Jon 17:12 - Yesus Aqa Anjam Bole

¹² E naŋgi ti sosimqa ino ñam kobaquja ni na ebem qaji ñam dena naŋgi taqatnjroqnem. Deqa ijo aŋgro bei padalosai. Ijo aŋgro qujai agi ni na nami padalqajqa giltem qaji a segi padalqas. A padalamqa ino anjam bei nami neŋgreŋyeb qaji di aqa damu brantqas.

Jon 17:12 ပူးပေါင်းရင်းမြစ်များ

Jon 13:18

“Ijo anjam endi e niŋgi kalil qa marosai. E segi na niŋgi giltŋgem deqa e niŋgi qa qalieonum. Ariya anjam bei Qotei aqa neŋgreŋq di unu qaji di aqa damu brantqas. Anjam agiende, ‘Tamo e ombla bem uyqas qaji a na e jeutbqas.’

Jon 17:6

“Mandam endeqa tamo uŋgasari ni na ebem qaji naŋgi di e na ino ñam osornjroqnem. Naŋgi ino segi tamo uŋgasari sonabqa ni na naŋgi e ebem. Naŋgi ino anjam dauryoqneb.

Jon 18:9

Yesus a naŋgi anjam degsi minjrej deqa aqa anjam bei nami marej qaji di aqa damu brantej. Agi a nami endegsi marej, “O Abu, tamo kalil ni na e ebem qaji bei e na uratit padalqasai.”

Jon 6:37

Tamo uŋgasari kalil Qotei na e ebej qaji naŋgi ijoq boqnqab. Tamo ijoq bqas qaji di e na olo wiyqa keresai bolesai.

Aposel 1:25

Judas a wau di uratosiqa moisiq sawa uge ni nami a aiqajqa giltem qaji deq aiej.”

Filipai 2:9

Onaqa Qotei na aqa ñam olo soqtetosiqa laŋ qureq osi oqej. Od, Qotei na a ñam tulaŋ kobaquja yej. Deqa bini aqa ñam dena ñam kalil tulaŋ buŋnjrejunu.

2 Tesalonaika 2:3

Tamo qudei naŋgi gisaŋ anjam deqaji niŋgi merŋgibqa niŋgi qusib dauryaib. Naŋgi gisaŋ kumbra dego niŋgi osorŋgibqa niŋgi bole edegaib. Niŋgi quiye. Yesus a olo bqajqa bati laŋa brantqasai. Bati di brantqa laqnimqa kumbra qudei namoqna endegsi bqas. Tamo gargekoba naŋgi boqnsib naŋgi tulaŋ diqoqnsib Qotei qoreiyoqnsib sqab. Satan a na aqa tamo kobaquja dego qariŋyim bqas. Tamo di a Qotei aqa dal anjam gotraŋyo qaji tamo. A ŋamyuoq di padalougetqas.

Hibru 2:13

Yesus a degsi Qotei minjsiqa olo endegsi marej, “E Qotei qa ijo areqalo siŋgilatosiy a qa tariŋoqnsiy sqai.” Osiqa marej, “Niŋgi e nubiye. Aŋgro Qotei na ebej qaji naŋgi e koba na unum.” Yesus a degsi marej.

1 Jon 2:19

Jeu tamo naŋgi di nami gago ambleq di soqneb. Sosib olo bunuqna iga uratgosib jaraieb. Di kiyaqa? Naŋgi Kristen tamo bolesai deqa. Naŋgi Kristen tamo bole qamu naŋgi iga ti unum qamu. Ariya naŋgi iga uratgosib jaraieb deqa iga qalieonum, naŋgi Kristen tamo bolesai.

Uli Anjam 19:12

Aqa ŋamdamu ŋam puloŋ bul puloŋoqnej. Aqa gateq di gate tatal gargekoba atesoqnej. Gate tatal di mandor kokba naŋgi na ateqnub deqaji bul. Aqa jejamuq di ñam bei neŋgreŋyonab soqnej. Ñam di a segi qalie. Tamo bei ñam di qaliesai.