Jon 20:25 - Yesus Aqa Anjam Bole

²⁵ Onaqa Yesus aqa aŋgro naŋgi gilsib Tomas itosib minjeb, “Iga gago Tamo Koba Yesus unonum.” Degsi minjnabqa a naŋgo anjam di qunaq ugeiyonaq minjrej, “E ijo ŋamdamu na Yesus aqa baŋ tutu na qameb qaji pirigi di unsiy ojqai di e marqai, ‘Bole, Yesus a subq na tigelqo.’ E aqa jar baŋga qaja na qameb qaji di dego unsiy ojqai di e marqai, ‘Bole.’ E unqasai di e bole qa marqasai.”

Jon 20:25 ပူးပေါင်းရင်းမြစ်များ

Mak 16:13

Unsibqa naŋgi olo puluosib aisib Yesus aqa aŋgro qudei naŋgi minjreb, “Yesus aqa jejamu bulyosiq gagoq di brantqoqa iga unonum.” Degsi minjrnabqa naŋgi dego qunab ugeinjrej. Naŋgi anjam di poinjrosai.

Mak 16:14

Olo bati bei Yesus aqa aŋgro 11-pela naŋgi tal miligiq di awoosib iŋgi uyeqnabqa Yesus a naŋgoq di brantej. Yesus a nami subq na tigelonaqa tamo qudei naŋgi na unsib naŋgi sainjrnab qunab ugeinjrej. Naŋgo areqalo geteŋnjresoqnej. Deqa Yesus a naŋgoq di brantosiqa naŋgi ŋiriŋtnjrej.

Luk 24:25

Onaqa Yesus na kamba minjrej, “Nuŋgo areqalo tulaŋ truquiŋgwo. Qotei aqa medabu o qaji tamo naŋgo anjam nami maroqneb qaji di niŋgi poiŋgosai.

Jon 1:41

A Yesus uratosiq aqa was Saimon itosiq minjej, “Iga Mesaia unonum.” Ñam “Mesaia” di Hibru anjam. Gago anjam, “Kristus.”

Jon 20:27

Osiqa Tomas minjej, “O Tomas, ni ino baŋ gei na ijo baŋ bile qameb qaji aqa pirigi qamsim une. Ino baŋ waiysim ijo jar baŋga aqa pirigi dego oje. Areqalo aiyeltaim. Areqalo qujaitosim e qa ino areqalo siŋgilat.”

Jon 21:7

Onaqa Yesus aqa aŋgro bei agi Yesus a tulaŋ qalaqalaiyoqnej qaji a na Pita minjej, “Tamo di gago Tamo Koba Yesus.” Onaqa Saimon Pita a anjam di qusiqa aqa gara jugo wauqa osiq piqtej qaji di olo jigsiq qobuŋ dena prugosiq yaq aisiq Yesus aqa areq gilej.

Jon 6:30

Onaqa naŋgi Yesus aqa anjam di qusibqa olo nenemyeb, “Ni Qotei aqa maŋwa kie babtim iga unsim ni qa gago areqalo siŋgilatqom? Nami gago moma naŋgi wadau sawaq di sosib laŋ qure qa bem uyoqneb. Agi Qotei aqa anjam bei nami endegsib neŋgreŋyeb unu, ‘A na laŋ qure qa bem tamo uŋgasari naŋgi anainjreqnaq uyoqneb.’ Degsib neŋgreŋyeb. Ariya ni wau kie yim iga unsim ni qa poigim gago areqalo ni qa siŋgilatqom?”

Hibru 3:12

O was qu, niŋgi geregere ŋam atoqniye. Niŋgi ŋam atqasai di nuŋgo ambleq di was bei aqa areqalo ugeosim a Yesus qa aqa areqalo siŋgilatqa uratosim Qotei ŋambile gaigai unu qaji a qoreiyo uge.

Hibru 3:18

Qotei na tamo yai naŋgi endegsi minjrej, “Niŋgi ijo aqarato sawa miligiq gilqasai”? Osiqa minjrej, “E bole merŋgonum”? Di tamo uŋgasari aqa anjam gotraŋyoqneb qaji naŋgi.