Jon 19:30 - Yesus Aqa Anjam Bole

³⁰ Onaqa Yesus a wain isa koba di uysiqa marej, “Bini e ijo wau kobotonum.” Degsi marsiqa aqa gate gulaiŋosiqa mondor titosiq moiej.

Jon 19:30 ပူးပေါင်းရင်းမြစ်များ

Matyu 20:28

E Tamo Aŋgro. Niŋgi ijo kumbra qalieosib degsib dauryoqniye. Tamo naŋgi na e aqaryaibosib wauetbqajqa e deqa bosai. E na tamo naŋgi wauetnjrqa bem. E na tamo uŋgasari gargekoba naŋgi aqaryainjrsiy ijo segi ŋambile uratosiy naŋgi eleŋqai. E deqa bem.”

Matyu 27:50

Naŋgi degsib marsib tariŋosi sonabqa Yesus a olo tulaŋ koba leleŋosiqa mondor titosiq aqa ŋambile uratosiq moiej.

Matyu 3:15

Onaqa Yesus na kamba minjej, “Uŋgum. Ni ijo anjam dauryosim yansbe. Yimqa kumbra dena iga Qotei aqa areqalo kalil keretosim dauryqom.” Onaqa Jon a Yesus aqa anjam di dauryosiqa a yansej.

Mak 15:37

Degsi marnaqa naŋgi tariŋosi sonabqa Yesus a olo tulaŋ koba leleŋej. Osiqa mondor titosiq aqa ŋambile uratosiq moiej.

Luk 22:37

Niŋgi quiye. Qotei aqa anjam bei nami e qa neŋgreŋyeb qaji di aqa damu brantqas. Agi nami e qa anjam endegsib neŋgreŋyeb, ‘Tamo uŋgasari naŋgi Kristus unsib marqab, “A dego une tamo. Deqa a une tamo naŋgi koba na gaiŋesqab.” ’ Degsib e misiliŋbqab. Yimqa Qotei aqa anjam kalil nami e qa neŋgreŋyeb qaji di aqa damu brantqas.”

Luk 23:46

Onaqa Yesus a tulaŋ koba leleŋosiqa marej, “O Abu, e na ijo qunuŋ osim ino baŋq di atonum.” Degsi marsiqa mondor titosiq moiej.

Jon 10:11

E kaja naŋgo Mandor bole. Deqa e na kaja naŋgi aqaryainjrqa osiy ijo segi ŋambile uratosiy moiqai.

Jon 10:18

Tamo bei na ijo ŋambile yaibqa keresai. E ijo segi areqalo na ijo ŋambile uratosiy moiqai. E siŋgila ti unum deqa e na ijo ŋambile uratqa kere. E siŋgila ti unum deqa e na olo ijo ŋambile oqa kere. Ijo Abu na nami merbej, ‘Ni degye.’ Deqa e degyqai.”

Jon 17:4

“Ino ñam koba ti ino siŋgila ti di e na tamo uŋgasari mandamq endi unub qaji naŋgi osornjroqnem. Osim wau kalil ni na e yqajqa ebem qaji agi yekritem.

Jon 19:28

Ariya Yesus a endegsi qalieej, “Wau kalil ijo Abu na ebej qaji agi kobotonum.” Osiqa Qotei aqa anjam bei nami neŋgreŋyeb qaji di aqa damu brantqajqa deqa marej, “E ya qarbqo.”

Jon 4:34

Onaqa Yesus na minjrej, “E na ijo Abu e qariŋbej qaji aqa areqalo dauryosiy aqa wau kobotqai. Ijo iŋgi uyo bole agide.

Rom 10:4

Iga qalie, Kristus na Moses aqa dal anjam kalil keretekritej. Aqa kumbra dena tamo uŋgasari kalil a qa naŋgo areqalo siŋgilateqnub qaji naŋgi Qotei aqa ŋamgalaq di tamo bole une saiqoji sqab.

Rom 3:25

Agi Qotei a endegsi are qalej. A na Yesus qariŋyim a bosim moiim aqa leŋ aisim tamo uŋgasari kalil a qa naŋgo areqalo siŋgilateqnub qaji naŋgo une taqal waiysim aqa minjiŋ kobotqas. Kumbra dena a na iga tamo bole une saiqoji qa mergej. Aqa kumbra di a na iga osorgej. Nami Qotei a tamo naŋgi are bulyqajqa deqa marsiq naŋgi qa tariŋoqnsiqa naŋgo une qa urur kambatnjrosaioqnej.

1 Korin 5:7

Deqa was qu, niŋgi na bem tiyeqnu qaji aqa sum namij di taqal atiye. Osib dena niŋgi olo bem bunuj bulosib sum saiqoji sqab. E qalieonum, niŋgi sum saiqoji unub koboqo. Di kiyaqa? Bem Tiyosai Qaji Uyqa Bati qa naŋgi na Kristus qalnab a kaja du bulosiq gago une qa moisiq aqa leŋ aiej.

Filipai 2:8

Deqa tamo kalil naŋgi a unoqneb a tamo soqnej. Sosiqa aqa segi ñam aguq atsiqa Qotei aqa anjam dauryosiq moiej. Od, a ŋamburbasq di moiej.

Hibru 12:2

Osim iga Yesus koqyoqnqom. Iga Qotei qa gago areqalo siŋgilateqnum kumbra di agi Yesus a segi utru. Bunuqna a na gago kumbra di torei keretqas. Yesus a qalie, a Qotei aqa anjam geregere dauryosim ŋamburbasq di moiqas di bunuqna a olo ŋambile bole osim tulaŋ areboleboleiyqas. A deqa are qalsiq siŋgilaosiq ŋamburbasq di moiej. A nami qalieej, a ŋamburbasq di moiqas di tamo uŋgasari naŋgi a qa maroqnqab, “A tamo tulaŋ uge deqa a moiqo.” Yim a jemakobaiyqas. Ariya Yesus a jemai deqa are qalosai. A Qotei aqa anjam dauryosiq moiej. Ariya bini a olo laŋ qureq dia Qotei aqa awo jaram baŋ woq di awejunu.

Hibru 9:22

Deqa iga qalieqom, leŋ na segi iŋgi iŋgi kalil yansqas. Leŋ aiqasai di Qotei na tamo uŋgasari naŋgo une kobotqasai. Dal anjam a degsi marqo.