Jon 18:33 - Yesus Aqa Anjam Bole

³³ Onaqa Pailat a olo puluosiqa aqa tal miligiq gilsiqa aqa qaja tamo naŋgi minjrnaqa naŋgi na Yesus osib beb. Bonabqa Pailat na nenemyej, “Ni Juda naŋgo Mandor Koba e?”

Jon 18:33 ပူးပေါင်းရင်းမြစ်များ

Matyu 27:11

Onaqa naŋgi Yesus osib Pailat aqa ulatamuq dia tigeltonabqa Pailat na nenemyej, “Ni Juda naŋgo Mandor Koba e?” Onaqa Yesus na minjej, “Od. Anjam agi ni na maronum di kere.”

Matyu 27:27

Osiqa naŋgi qariŋnjrnaqa naŋgi Yesus osib Rom naŋgo tal kobaqujaq osi gileb. Osi gilsib qaja tamo kalil naŋgi metnjrnab bosib tal dia koroeb.

Mak 15:2

Onaqa Pailat na Yesus nenemyej, “Ni Juda naŋgo Mandor Koba e?” Onaqa Yesus na minjej, “Od. Anjam agi ni na maronum di kere.”

Luk 23:2

Tigeltosib Pailat minjeb, “Iga Yesus uneqnum, a na Juda tamo uŋgasari naŋgi kumbra uge uge yqajqa deqa areqalo tigeltetnjreqnu. A na naŋgi mandor koba Sisar takis yqajqa saidnjroqnsiqa minjreqnu, ‘E segi nuŋgo Mandor Koba. E segi Kristus.’” Naŋgi degsib gisaŋosib Yesus aqa jejamuq di anjam qameteb.

Jon 1:49

Onaqa Nataniel a Yesus aqa anjam di qusiqa minjej, “O Qalie Tamo Koba, ni degsi maronum deqa e poibqo, ni Qotei aqa Ŋiri. Ni Israel naŋgo Mandor Koba.”

Jon 12:13

Naŋgi degsi qusib deqa naŋgi tuwom baŋga eleŋosib Yesus gamq di turqajqa aieb. Aisib Yesus beqnaqa gamq di turosibqa tulaŋ koba leleŋosib endegsib minjeb, “Iga Qotei qa tulaŋ areboleboleigwo. Tamo a bqo endi Tamo Koba Qotei aqa ñam na bqo. Deqa Qotei na a tulaŋ gereiyeme. A Israel naŋgo Mandor Koba.”

Jon 12:15

“O Saion tamo uŋgasari, niŋgi ulaaib. Niŋgi uniye. Nuŋgo Mandor Koba a donki bunuj quraq di awoosiq beqnu.”

Jon 18:34

Onaqa Yesus na kamba minjej, “Ni ino segi areqalo na anjam di merbonum kio tamo qudei naŋgi na e qa saimonub qusim anjam di merbonum kio? Ni e merbe.”

Jon 18:37

Onaqa Pailat na olo Yesus nenemyej, “Ni bole mandor e?” Onaqa Yesus na minjej, “Od, ni kere merbonum. E mandor. E anjam bole ubtqajqa deqa mandamq aisim ŋambabem. Tamo kalil anjam bole dauryeqnub qaji naŋgi ijo anjam queqnub.”

Jon 18:38

Onaqa Pailat na minjej, “Anjam bole di kie?” Osiqa Pailat a olo tigelosiq oqedosiqa Juda tamo kokba naŋgoq gilsiqa minjrej, “E tamo endi aqa jejamuq di une bei unosai.

Jon 19:12

Yesus a na Pailat degsi minjnaqa qusiqa olo oqedosiqa Juda tamo kokba naŋgi minjrej, “Uŋgum. E Yesus uratit gilqas.” A na naŋgi degsi minjreqnaqa naŋgi na olo tulaŋ saidoqnsib murqumyoqnsib minjoqneb, “Ni Yesus uratim gilaiq. Ni a uratqam di ni mandor koba Sisar aqa wau tamo bolesai. Yesus a marqo, ‘E segi mandor koba.’ A degsi marqo deqa a na Sisar jeu atqo.”

Jon 19:3

Osib Yesus aqa areq bosib a misiliŋyoqnsib gisaŋ na biŋiyoqnsib minjoqneb, “O Juda naŋgo Mandor Koba, kaiye.” Naŋgi degsib Yesus misiliŋyoqnsib baŋ lubtosib aqa ulatamuq di qaloqneb.

Jon 19:4

Onaqa Pailat a Yesus olo osiqa aqa talq dena oqeq atsiqa tamo uŋgasari naŋgo ulatamuq dia tigeltej. Tigeltosiq minjrej, “Niŋgi tamo endi uniye. E aqa jejamuq di une bei yala unosaibolesai. Niŋgi di qalieqajqa deqa e Yesus niŋgi qa osi bonum.”

Jon 19:9

Osiqa a olo Yesus osiq tal miligiq gilsiqa nenemyej, “Ni qabe na bem? Ni e merbe.” Onaqa Yesus a mequmesoqnej. A na kamba anjam bei Pailat minjosai.

1 Timoti 6:13

Qotei agi a na iŋgi iŋgi kalil ŋambile enjreqnu qaji aqa ŋamgalaq dia Kristus Yesus agi nami Pontius Pailat aqa ulatamuq di tigelosiq anjam ubtsiq maroqnej qaji aqa ŋamgalaq dia dego e ni anjam siŋgila na endegsi mermqai.