Jon 19:11 - Yesus Aqa Anjam Bole

¹¹ Onaqa Yesus na Pailat minjej, “Qotei laŋ qureq di unu qaji a na ni siŋgila emosai qamu ni na e kumbra bei ebqa keresai qamu. Deqa ino une kiñala. Ariya atra tamo gate agi e ojsiq ino baŋq di atqo qaji aqa une kobaquja.”

Jon 19:11 ပူးပေါင်းရင်းမြစ်များ

Matyu 26:65

Onaqa atra tamo gate a Yesus aqa anjam di qusiqa a tulaŋ minjiŋ oqetonaqa aqa segi gara jugo bumbraŋyosiqa marej, “Aqa une agi a segi babtqo iga quonum. Deqa kiyaqa tamo bei olo metonam bosim aqa une marqas? Aqa misiliŋ anjam agi niŋgi quonub.

Matyu 6:13

Satan na iga walawalaigosim uneq waigwa laqnimqa ni na Satan getentime. Yim kumbra uge bei na iga ugetetgwasai.’

Mak 14:44

Tamo Yesus osim jeu tamo naŋgo baŋq di atqas qaji a nami naŋgi ti anjam gereiyosib minjrej, “E na tamo kundoqyqai agide. A ojsib geregere taqatosib osib giliye.”

Luk 22:53

E nami koba atra tal miligiq dia niŋgi koba na sosim anjam merŋgoqnem bati deqa niŋgi yala baŋ waiysib e ojosai. Ariya bini nuŋgo bati brantqo. Endego ambru aqa siŋgila agi brantqo.”

Jon 18:13

Osib Kaiafas aqa soube Anas aqa talq osib gileb. Kaiafas a wausau deqa Juda naŋgo atra tamo gate soqnej.

Jon 18:3

Deqa a na qaja tamo gargekoba naŋgi waŋal ti lam ti sebru ti eleŋonab joqsiqa nañu agu deq gileb. Atra tamo kokba ti Farisi ti naŋgi na naŋgi qariŋnjrnab Yesus ojqa gileb.

Jon 19:10

Onaqa Pailat na olo minjej, “Ni anjam bei merbqasai e? Ni que. E tamo kobaquja. Deqa e na odqai di naŋgi ni uratmib ni gilqam. E na saidqai di naŋgi ni uratmqasai. Naŋgi ni osib ŋamburbasq di qamqab. Ni degsi poimosai e?”

Jon 3:27

Onaqa Jon na kamba minjrej, “Qotei laŋ qureq di unu qaji a na tamo bei iŋgi yqasai di a iŋgi oqa keresai.

Jon 7:30

Onaqa naŋgi Yesus aqa anjam di qusibqa naŋgi a ojsib tonto talq di waiyqa mareb. Ariya a ojqa bati kereosaisoqnej deqa tamo bei na a ojosai.

Jon 9:41

Onaqa Yesus na kamba minjrej, “Niŋgi ŋam qandimŋgejunu qamu niŋgi une saiqoji unub qamu. Ariya niŋgi maronub, ‘Iga ŋamdamu bole ateqnum.’ Deqa niŋgi une ti unub.”

Aposel 2:23

Qotei na tamo di osiq nuŋgo baŋq di atej. A nami kumbra degyqa are qalsiq deqa anjam keretej. Onaqa niŋgi na Yesus osib tamo uge naŋgo baŋq di atnabqa naŋgi na osib ŋamburbasq di qalnab moiej. Nuŋgo kumbra dena niŋgi segi na Yesus qalsib moioteb.

Aposel 3:13

Abraham, Aisak, Jekop, gago moma kalil naŋgi ti naŋgo Qotei a na aqa wau tamo Yesus laŋ qureq osi oqsiq ñam kobaquja yej. Deqa Yesus aqa siŋgila na tamo di boleosiq walwelqo. Yesus qujai di niŋgi na osib jeu tamo naŋgo baŋq di ateb. Onaqa Pailat na Yesus osim tonto talq dena oqeq atqajqa merŋgonaqa niŋgi na saidosib urateb.

Aposel 4:28

O Qotei, ni nami marem, ‘Naŋgi na Yesus qalib moiqas.’ Ino anjam di agi naŋgi dauryosib Yesus qalnab moiej. Naŋgo segi areqalo na naŋgi Yesus qalosai. Ni nami ino segi siŋgila na ti ino areqalo na ti marnamqa deqa naŋgi na Yesus qalnab moiej.

Rom 11:36

O was qu, Qotei a iŋgi iŋgi kalil ateleŋej. A iŋgi iŋgi kalil qa utru. Iŋgi iŋgi kalil di aqa segi. Deqa iga bati gaigai aqa ñam soqtoqnqom. Bole.

Rom 13:1

Niŋgi kalil sawa taqato qaji mandor kokba naŋgo sorgomq di soqniye. Iga qalie, sawa taqato qaji mandor kokba naŋgi laŋa brantosai. Qotei a segi na naŋgi wau enjreqnaqa naŋgi sawa taqateqnub. Qotei a segi na naŋgi ateleŋej unub.

Jems 1:17

Iŋgi bole bole kalil iga eleŋeqnum qaji di tulaŋ boledamu. Iŋgi iŋgi kalil di laŋ goge dena branteqnaq iga laŋa eleŋeqnum. Qotei Abu riaŋ ti unu qaji a na iŋgi iŋgi di qariŋyeqnaqa gagoq aieqnu. Qotei Abu a kumbra bulbulyosaieqnu. A seŋ qunuŋ bul sai. Agi seŋ qunuŋ a olekobaoqnsiqa olo truqueqnu. Qotei a degyosaieqnu.

Jems 4:17

Ni geregere are qale. Ni kumbra bole qa qalieosim ariya ni dauryqasai di ni une yonum.