Jon 18:20 - Yesus Aqa Anjam Bole

²⁰ Onaqa Yesus na kamba minjej, “E boleq na tamo uŋgasari naŋgi ijo anjam minjroqnem. E bati gaigai Juda naŋgo Qotei tal miligiq dia, atra tal miligiq dia, naŋgo koro sawaq dia ijo anjam palontosim minjroqnem. E uliosim anjam minjrosaioqnem.

Jon 18:20 ပူးပေါင်းရင်းမြစ်များ

Matyu 24:26

Deqa tamo qudei naŋgi na niŋgi endegsib merŋgwab, ‘Niŋgi uniye. Kristus bqo agi wadau sawaq di unu.’ Degsib merŋgibqa niŋgi naŋgo anjam di dauryosib wadau sawaq gilaib. Ariya tamo qudei naŋgi na niŋgi merŋgwab, ‘Kristus bqo agi talq di unu.’ Degsib merŋgibqa niŋgi naŋgo anjam quetnjraib.

Matyu 26:55

Yesus a na aqa aŋgro di degsi minjsiqa olo qaja tamo naŋgi minjrej, “E leŋ ojo tamo deqa kio niŋgi sebru ti torom ti eleŋosib e ojqa bonub? E bati gaigai atra tal miligiq dia niŋgi koba na sosimqa tamo uŋgasari naŋgi Qotei aqa anjam minjroqnem bati deqa niŋgi yala baŋ waiysib e ojosai.

Matyu 26:65

Onaqa atra tamo gate a Yesus aqa anjam di qusiqa a tulaŋ minjiŋ oqetonaqa aqa segi gara jugo bumbraŋyosiqa marej, “Aqa une agi a segi babtqo iga quonum. Deqa kiyaqa tamo bei olo metonam bosim aqa une marqas? Aqa misiliŋ anjam agi niŋgi quonub.

Matyu 4:23

Yesus a dena walwelosiqa Galili sawa keretoqnsiqa Juda naŋgo Qotei tal miligiq giloqnsiqa Qotei aqa anjam palontosiq minjroqnej. Qotei a tamo uŋgasari naŋgo Mandor Koba sosiq naŋgi taqatnjreqnu. Anjam bole di Yesus na palontosiq minjroqnej. Osiqa tamo ma utru segi segi so qaji naŋgi boletnjroqnej.

Matyu 9:35

Ariya Yesus a dena walwelosiqa qure kokba ti qure kiñilala ti dia brantoqnsiqa Juda naŋgo Qotei tal miligiq giloqnsiqa Qotei aqa anjam palontosiq minjroqnej. Qotei a tamo uŋgasari naŋgo Mandor Koba sosiq naŋgi taqatnjreqnu. Anjam bole di Yesus na palontosiq minjroqnej. Osiqa tamo ma utru segi segi naŋgi boletnjroqnej.

Mak 8:32

Yesus a anjam degsi ubtsiq naŋgi minjrnaqa Pita a qusiqa Yesus osiqa qalaq gilsiqa ŋiriŋtosiq minjej, “Ni anjam degsi maraim.”

Luk 21:37

Bati gaigai qanam Yesus a atra tal miligiq di sosiqa tamo uŋgasari naŋgi Qotei aqa anjam palontosiq minjroqnej. Qoloeqnaqa a olo qure uratoqnsiqa mana ñam Oliv dia ŋeioqnej.

Luk 4:15

Onaqa a bati gaigai Juda naŋgo Qotei tal miligiq giloqnsiqa tamo uŋgasari naŋgi Qotei aqa anjam minjreqnaqa naŋgi quoqnsib aqa ñam soqtoqneb.

Jon 18:21

Deqa ni kiyaqa e nenemkobaibeqnum? Tamo uŋgasari ijo anjam quoqneb qaji naŋgi segi nenemnjrimqa naŋgi segi na mermqab. E anjam minjroqnem qaji di naŋgi qalie. Naŋgi segi na mermqab.”

Jon 6:59

Yesus a Kaperneam qureq Juda naŋgo Qotei tal miligiq dia sosiqa Qotei aqa anjam di palontsiq tamo uŋgasari naŋgi minjroqnej.

Jon 7:14

Ariya yori bati gilsiq ambleqyonaqa Yesus a segi brantosiqa atra tal miligiq gilsiq dia tamo uŋgasari naŋgi Qotei aqa anjam palontosiq minjroqnej.

Jon 7:26

Niŋgi uniye. A boleq na anjam mareqnaqa naŋgi a anjam bei minjosaieqnub. Naŋgi qalieonub kio, tamo di a Kristus?

Jon 7:28

Onaqa Yesus a atra tal miligiq di sosiqa a na tamo uŋgasari naŋgi Qotei aqa anjam palontosiq minjroqnej. Osiqa leleŋosiq endegsi minjrej, “Niŋgi are qalonub, niŋgi e qa qalie. E qabe na bem di niŋgi qalie e? Ariya e ijo segi areqalo na bosai. Ijo Abu na e qariŋbonaq bem. Ijo Abu a segi kumbra bole qa utru. Ariya niŋgi a qa qaliesai.

Jon 7:4

Tamo bei na aqa kumbra babtqa osimqa a uliosim yqasai. Deqa ni ino maŋwa boleq na yqa marsimqa ni tamo uŋgasari kalil naŋgo ŋamgalaq di tigelosim yoqne.”

Jon 8:2

Nobqolo ambru a olo tigelosiqa atra tal miligiq gilej. Gilsiq di sonaqa tamo uŋgasari kalil naŋgi aqa areq beqnabqa a di awesosiqa Qotei aqa anjam palontosiq minjroqnej.

Jon 8:26

E nuŋgo kumbra qa anjam gargekoba merŋgwajqa ijo areqaloq di unu. Deqa e nuŋgo kumbra qa niŋgi pegiŋgwai. Ariya ijo Abu e qariŋbej qaji a anjam bole qa utru. Deqa anjam kalil a na merbeqnu qaji di e quoqnsim tamo uŋgasari mandamq endi unub qaji naŋgi minjreqnum.” Yesus a na naŋgi degsi minjrej.

Aposel 26:26

Osiqa Agripa minjej, “O Mandor Koba Agripa, ijo anjam endi ni nami qalieosim soqnem. Deqa e ni mermqa ulaosai. Yesus aqa kumbra iga dauryeqnum qaji di iga uli na yosaioqnem. Iga gaigai boleq na yoqnem. Deqa ni kumbra deqa geregere qalieonum.