Jon 21:15 - Yesus Aqa Anjam Bole

¹⁵ Naŋgi iŋgi uynab menetnjrnaqa Yesus na Saimon Pita nenemyej, “O Saimon, Jon aqa ŋiri, ni ijo aŋgro kalil buŋnjrsimqa ni segi e tulaŋ qalaqalaibeqnum e?” Onaqa Pita na minjej, “Od, Tamo Koba, ni qalieonum, e ni qalaqalaimeqnum.” Onaqa Yesus na minjej, “Deqa ni na ijo kaja du du naŋgi geregereinjroqnime.”

Jon 21:15 ပူးပေါင်းရင်းမြစ်များ

Matyu 10:37

“Deqa tamo bei na aqa ai wo abu wo naŋgi tulaŋ qalaqalainjrsimqa ariya di buŋyosim e tulaŋ qalaqalaibqasai di a ijo aŋgro sqa keresai. Tamo bei na aqa aŋgro mel naŋgi ti aqa aŋgro sebiŋ naŋgi ti tulaŋ qalaqalainjrsimqa ariya di buŋyosim e tulaŋ qalaqalaibqasai di a ijo aŋgro sqa keresai.

Matyu 16:17

Pita na kamba Yesus degsi minjnaqa a na minjej, “O Saimon, Jona aqa ŋiri, ni tulaŋ areboleboleimeme. Di kiyaqa? Ino anjam merbonum di mandam tamo bei na babtosiq mermosai. Ijo Abu laŋ qureq di unu qaji a segi na anjam di babtosiq mermqo.

Matyu 18:10

“Deqa niŋgi aŋgro kiñilala e qa naŋgo areqalo siŋgilateqnub qaji naŋgi qa ugeaib. E niŋgi endegsi merŋgwai. Naŋgo laŋ aŋgro naŋgi na naŋgi taqatnjroqnsibqa ijo Abu laŋ qureq di unu qaji aqa ulatamu bati gaigai unoqnsib naŋgi qa pailyeqnub.

Matyu 26:33

Onaqa Pita na minjej, “Aŋgro kalil naŋgi ino ñam ulontosib jaraiqab e segi ino ñam ulontqasai.”

Matyu 26:35

Onaqa Pita a tulaŋ saidosiq minjej, “Sai. E ni ombla moiqa marimqa uŋgum e ino ñam ulitqasai bolesai.” Onaqa Yesus aqa aŋgro kalil naŋgi anjam qujai di minjoqneb.

Mak 14:29

Onaqa Pita na minjej, “Aŋgro kalil naŋgi ino ñam ulontosib jaraiqab e segi ino ñam ulontqasai.”

Luk 12:32

Osiqa Yesus a olo anjam endegsi minjrej, “O ijo kaja du du niŋgi ulaaib. Nuŋgo Abu a nami niŋgi qa osiqa endegsi merŋgej, ‘E nuŋgo Mandor Koba sosiy niŋgi taqatŋgwai.’ Qotei a nami degsi merŋgej.

Luk 22:32

O Pita, e ni qa gaigai endegsim Qotei pailyeqnum, ‘O Abu, ni na Pita aqa areqalo siŋgilatetimqa a e uratbqasai.’ E ni qa degsim pailyeqnum. Bole, ni mati uloŋqam. Ariya bunuqna ni olo are bulyosimqa ijoq bqam. Bosim ino was naŋgi siŋgilatnjroqnqam.”

Jon 1:42

Degsi minjsiqa Saimon osiq Yesus aqa areq osi gilej. Onaqa Yesus na Saimon unsiqa minjej, “Ni Saimon, Jon aqa ŋiri. Bunuqna ino ñam Sifas mermoqnqab.” Ñam “Sifas” di Hibru anjam. Gago anjam, “Pita.” Aqa damu, “Meniŋ.”

Jon 13:37

Onaqa Pita na olo Yesus nenemyej, “O Tamo Koba, kiyaqa e bini ni daurmqa keresai? Ni marimqa e ni qa ijo ŋambile uratosiy moiqai.”

Jon 16:27

Ijo Abu a na niŋgi tulaŋ qalaqalaiŋgeqnu. Di kiyaqa? Niŋgi na e qalaqalaibeqnub deqa. Osib niŋgi endegsi poiŋgeqnu, Qotei na e qariŋbonaq bem.

Jon 21:12

Onaqa Yesus a na qe qudei osiqa koitej. Osiqa naŋgi minjrej, “Niŋgi bosib qe ti bem ti endi uyiye.” Ariya naŋgi ulaosib deqa aŋgro bei na yala nenemyosai, “Ni tamo yai?” Degosai. Naŋgi qalie, di Tamo Koba Yesus.

Jon 21:7

Onaqa Yesus aqa aŋgro bei agi Yesus a tulaŋ qalaqalaiyoqnej qaji a na Pita minjej, “Tamo di gago Tamo Koba Yesus.” Onaqa Saimon Pita a anjam di qusiqa aqa gara jugo wauqa osiq piqtej qaji di olo jigsiq qobuŋ dena prugosiq yaq aisiq Yesus aqa areq gilej.

Jon 8:42

Onaqa Yesus na minjrej, “Qotei a nuŋgo Abu qamu niŋgi e qalaqalaibonub qamu. Di kiyaqa? E Qotei aqaq dena bem deqa. E ijo segi areqalo na bosai. Qotei na e qariŋbonaq bem.

Aposel 20:28

O ijo was niŋgi nuŋgo segi segi jejamu geregere taqatosib Qotei aqa tamo uŋgasari naŋgi dego geregere taqatnjroqniye. Qotei aqa tamo uŋgasari naŋgi kaja bul. Qotei na aqa segi Ŋiri Yesus Kristus aqa leŋ na naŋgi awainjrej. Deqa niŋgi na naŋgi geregere taqatnjroqnsibqa naŋgo mandor bole soqniye. Wau di Qotei aqa Mondor na niŋgi eŋgej.

