Jon 20:29 - Yesus Aqa Anjam Bole

²⁹ Onaqa Yesus na olo Tomas minjej, “Ni ino ŋamdamu na e nubsim deqa ino areqalo e qa siŋgilatonum e? Ariya tamo uŋgasari naŋgo ŋamdamu na e nubosaieqnub qaji naŋgi e qa naŋgo areqalo siŋgilatqab di naŋgi tulaŋ areboleboleinjrqas.”

Jon 20:29 ပူးပေါင်းရင်းမြစ်များ

Matyu 13:16

“Ariya niŋgi ijo segi aŋgro unub deqa niŋgi tulaŋ areboleboleiŋgem. Di kiyaqa? Nuŋgo ŋamdamu na ijo kumbra uneqnub. Nuŋgo dabkala na ijo anjam queqnub.

Luk 1:45

Kumbra Tamo Koba Qotei na ni emqajqa mermej qaji di ni qusim marem, ‘Bole, Qotei na kumbra di ebqas.’ Deqa Qotei na aqa segi anjam di dauryosim kumbra tulaŋ boledamu ni emimqa ni tulaŋ arebolebole na sqam.” Elisabet na degsiqa Maria minjej.

Jon 20:28

Onaqa Tomas a na Yesus minjej, “O Yesus, endego e poibqo, ni ijo Tamo Koba. Ni ijo Qotei dego.”

Jon 20:8

Onaqa aŋgro bei agi namo subq di brantej qaji a dego sub miligiq aiej. Aisiq gara di unsiq endegsi poiyej, “Bole, Yesus a subq na tigelqo.”

Jon 4:48

Onaqa Yesus na qaja tamo di minjej, “Nuŋgo segi ŋamdamu na ijo maŋwa bei unqasai di niŋgi e qa nuŋgo areqalo siŋgilatqasai.”

2 Korin 5:7

Bini iga a qa gago areqalo siŋgilatosim walweleqnum. Iga a unosaiunum.

Hibru 11:1

Iga Qotei qa gago areqalo siŋgilateqnum. Kumbra di aqa utru agiende. Iŋgi iŋgi kalil Qotei a nami iga egwa marej qaji di agi iga egwas. Iga iŋgi iŋgi di oqajqa tariŋesonamqa ariya mondoŋ Qotei na iga egwas. Iga Qotei qa gago areqalo siŋgilateqnum deqa iga bole qalieonum, Qotei na iŋgi iŋgi di egwas. Iga gago ŋamdamu na iŋgi iŋgi di unqa keresai di uŋgum. Iŋgi iŋgi di unu.

Hibru 11:27

Ariya a Qotei qa aqa areqalo siŋgilatosiq deqa a tigelosiq Isip sawa uratosiq gilej. Isip naŋgo mandor koba a Moses qa minjiŋ oqetej deqa a ulaosai. Qotei agi mandam tamo naŋgi na unosaieqnub qaji di Moses a na unobulosiq deqa a siŋgila na tigelosiq Isip sawa uratosiq gilej.

Hibru 11:39

Tamo kalil naŋgi di Qotei qa naŋgo areqalo siŋgilatoqneb deqa naŋgi aqa ŋamgalaq di tamo tulaŋ boledamu soqneb. Ariya naŋgi mandamq endi sosibqa iŋgi bole bole Qotei na nami naŋgi enjrqa minjrej qaji di naŋgi osaisoqneb. Osaisosib moreŋeb.

1 Pita 1:8

Niŋgi nami Kristus unosaioqneb. Ariya niŋgi a tulaŋ qalaqalaiyeqnub. Niŋgi bini a unosaieqnub. Ariya niŋgi a qa nuŋgo areqalo siŋgilatoqnsib a qa tulaŋ arebo-leboleiŋgeqnu. Nuŋgo arebolebole dena mandam qaji arebolebole kalil tulaŋ buŋyejunu. Nuŋgo arebolebole di aqa utru iga na dauryosim ubtqa keresai.