Jon 18:38 - Yesus Aqa Anjam Bole

³⁸ Onaqa Pailat na minjej, “Anjam bole di kie?” Osiqa Pailat a olo tigelosiq oqedosiqa Juda tamo kokba naŋgoq gilsiqa minjrej, “E tamo endi aqa jejamuq di une bei unosai.

Jon 18:38 ပူးပေါင်းရင်းမြစ်များ

Matyu 27:24

Naŋgi Pailat degsib waiŋyosib minjnabqa a qusiqa endegsi poiyej, “Tamo uŋgasari naŋgi ijo anjam quetbqasai. E naŋgi saidnjrqai di naŋgi ŋiriŋosib qoto tigelqab.” Pailat a degsi poiyej deqa a tamo uŋgasari naŋgo ulatamuq dia ya bei tabirq di qamsiqa ya dena aqa baŋ yansosiqa minjrej, “Yesus a moiqas di nuŋgo une. Ijo une sai.”

Mak 15:14

Onaqa minjrej, “Kiyaqa Yesus qalit moiqas? A une kie yqo deqa a ŋamburbasq di qamqai?” Degsi minjrnaqa naŋgi olo tulaŋ koba murqumyoqnsib waiŋyoqnsib minjoqneb, “Ni na Yesus ŋamburbasq di qame.”

Luk 23:4

Onaqa Pailat na atra tamo kokba ti tamo uŋgasari kalil naŋgi ti minjrej, “E segi are qalonum, Yesus aqa jejamuq di une bei saiqoji.”

Jon 18:33

Onaqa Pailat a olo puluosiqa aqa tal miligiq gilsiqa aqa qaja tamo naŋgi minjrnaqa naŋgi na Yesus osib beb. Bonabqa Pailat na nenemyej, “Ni Juda naŋgo Mandor Koba e?”

Jon 19:4

Onaqa Pailat a Yesus olo osiqa aqa talq dena oqeq atsiqa tamo uŋgasari naŋgo ulatamuq dia tigeltej. Tigeltosiq minjrej, “Niŋgi tamo endi uniye. E aqa jejamuq di une bei yala unosaibolesai. Niŋgi di qalieqajqa deqa e Yesus niŋgi qa osi bonum.”

Jon 19:6

Degsi minjrnaqa atra tamo kokba ti naŋgo qaja tamo naŋgi ti Yesus unsibqa naŋgi murqumyoqnsib Pailat waiŋyoqnsib minjoqneb, “Ni na ŋamburbasq di qame! Ni na ŋamburbasq di qame!” Onaqa Pailat na minjrej, “Niŋgi segi na Yesus osib ŋamburbasq di qamiye. E aqa jejamuq di une bei unosai.”

Aposel 17:32

Pol a Atens qureq dia tamo uŋgasari naŋgi anjam degsi minjrnaqa naŋgi Yesus subq na tigelej anjam di qusibqa naŋgi qudei Pol kikiyeb. Ariya naŋgi qudei na Pol minjeb, “Anjam di bunuqna ni na olo mergim iga quqwom.”

1 Pita 1:19

Kristus aqa leŋ aiej qaji dena niŋgi awaiŋgej. Kristus aqa leŋ di tulaŋ bolequja. Kristus aqa jejamuq di une bei saiqoji. Agi kaja du du nami Qotei atraiyoqneb qaji naŋgo jejamuq di yu bei saiqoji dego kere.