nami niŋgi une yoqnsib laqneb deqa niŋgi moreŋesoqneb. Niŋgi moio tamo buleb.

Taitus 3:5

Osiqa agi iga eleŋej. Gago segi kumbra bole iga nami yoqnem qaji a deqa osiq iga eleŋosai. A iga qa dulosiqa iga laŋa eleŋej. Osiqa gago are miligi yansetgo-siqa aqa Mondor Bole egsiqa iga aŋgro bunuj bul olo ŋambabtgej.

Jems 3:17

Ariya tamo naŋgi Qotei aqaq dena areqalo bole ti powo ti eqnub qaji naŋgi kumbra tulaŋ boledamu yeqnub. Naŋgi kumbra jigat dauryosaieqnub. Naŋgi lawo na sosib tamo naŋgi jiŋga na gereinjroqnsib naŋgi qa duloqnsib kumbra bole bole enjreqnub. Naŋgi na tamo kalil naŋgi turtnjroqnsib kumbra qujai enjreqnub. Naŋgi gisaŋoqnsib laŋa babaŋ na kumbra bole dauryosaieqnub. Naŋgi bole dauryeqnub.

1 Pita 1:3

Iga gago Tamo Koba Yesus Kristus aqa Abu Qotei aqa ñam soqtoqnqom. Qotei a iga qa tulaŋ dulosiqa Yesus Kristus olo subq na tigeltej. Gam dena Qotei na iga ŋambile bunuj egej. Ŋambile bunuj dena iga siŋgilatgejunu deqa iga iŋgi bole bole Qotei na mondoŋ egwas qaji deqa tariŋoqnsim unum.

1 Jon 2:29

Niŋgi qalie, Kristus aqa kumbra kalil tiŋtiŋo. Deqa niŋgi endegsib qalieoiye. Tamo kalil kumbra tiŋtiŋ yeqnub qaji naŋgi Qotei aqa segi aŋgro bole tiŋtiŋ unub.

1 Jon 3:9

Qotei na tamo bei ŋambabtqas di a une atoqnqasai. Qotei aqa segi ŋambile aqaq di unu deqa a une atoqnqa keresai. Di kiyaqa? A Qotei aqa segi aŋgro tiŋtiŋ unu deqa.

1 Jon 5:1

Yesus a segi Kristus. Tamo kalil degsib maroqnsib Yesus qa naŋgo areqalo siŋgilateqnub qaji naŋgi Qotei aqa aŋgro tiŋtiŋ unub. Tamo kalil Abu Qotei qalaqalaiyeqnub qaji naŋgi na aqa aŋgro naŋgi dego qalaqalainjreqnub.

1 Jon 5:18

Iga qalie, tamo kalil Qotei aqa aŋgro tiŋtiŋ unub qaji naŋgi une atosaieqnub. Tamo kalil Qotei aqa aŋgro tiŋtiŋ unub qaji naŋgi Qotei na geregere taqatnjreqnu deqa tamo uge Satan a na naŋgi ugeugeinjrqa keresai.

1 Jon 5:4

Tamo kalil Qotei aqa aŋgro tiŋtiŋ unub qaji naŋgi mandam endeqa siŋgila gotraŋyoqnsib siŋgila na tigelejunub. Iga Qotei qa gago areqalo siŋgilateqnum deqa iga qoto qa siŋgilaoqnsim mandam endeqa siŋgila gotraŋyeqnum.

Uli Anjam 3:14

Yesus a na e degsi merbsiqa olo endegsi merbej, “Laodisia qureq dia tamo uŋgasari naŋgi ijo ñam qa koroosib loueqnub qaji naŋgo laŋ aŋgro qa anjam endegsim neŋgreŋyosim aqaq qariŋye, ‘E Yesus. E Qotei aqa anjam maro qaji tamo. E endegsi mareqnum, “Qotei aqa anjam kalil bole.” Anjam kalil Qotei a nami marej qaji di e olo geregere palontoqnsim mareqnum. Iŋgi iŋgi kalil Qotei na gereiyej qaji di aqa utru agi e segi qujai. Deqa e na anjam endi ni qa qariŋyonum.