Jon 19:6 - Yesus Aqa Anjam Bole

⁶ Degsi minjrnaqa atra tamo kokba ti naŋgo qaja tamo naŋgi ti Yesus unsibqa naŋgi murqumyoqnsib Pailat waiŋyoqnsib minjoqneb, “Ni na ŋamburbasq di qame! Ni na ŋamburbasq di qame!” Onaqa Pailat na minjrej, “Niŋgi segi na Yesus osib ŋamburbasq di qamiye. E aqa jejamuq di une bei unosai.”

Jon 19:6 ပူးပေါင်းရင်းမြစ်များ

Matyu 26:58

Ariya naŋgi Yesus osi gileqnabqa Pita a kiñala isa isaq na Yesus dauryosiq uli uliosiq gilsiq torei atra tamo gate aqa tal meq di brantej. Brantosiqa naŋgi Yesus kieryib unqajqa deqa qaja tamo qudei naŋgo ambleq di awesoqnej.

Matyu 27:22

Onaqa Pailat na olo minjrej, “E na niŋgi Barabas eŋgwajqa merbonub. Deqa e Yesus kieryqai? Agi niŋgi a qa mareqnub. ‘A Kristus.’” Onaqa naŋgi kalil murqumyosib minjeb, “Ni Yesus osim ŋamburbasq di qame.”

Matyu 27:24

Naŋgi Pailat degsib waiŋyosib minjnabqa a qusiqa endegsi poiyej, “Tamo uŋgasari naŋgi ijo anjam quetbqasai. E naŋgi saidnjrqai di naŋgi ŋiriŋosib qoto tigelqab.” Pailat a degsi poiyej deqa a tamo uŋgasari naŋgo ulatamuq dia ya bei tabirq di qamsiqa ya dena aqa baŋ yansosiqa minjrej, “Yesus a moiqas di nuŋgo une. Ijo une sai.”

Luk 23:4

Onaqa Pailat na atra tamo kokba ti tamo uŋgasari kalil naŋgi ti minjrej, “E segi are qalonum, Yesus aqa jejamuq di une bei saiqoji.”

Jon 18:3

Deqa a na qaja tamo gargekoba naŋgi waŋal ti lam ti sebru ti eleŋonab joqsiqa nañu agu deq gileb. Atra tamo kokba ti Farisi ti naŋgi na naŋgi qariŋnjrnab Yesus ojqa gileb.

Jon 18:31

Onaqa Pailat na olo minjrej, “Niŋgi na a osib nuŋgo segi dal anjam na aqa une qa pegiyiye.” Onaqa naŋgi na kamba Pailat minjeb, “Iga Juda tamo. Deqa iga na tamo moiotqa keresai.”

Jon 18:38

Onaqa Pailat na minjej, “Anjam bole di kie?” Osiqa Pailat a olo tigelosiq oqedosiqa Juda tamo kokba naŋgoq gilsiqa minjrej, “E tamo endi aqa jejamuq di une bei unosai.

Jon 19:15

Onaqa naŋgi tulaŋ koba leleŋosib minjeb, “Ni na a taqal waiy! Osim ŋamburbasq di qame!” Onaqa Pailat na minjrej, “E nuŋgo mandor koba osiy ŋamburbasq di qamqai e?” Onaqa atra tamo kokba naŋgi na kamba minjeb, “Gago mandor bei saiqoji. Gago mandor qujai agi Sisar.”

Jon 19:4

Onaqa Pailat a Yesus olo osiqa aqa talq dena oqeq atsiqa tamo uŋgasari naŋgo ulatamuq dia tigeltej. Tigeltosiq minjrej, “Niŋgi tamo endi uniye. E aqa jejamuq di une bei yala unosaibolesai. Niŋgi di qalieqajqa deqa e Yesus niŋgi qa osi bonum.”

Aposel 2:23

Qotei na tamo di osiq nuŋgo baŋq di atej. A nami kumbra degyqa are qalsiq deqa anjam keretej. Onaqa niŋgi na Yesus osib tamo uge naŋgo baŋq di atnabqa naŋgi na osib ŋamburbasq di qalnab moiej. Nuŋgo kumbra dena niŋgi segi na Yesus qalsib moioteb.

Aposel 7:52

Nuŋgo moma naŋgi kumbra endegsib yoqneb. Naŋgi na Qotei aqa medabu o qaji tamo kalil naŋgi ugeugeinjroqnsib ñumoqneb. Bei uratosaioqneb. Kalil ñumoqneb. Qotei aqa medabu o qaji tamo naŋgi na nuŋgo moma naŋgi anjam endegsib minjroqneb, ‘Kumbra Tiŋtiŋ Yeqnu Qaji Tamo a bqas.’ Degsib minjreqnab naŋgi quqwa uratoqnsib naŋgi ñumoqneb. Ariya Yesus a bonaqa niŋgi na nuŋgo moma naŋgo kumbra di dauryosib Yesus osib jeu tamo naŋgo baŋq di atnabqa naŋgi na qalnab moiej.