Jon 21:16 - Yesus Aqa Anjam Bole

¹⁶ Osiqa olo Pita nenemyej, “O Saimon, Jon aqa ŋiri, ni e qalaqalaibeqnum e?” Onaqa Pita na minjej, “Od, Tamo Koba, ni qalieonum, e ni qalaqalaimeqnum.” Onaqa Yesus na minjej, “Deqa ni na ijo kaja naŋgi taqatnjroqnime.”

Jon 21:16 ပူးပေါင်းရင်းမြစ်များ

Matyu 2:6

‘O Betlehem tamo uŋgasari, nuŋgo qure Judia sawaq di unu. Qure kokba kalil Judia sawaq di unub qaji naŋgi na nuŋgo qure buŋyqasai. Nuŋgo qure dego ñam ti. Di kiyaqa? Nuŋgo qureq dena mandor koba bei tigelosimqa a na ijo segi Israel tamo uŋgasari kalil naŋgi taqatnjresqas. Deqa nuŋgo qure dego ñam ti.’”

Matyu 25:32

Awesosiy laŋ aŋgro naŋgi di qariŋnjritqa naŋgi sawa sawa kalilq giloqnsib tamo uŋgasari kalil naŋgi eleŋosib joqsib bosib ijo ulatamuq dia koroinjrqab. Yimqa e na tamo uŋgasari naŋgi di peginjrsiy tamo bole naŋgi ijo baŋ woq di ateleŋosiy tamo uge naŋgi ijo baŋ qonaŋq di ateleŋqai. Kaja naŋgo mandor na kaja ti meme ti naŋgi peginjreqnu dego kere.

Matyu 26:72

Onaqa Pita a olo tulaŋ saidosiq marej, “E tamo di qaliesai bolesai. E bole maronum.”

Luk 19:10

E segi Tamo Aŋgro. Deqa e na tamo uŋgasari padalo gamq di unub qaji naŋgi ŋamosiy itnjrsiy eleŋqai. Yimqa naŋgi padalo gam uratosib ŋambile gaigai sqab. E deqa mandamq aiem.”

Jon 18:17

Onaqa kaŋgal uŋa siraŋme taqatoqnej qaji a na Pita nenemyej, “Ni Yesus aqa aŋgro bei kio?” Onaqa Pita na kamba minjej, “Eo. E aqa aŋgro sai.”

Jon 18:25

Ariya Saimon Pita a ŋamyuo areq di tigelesosiq ŋam yoreqnaqa tamo qudei naŋgi na minjeb, “Ni dego Yesus aqa aŋgro bei kio?” Onaqa Pita a saidosiq minjrej, “Eo. E aqa aŋgro sai.”

Jon 21:17

Osiqa olo nenemyoqalubtej, “O Saimon, Jon aqa ŋiri, ni e qalaqalaibeqnum e?” Yesus na Pita anjam di nenemyoqalubtej deqa Pita a are gulubeiyonaq minjej, “O Tamo Koba, ni iŋgi iŋgi kalil qa qalie. Deqa ni qalieonum, e ni qalaqalaimeqnum.” Onaqa Yesus na olo minjej, “Deqa ni na ijo kaja naŋgi geregereinjroqnime.

Aposel 20:28

O ijo was niŋgi nuŋgo segi segi jejamu geregere taqatosib Qotei aqa tamo uŋgasari naŋgi dego geregere taqatnjroqniye. Qotei aqa tamo uŋgasari naŋgi kaja bul. Qotei na aqa segi Ŋiri Yesus Kristus aqa leŋ na naŋgi awainjrej. Deqa niŋgi na naŋgi geregere taqatnjroqnsibqa naŋgo mandor bole soqniye. Wau di Qotei aqa Mondor na niŋgi eŋgej.

Hibru 13:20

Gago Tamo Koba Yesus a gago Mandor Koba. A na kaja du du naŋgi geregere taqatnjreqnu. Aqa kaja du du agi iga. Aqa leŋ aiej dena a na Qotei aqa anjam bunuj gaigai sqas qaji di siŋgila-tej. Deqa Qotei agi iga are lawo egeqnu qaji a na Yesus subq na olo tigeltej.

1 Pita 2:25

Nami niŋgi kaja du du bul sosibqa nuŋgo segi areqalo na aleloqnsib laqneb. Ariya bini niŋgi olo Mandor Koba Yesus aqa areq bonub deqa a na nuŋgo qunuŋ geregere taqatejunu.

1 Pita 5:2

Qotei aqa tamo uŋgasari naŋgi kaja du du bul deqa a na naŋgi joqsiqa nuŋgo baŋq di atej unub. Deqa niŋgi na naŋgi geregere taqatnjroqniye. Qotei na niŋgi wau di eŋgej deqa niŋgi are bole na wau di yoqniye. Tamo qudei naŋgi siŋgila na niŋgi waiŋgibqa niŋgi deqa wau di yaib. Niŋgi silali qa osib wau di yaib. Niŋgi are bole na wau di yoqniye.

Uli Anjam 7:17

Di kiyaqa? Kaja Du awo jaram koba jojomq di unu qaji a naŋgo Mandor Koba sqas deqa. A naŋgi joqsimqa ŋambile gaigai sqajqa ya jumbumq giloqnqas. Qotei a na naŋgo ŋam ya kalil nuntetnjrimqa naŋgi olo bunu akamqasai.”