Jon 17:17 - Yesus Aqa Anjam Bole

¹⁷ Ino anjam kalil bole. Ni na ino anjam bole di naŋgi minjroqnimqa naŋgo are miligiq di wauoqnimqa dena naŋgi ino segi tamo uŋgasari tiŋtiŋ sqab.

Jon 17:17 ပူးပေါင်းရင်းမြစ်များ

Luk 8:11

Osiqa Yesus a olo anjam endegsi minjrej, “Saga yago qa yawo anjam maronum di aqa utru e na babtitqa niŋgi quiye. Saga yago di Qotei aqa anjam.

Luk 8:15

Ariya saga yago qudei mol mandam boledamuq di aieb qaji di aqa utru endegsi unu. Tamo qudei naŋgi Qotei aqa anjam qusib ojsib dauryoqnqab. Naŋgo are miligi bolequja deqa naŋgi siŋgila na tigelesosib gei bole ateleŋqab.”

Jon 15:3

Ijo anjam e nami merŋgoqnem qaji dena niŋgi gereiŋgwo. Deqa niŋgi torei milalejunub.

Jon 17:19

E niŋgi qa osiy ijo segi jejamu osiy ni emekritqai. Ijo kumbra dena naŋgi ino segi tamo uŋgasari tiŋtiŋ sosib ino anjam bole dauryoqnqab.

Jon 8:32

Deqa niŋgi anjam bole geregere qalieqab. Yimqa anjam bole dena niŋgi aqaryaiŋgimqa une bei na niŋgi ojqa keresai.”

Jon 8:40

Sai. Qotei aqa anjam bole kalil a na e merbeqnaq queqnum qaji di e niŋgi olo merŋgeqnum. Yeqnaqa niŋgi olo e lubsib moiotbqa mareqnub. Abraham a nami kumbra deqaji yosaioqnej.

Aposel 15:9

Qotei a gam bei na iga Juda tamo uŋgasari eleŋosim olo gam bei na sawa bei bei qaji tamo naŋgi eleŋqasai. Naŋgi ti iga ti koba na Yesus qa gago areqalo siŋgilatqom gam dena qujai Qotei na iga are bulyetgosim gago une kobotetgwas.

2 Korin 3:18

Deqa gago ulatamu olo kabuesosai. Iga kalil Tamo Koba Qotei aqa riaŋ di ya jeqiloq di unobuleqnam riaŋ di gagoq di tulaŋ kobaqujaeqnaqa dena iga Qotei a segi buloqnsim unum. Tamo Koba Yesus a na kumbra di iga egeqnu. Tamo Koba a segi Qotei aqa Mondor Bole.

Efesus 5:26

Kristus a ya na ti aqa segi anjam na ti iga yansgej deqa iga aqa ŋamgalaq di tamo bole une saiqoji unum. Kumbra dena iga Kristus aqa segi tamo uŋgasari tiŋtiŋ unum.

2 Tesalonaika 2:13

Ariya was qu, Tamo Koba Yesus a na niŋgi tulaŋ qalaqalaiŋgeqnu. Deqa bati gaigai iga niŋgi qa are qaloqnsim Qotei biŋiyeqnum. Namoqna Qotei na niŋgi oqajqa deqa marsiq niŋgi giltŋgej. Aqa Mondor Bole na niŋgi siŋgilatŋgimqa niŋgi aqa segi tamo uŋgasari boledamu sosib aqa anjam bole nuŋgo areqaloq di siŋgilatib kumbra dena Qotei na niŋgi oqajqa deqa marsiq niŋgi giltŋgej.

Jems 1:21

Deqa kumbra uge uge jigat kalil gaigai nuŋgoq di branteqnu qaji di niŋgi taqal waiyoqniye. Osib nuŋgo segi ñam aguq atoqnsib Qotei aqa anjam a nami nuŋgo are miligiq di atej unu qaji di niŋgi ojesoqniye. Ojesqab di Qotei a nuŋgo qunuŋ oqas.