Jon 19:7 - Yesus Aqa Anjam Bole

⁷ Onaqa Juda tamo kokba naŋgi na olo Pailat minjeb, “Yesus a segi qa marqo, ‘E Qotei aqa Ŋiri.’ Aqa une deqa a moiem. Gago dal anjam degsi unu.”

Jon 19:7 ပူးပေါင်းရင်းမြစ်များ

Mak 15:39

Yesus a degsi mondor titosiq moiej deqa qaja tamo naŋgo gate koba Yesus aqa areq di tigelesoqnej qaji a na unsiqa marej, “Bole. Tamo endi a Qotei aqa Ŋiri.”

Jon 19:8

Onaqa Pailat a naŋgo anjam di qusiqa a tulaŋ ulaugetej.

Jon 5:18

Onaqa Juda tamo kokba naŋgi Yesus aqa anjam di qusibqa naŋgi a qalib moiqajqa naŋgo areqalo torei siŋgilaeb. Di kiyaqa? A yori bati segi gentosai. A dego marej, “Qotei a ijo Abu.” Aqa anjam dena a segi qa marej, “Aqo Qotei wo ombla kerekere.” Utru deqa naŋgi Yesus qalib moiqajqa naŋgo areqalo torei siŋgilaeb.

Aposel 18:13

Tigeltosib Galio minjeb, “Tamo endena iga Juda tamo uŋgasari gago dal anjam gotraŋyoqnsiqa iga Qotei louqajqa gam bei osorgeqnu.”

Rom 1:4

Ariya bunuqna Qotei na a olo subq na tigeltonaqa bati deqa Qotei aqa Mondor na iga endegsi osorgej, Yesus a Qotei aqa Ŋiri siŋgila koba. O was qu, a gago Tamo Koba Yesus Kristus.