Jon 21:14 - Yesus Aqa Anjam Bole

¹⁴ Yesus a nami subq na tigelosiqa aqa aŋgro naŋgoq di brantoaiyeltej. Bini qalubqo.

Jon 21:14 ပူးပေါင်းရင်းမြစ်များ

Mak 16:12

Olo bati bei Yesus aqa aŋgro aiyel naŋgi nañu gam bei dauryosib gileqnabqa Yesus aqa jejamu bulyosiqa naŋgoq di brantonaq uneb.

Mak 16:14

Olo bati bei Yesus aqa aŋgro 11-pela naŋgi tal miligiq di awoosib iŋgi uyeqnabqa Yesus a naŋgoq di brantej. Yesus a nami subq na tigelonaqa tamo qudei naŋgi na unsib naŋgi sainjrnab qunab ugeinjrej. Naŋgo areqalo geteŋnjresoqnej. Deqa Yesus a naŋgoq di brantosiqa naŋgi ŋiriŋtnjrej.

Jon 20:19

Ariya yori bati koboosiq bilaqtonaqa Yesus aqa aŋgro naŋgi siraŋme kalil qandimteleŋosib warum miligiq di soqneb. Di kiyaqa? Naŋgi Juda tamo kokba naŋgi ulainjreb deqa. Onaqa bati qujai deqa Yesus a tal miligiq di brantosiqa naŋgo ambleq di tigelosiq minjrej, “O ijo aŋgro, niŋgi are lawo na soqniye.”

Jon 20:26

Ariya bati 7-pela koboonaqa Yesus aqa aŋgro naŋgi olo tal miligiq di soqneb. Tomas a dego naŋgi koba na soqneb. Siraŋme kalil qandimeleŋesonabqa Yesus a olo tal miligiq di brantosiqa naŋgo ambleq di tigelosiqa minjrej, “O ijo aŋgro, niŋgi are lawo na soqniye.”

Jon 21:1

Onaqa bati bei Yesus a Galili ya agu qalaq dia sosiqa olo aqa aŋgro naŋgoq di brantej. Ya agu di aqa ñam bei Taiberias. Yesus a aqa aŋgro naŋgoq di olo brantej deqa e kiñala saqai.

Aposel 1:3

Nami Yesus a jaqatiŋ koba osiq moiej. Osiqa olo subq na tigelosiqa aqa segi aŋgro naŋgoq di brantoqnsiqa maŋwa gargekoba yeqnaqa naŋgi unoqneb. Unoqnsib maroqneb, “Bole, Yesus a subq na tigelqo. A ŋambile unu.” Bati 40 qa Yesus a mandamq di sosiqa aqa aŋgro naŋgoq di brantoqnej. Brantoqnsiqa Qotei a tamo uŋgasari naŋgo Mandor Koba sosiqa naŋgi taqatnjrejunu anjam di minjroqnej.