Jon 19:17 - Yesus Aqa Anjam Bole

¹⁷ Degsi minjrnaqa ariya qaja tamo naŋgi na Yesus osib aqa qawarq di aqa segi ŋamburbas qoboiyetosib a baŋ ojsib Jerusalem qure uratosib osi gilsib sawa agu kiñala bei aqa ñam Tamo Gate Tanu di branteb. Ñam di Hibru anjam na Golgota mareqnub.

Jon 19:17 ပူးပေါင်းရင်းမြစ်များ

Matyu 10:38

Tamo bei na aqa segi ŋamburbas qoboiyosim e daurbqasai di a ijo aŋgro sqa keresai.

Matyu 16:24

Osiqa aqa aŋgro kalil naŋgi endegsi minjrej, “Tamo bei na e daurbqa osimqa aqa segi areqalo kalil uratekritosim di aqa segi ŋamburbas qoboiyosim e daurbem.

Matyu 27:37

Osib ŋam sarqei bei osib quraq di anjam endegsib neŋgreŋyeb, “Tamo endi Yesus. A Juda naŋgo Mandor Koba.” Degsib neŋgreŋyosib ŋam sarqei di osib Yesus aqa ŋamburbas mutu gogeq di qameb. Osib mareb, “Yesus aqa une agi a marqo, ‘E Juda naŋgo Mandor Koba.’ A degsi marqo deqa anjam di agi ŋamburbas mutu gogeq di qamonum.”

Mak 10:21

Onaqa Yesus a tamo di koqyosiqa qalaiyosiq minjej, “Ni dal anjam di kalil daurysim keretonum. Ariya kumbra qujai ni keretosai. Deqa e ni mermqai. Ni gilsim ino iŋgi iŋgi kalil qariŋyosim silali osim tamo iŋgi iŋgi saiqoji unub qaji naŋgi jeisi enjre. Degsim enjrsim bosim e daurbe. Yimqa bunuqna ni laŋ qureq dia awai bole itqam.”

Mak 15:26

Qamsib ŋam sarqei bei osib quraq di anjam endegsib neŋgreŋyeb, “Tamo endi a Juda naŋgo Mandor Koba.” Degsib neŋgreŋyosib ŋam sarqei di osib Yesus aqa ŋamburbas mutu gogeq di qameb. Osib mareb, “Yesus aqa une agi a marqo, ‘E Juda naŋgo Mandor Koba.’ A degsi marqo deqa anjam di agi ŋamburbas mutu gogeq di qamonum.”

Mak 15:32

A mareqnu, ‘E segi Kristus. E Israel naŋgo Mandor Koba.’ Aqa anjam di boleamqa a na aqa segi jejamu aqaryaiyosim ŋamburbas uratosim mandamq aiimqa iga unsim marqom, ‘Bole.’” Onaqa bajiŋ tamo aiyel Yesus aqa areq di gaintnjreb qaji naŋgi dego Yesus degsib misiliŋ anjam minjoqneb.

Mak 8:34

Osiqa tamo uŋgasari kalil naŋgi ti aqa segi aŋgro naŋgi ti metnjrnaqa aqa areq bonabqa minjrej, “Tamo bei na e daurbqa osimqa a aqa segi areqalo kalil uratosim bati gaigai aqa segi ŋamburbas qoboiyosim e daurboqnem.

Luk 14:27

Tamo bei na aqa segi ŋamburbas qoboiyosim e daurbqasai di a ijo aŋgro sqa keresai.”

Luk 23:26

A osi giloqnsibqa gamq dia tamo bei walwelosiq Jerusalem qureq aieqnaqa a turosib ojsib Yesus aqa qawarq dena ŋamburbas yaiyosib tamo di yonabqa a kamba qoboiyosiqa Yesus gam na dauryosiq giloqnej. Tamo di aqa ñam Saimon. A Sairini qure qaji.

Luk 23:33

Naŋgi gilsib sawa agu kiñala bei aqa ñam Tamo Gate Tanu di brantosib dia Yesus ŋamburbasq di gaintsib qameb. Qamsib bajiŋ tamo aiyel naŋgi dego ŋamburbasq di gaintnjrsib ñumeb. Bei Yesus aqa baŋ woq di qameb. Bei Yesus aqa baŋ qonaŋq di qameb.

Luk 23:38

Onaqa qaja tamo naŋgi ŋam sarqei bei osib quraq di anjam endegsib neŋgreŋyeb, “Tamo endi a Juda naŋgo Mandor Koba.” Degsib neŋgreŋyosib ŋam sarqei di osib Yesus aqa ŋamburbas mutu gogeq di qameb.

Luk 9:23

Osiqa aqa aŋgro kalil naŋgi endegsi minjrej, “Tamo bei na e daurbqa osimqa a aqa segi areqalo kalil uratekritosim bati gaigai aqa segi ŋamburbas qoboiyosim e daurboqnem.

Jon 19:13

Naŋgi na Pailat degsib minjnab qusiqa a olo Yesus osiq oqedosiqa aqa awo jaram kobaq di awoej. Pailat a gaigai tamo naŋgo une qa peginjrqa oqnsiq deqa awo jaramq dia awooqnej. Jaram so qaji sawa di aqa ñam Meniŋ Bijal. Hibru anjam na Gabata mareqnub.

Jon 5:2

Jerusalem dia ya kuru bei soqnej. Ya kuru di kaja naŋgo siraŋme qalaq di soqnej. Ya kuru di aqa ñam Betesda. Di Hibru anjam na mareqnub. Ya kuru areqsi jagwa oqajqa tal kiñilala 5-pela soqneb.

Aposel 7:58

Ojsib meniŋ na qalib moiqajqa titosib qure polomq osi gileb. Onaqa tamo naŋgi nami Stiven aqa jejamu laŋa gisaŋyeb qaji naŋgi na naŋgo gara jugo piqteleŋosib aŋgro wala bei aqa ñam Sol aqa siŋgaq di koroiyeb.