Aposel 20:29

E qalie, e niŋgi uratŋgitqa gisaŋ anjam maro tamo qudei naŋgi nuŋgo ambleq aiqab. Bauŋ juwaŋ na kaja ugeugeinjreqnub dego kere gisaŋ anjam maro tamo naŋgi di nuŋgo ambleq aisib Qotei aqa tamo uŋgasari naŋgi ugeugeinjroqnqab.

Rom 14:1

Tamo bei a Yesus qa aqa areqalo siŋgilateqnu ariya aqa areqalo di kiñala siŋgilaosaiunu. Deqa niŋgi a qoreiyaib. Niŋgi a osib Kristen naŋgo ambleq osib boiye. Niŋgi aqa kumbra qudei uge qa minjsib a ombla anjam na qotoqnaib.

Rom 15:1

Iga Kristen tamo siŋgila ti unum qaji iga na Kristen was qudei siŋgila saiqoji unub qaji naŋgi aqaryainjroqnsim naŋgo gulube qoboiyetnjroqnqom. Iga gago segi jejamu aqaryaiyqajqa are qalqasai.

1 Korin 8:11

Nuŋgo powo dena niŋgi na Kristen was bei di powo bole osai qaji a uneq waiyonub. Niŋgi qalie, Kristus a was deqa moiej.

Galesia 5:6

Tamo a Kristus Yesus beteryesqas di a marqas, iga muluŋ aiqom di laŋa. Iga muluŋ aiqasai di dego laŋa. Ariya iga Kristus qa gago areqalo siŋgilatosim dena iga qalaqalaiyo kumbra dauryoqnqom di kumbra bole utru ti.

Efesus 4:14

Deqa iga olo aŋgro kiñilala bul sqasai. Tamo qudei naŋgi gisaŋ kumbra ti maqu kumbra ti tulaŋ qalieosib yeqnub. Deqa naŋgi gisaŋ anjam koba marsib laqnub. Jagwa na yuwal tigelteqnaqa oqe aieqnu dego kere anjam dena tamo qudei naŋgo areqalo niñaqyetnjreqnu. Ariya iga aŋgro kiñilala bul sqasai deqa anjam dena gago areqalo niñaqyetgwasai.

Efesus 6:24

Tamo kalil gago Tamo Koba Yesus Kristus qalaqalaiyqa uratosaieqnub qaji naŋgi qa Qotei a are boleiyeme.

Hibru 13:20

Gago Tamo Koba Yesus a gago Mandor Koba. A na kaja du du naŋgi geregere taqatnjreqnu. Aqa kaja du du agi iga. Aqa leŋ aiej dena a na Qotei aqa anjam bunuj gaigai sqas qaji di siŋgila-tej. Deqa Qotei agi iga are lawo egeqnu qaji a na Yesus subq na olo tigeltej.

Hibru 4:13

Iŋgi bei a Qotei qa uliqa keresai. Iŋgi iŋgi kalil Qotei na gereinjrej qaji di a na ŋam atsiq geregere uneqnu. Deqa mondoŋ a na qujai gago kumbra kalil qa iga pegigwas.

1 Pita 1:8

Niŋgi nami Kristus unosaioqneb. Ariya niŋgi a tulaŋ qalaqalaiyeqnub. Niŋgi bini a unosaieqnub. Ariya niŋgi a qa nuŋgo areqalo siŋgilatoqnsib a qa tulaŋ arebo-leboleiŋgeqnu. Nuŋgo arebolebole dena mandam qaji arebolebole kalil tulaŋ buŋyejunu. Nuŋgo arebolebole di aqa utru iga na dauryosim ubtqa keresai.

1 Pita 2:2

Iga qalie, aŋgro mom naŋgi muŋgum qaq uyqajqa qarnjreqnu. Dego kere niŋgi muŋgum qaq boledamu Qotei aqaq dena beqnu qaji di oqajqa are qaloqniye. Muŋgum qaq di agi Qotei aqa anjam. Muŋgum qaq di jiga bei saiqoji. Muŋgum qaq dena nuŋgo qunuŋ aqaryaiyimqa niŋgi tulaŋ boleosib siŋgilaqab. Yim Qotei na niŋgi oqas.

1 Pita 2:25

Nami niŋgi kaja du du bul sosibqa nuŋgo segi areqalo na aleloqnsib laqneb. Ariya bini niŋgi olo Mandor Koba Yesus aqa areq bonub deqa a na nuŋgo qunuŋ geregere taqatejunu.

1 Jon 4:19

Iga na gago Kristen was naŋgi qalaqalainjreqnum. Di kiyaqa? Qotei a namoqna iga qalaqalaigej deqa.

1 Jon 5:1

Yesus a segi Kristus. Tamo kalil degsib maroqnsib Yesus qa naŋgo areqalo siŋgilateqnub qaji naŋgi Qotei aqa aŋgro tiŋtiŋ unub. Tamo kalil Abu Qotei qalaqalaiyeqnub qaji naŋgi na aqa aŋgro naŋgi dego qalaqalainjreqnub.

Uli Anjam 2:23

Aqa aŋgro naŋgi dego ñumit moreŋqab. Amqa tamo uŋgasari qure kalilq dia ijo ñam qa koroosib loueqnub qaji naŋgi qalieqab, e tamo kalil naŋgo are miligi ti areqalo ti geregere unsim peleiyeqnum. Deqa niŋgi quiye. E na nuŋgo kumbra kalil geregere keretosiy nuŋgo awai dego segi segi eŋgwai.