Jon 20:26 - Yesus Aqa Anjam Bole

²⁶ Ariya bati 7-pela koboonaqa Yesus aqa aŋgro naŋgi olo tal miligiq di soqneb. Tomas a dego naŋgi koba na soqneb. Siraŋme kalil qandimeleŋesonabqa Yesus a olo tal miligiq di brantosiqa naŋgo ambleq di tigelosiqa minjrej, “O ijo aŋgro, niŋgi are lawo na soqniye.”

Jon 20:26 ပူးပေါင်းရင်းမြစ်များ

Matyu 17:1

Yesus a na naŋgi anjam degsi minjrsiq koboonaqa bati 6-pela onaqa a tigelosiqa Pita na Jems na aqa aube Jon na naŋgi qalub joqsiqa koba na mana goge kobaq oqeb. Naŋgi segi qalub oqsib di soqneb.

Mak 16:14

Olo bati bei Yesus aqa aŋgro 11-pela naŋgi tal miligiq di awoosib iŋgi uyeqnabqa Yesus a naŋgoq di brantej. Yesus a nami subq na tigelonaqa tamo qudei naŋgi na unsib naŋgi sainjrnab qunab ugeinjrej. Naŋgo areqalo geteŋnjresoqnej. Deqa Yesus a naŋgoq di brantosiqa naŋgi ŋiriŋtnjrej.

Luk 24:36

Degsi sainjreqnabqa Yesus a segi naŋgo ambleq di brantosiq minjrej, “Niŋgi are lawo na soqniye.”

Luk 9:28

Yesus a anjam degsi marsiq koboonaqa bati 8-pela onaqa a Qotei pailyqajqa marsiqa Pita na Jon na Jems na naŋgi qalub joqsiqa koba na manaq oqeb.

Jon 11:16

Onaqa Tomas aqa ñam bei Didimus a na Yesus aqa aŋgro qudei naŋgi minjrej, “Uŋgum. Iga kalil aisim Yesus a ti moiqom.”

Jon 14:27

“E niŋgi uratŋgwa osiyqa nuŋgo are latetŋgwai. E segi are lawo na unum niŋgi degsib are lawo na sqajqa deqa e na nuŋgo are latetŋgwai. Mandam tamo uŋgasari naŋgi na degsib nuŋgo are latetŋgwa keresai. Deqa niŋgi are gulubeiŋgaiq. Osib ulaaib.

Jon 20:19

Ariya yori bati koboosiq bilaqtonaqa Yesus aqa aŋgro naŋgi siraŋme kalil qandimteleŋosib warum miligiq di soqneb. Di kiyaqa? Naŋgi Juda tamo kokba naŋgi ulainjreb deqa. Onaqa bati qujai deqa Yesus a tal miligiq di brantosiqa naŋgo ambleq di tigelosiq minjrej, “O ijo aŋgro, niŋgi are lawo na soqniye.”

Jon 20:21

Onaqa Yesus na olo minjrej, “Niŋgi are lawo na soqniye. E ijo Abu na qariŋbonaq mandamq aiem. Dego kere e na niŋgi qariŋgitqa gilsib ijo anjam mare mare laqniye.”

Jon 21:1

Onaqa bati bei Yesus a Galili ya agu qalaq dia sosiqa olo aqa aŋgro naŋgoq di brantej. Ya agu di aqa ñam bei Taiberias. Yesus a aqa aŋgro naŋgoq di olo brantej deqa e kiñala saqai.

Jon 21:14

Yesus a nami subq na tigelosiqa aqa aŋgro naŋgoq di brantoaiyeltej. Bini qalubqo.

Aposel 1:3

Nami Yesus a jaqatiŋ koba osiq moiej. Osiqa olo subq na tigelosiqa aqa segi aŋgro naŋgoq di brantoqnsiqa maŋwa gargekoba yeqnaqa naŋgi unoqneb. Unoqnsib maroqneb, “Bole, Yesus a subq na tigelqo. A ŋambile unu.” Bati 40 qa Yesus a mandamq di sosiqa aqa aŋgro naŋgoq di brantoqnej. Brantoqnsiqa Qotei a tamo uŋgasari naŋgo Mandor Koba sosiqa naŋgi taqatnjrejunu anjam di minjroqnej.