Jon 19:28 - Yesus Aqa Anjam Bole

²⁸ Ariya Yesus a endegsi qalieej, “Wau kalil ijo Abu na ebej qaji agi kobotonum.” Osiqa Qotei aqa anjam bei nami neŋgreŋyeb qaji di aqa damu brantqajqa deqa marej, “E ya qarbqo.”

Jon 19:28 ပူးပေါင်းရင်းမြစ်များ

Luk 12:50

E yanso bei oqai. E yanso di osaiunum deqa e are tulaŋ gulubekobaibeqnu.

Luk 18:31

Yesus a na aqa aŋgro 12-pela naŋgi anjam degsi minjrsiq koboonaqa naŋgi joqsiqa segitnjrsiqa endegsi minjrej, “Niŋgi quiye. Iga Jerusalem aieqnum. E Tamo Aŋgro deqa Jerusalem dia anjam kalil Qotei aqa medabu o tamo naŋgi nami e qa neŋgreŋyeb qaji di aqa damu brantqas.

Luk 22:37

Niŋgi quiye. Qotei aqa anjam bei nami e qa neŋgreŋyeb qaji di aqa damu brantqas. Agi nami e qa anjam endegsib neŋgreŋyeb, ‘Tamo uŋgasari naŋgi Kristus unsib marqab, “A dego une tamo. Deqa a une tamo naŋgi koba na gaiŋesqab.” ’ Degsib e misiliŋbqab. Yimqa Qotei aqa anjam kalil nami e qa neŋgreŋyeb qaji di aqa damu brantqas.”

Luk 9:31

Naŋgi aiyel riaŋ koba ti Qotei aqa siŋgila ti beb. Bosibqa Yesus a bunuqna Jerusalem dia aqa wau kobotosim moisim mandam uratqas anjam deqa Yesus ombla qairoqneb.

Jon 13:1

Qotei a nami Israel naŋgi Isip sawaq dia padalqa laqnabqa eleŋosiq aqaryainjrej deqa are qalqajqa yori bati koba jojomonaqa Yesus a endegsi qalieej, “E mandam endi so bati koboqo. E moisiy ijo Abu aqaq olo oqwa bati brantqo.” A degsi qalieosiq deqa aqa segi tamo uŋgasari mandamq di soqneb qaji naŋgi tulaŋ qalaqalainjroqnsiq gilsi gilsiq aqa moiqa bati itej.

Jon 17:4

“Ino ñam koba ti ino siŋgila ti di e na tamo uŋgasari mandamq endi unub qaji naŋgi osornjroqnem. Osim wau kalil ni na e yqajqa ebem qaji agi yekritem.

Jon 18:4

Gulube kalil Yesus aqaq di brantqas qaji di a nami qaliesoqnej. Deqa jeu tamo naŋgi aqaq bonabqa a naŋgo areq gilsiqa nenemnjrej, “Niŋgi yai qa bonub?”

Jon 19:24

Deqa qaja tamo naŋgi segi segi qairosib mareb, “Iga gara di bumbraŋyqasai. Iga meniŋ silali alaŋonam tamo yai aqa meniŋ na buŋnjrqas a na gara di oqas.” Degsib marsib meniŋ silali alaŋeb. Naŋgi kumbra di yeb deqa Qotei aqa anjam bei nami neŋgreŋyeb qaji di aqa damu brantej. Agi nami endegsib neŋgreŋyeb, “Naŋgi ijo gara eleŋqa marsib gilteleŋqab. Gilteleŋosib meniŋ silali alaŋqab.”

Jon 19:30

Onaqa Yesus a wain isa koba di uysiqa marej, “Bini e ijo wau kobotonum.” Degsi marsiqa aqa gate gulaiŋosiqa mondor titosiq moiej.

Jon 19:36

Qaja tamo naŋgi kumbra di yeb deqa Qotei aqa anjam bei nami neŋgreŋyeb qaji di aqa damu brantej. Agi endegsib neŋgreŋyeb, “Naŋgi aqa tanu bei gentqasai.”

Jon 4:34

Onaqa Yesus na minjrej, “E na ijo Abu e qariŋbej qaji aqa areqalo dauryosiy aqa wau kobotqai. Ijo iŋgi uyo bole agide.

Aposel 13:29

Anjam kalil Qotei aqa medabu o tamo naŋgi nami neŋgreŋyeb qaji di Juda naŋgi dauryosib yeb. Agi naŋgi na Yesus qaleb. Osib Yesus ŋamburbasq dena osib subq ateb.