Jon 16:7 - Yesus Aqa Anjam Bole

⁷ Niŋgi quiye. E bole merŋgwai. E niŋgi aqaryaiŋgwajqa deqa uratŋgsiy oqwai. E oqwasai di niŋgi siŋgilatŋgwajqa Mondor a nuŋgoq bqasai. Ariya e oqsiy Mondor qariŋyitqa a nuŋgoq bqas.

Jon 16:7 ပူးပေါင်းရင်းမြစ်များ

Luk 24:49

Niŋgi quiye. Mondor Bole ijo Abu na nami nuŋgoq qariŋyqa marej qaji di e na qariŋyit nuŋgoq bqas. Deqa niŋgi qure endia tariŋoqniye. Tariŋosi soqnibqa laŋ goge dena siŋgila nuŋgoq bamqa niŋgi siŋgila osib sawa sawa kalilq dia ijo anjam minjre minjre laqniye.”

Luk 4:25

E bole merŋgwai. Qotei aqa medabu o qaji tamo Elaija aqa bati qa laŋ geteŋesonaqa wausau qalub bai 6-pela gilsiq awa bosaioqnej. Deqa sawa sawa kalilq dia naŋgi mam koba eb. Bati deqa Israel sawaq dia uŋa qobul gargekoba soqneb.

Luk 9:27

Niŋgi quiye. E bole merŋgwai. Tamo qudei ijo areq endia tigelejunub qaji naŋgi moreŋosaisoqnibqa Qotei a bosim naŋgi taqatnjresoqnim naŋgi unqab.”

Jon 14:26

Bunuqna Aqaryaiŋgo tamo a niŋgi qa bosim siŋgilatŋgwas. A Qotei aqa Mondor Bole. Ijo Abu na a qariŋyim ijo ñam na bosim anjam kalil niŋgi merŋgekritqas. Osim nuŋgo areqalo tigeltetŋgimqa anjam kalil e nami niŋgi merŋgoqnem qaji deqa olo are qalqab.

Jon 14:28

E niŋgi endegsim merŋgonum quonub, ‘E niŋgi uratŋgsiy olo niŋgi qa bqai.’ Niŋgi e qalaqalaibonub qamu niŋgi ijo anjam deqa areboleboleiŋgwo qamu. Di kiyaqa? E ijo Abu aqaq olo oqwai deqa. Ijo Abu na e tulaŋ buŋbejunu.

Jon 14:3

E nuŋgo segi segi warum gereiyetŋgsiy olo bosiy niŋgi joqsiy qure e sqai di niŋgi dego e ombla sqab.

Jon 15:26

“Niŋgi siŋgilatŋgwajqa Mondor a ijo Abu ombla unub. E na a qariŋyit niŋgi qa bqas. A anjam bole qa Mondor. A ijo Abu aqaq dena bqas. Bosim ijo wau qa ti ijo kumbra qa ti anjam babtqas.

Jon 16:8

Bosim mandam endeqa tamo uŋgasari naŋgo une babtoqnim naŋgi poinjroqnqas. Kumbra bole qa utru di dego a na osornjroqnim naŋgi qalieoqnqab. Qotei a mondoŋ tamo uŋgasari naŋgo une qa naŋgi peginjrqas. Kumbra di dego naŋgi qalieqajqa deqa Qotei aqa Mondor na naŋgi osornjroqnqas.

Jon 7:39

Yesus a ya qa marej di a Qotei aqa Mondor qa sigitosiqa yawo anjam marej. Yesus a laŋ qureq oqsiq ñam koba osaisoqnej deqa Qotei aqa Mondor bosaisoqnej. A bunuqna oqsim Qotei aqa Mondor qariŋyim bamqa tamo naŋgi Yesus qa naŋgo areqalo siŋgilatqab qaji naŋgi Qotei aqa Mondor oqab. Deqa Yesus a yawo anjam degsi marej.

Aposel 10:34

Onaqa Pita a tigelosiqa naŋgi endegsi minjrej, “E Juda tamo. Niŋgi Juda tamo sai. Niŋgi sawa bei bei qaji tamo. Di uŋgum. Qotei a iga Juda tamo iga bole qa maroqnsiq olo sawa bei bei qaji tamo naŋgi uge qa marosaieqnu. Aqa ŋamdamuq di tamo kalil kere kere unub. Endego e degsi qalieonum.

Aposel 2:33

A laŋ qureq oqsiq ñam kobaquja osiq Qotei aqa baŋ woq di awesoqnej. Osiq Qotei aqa Mondor niŋgi nami eŋgwa marej qaji di aqa Abu aqaq dena yaiyosiqa qariŋyqo aiqoqa niŋgi unsib nuŋgo dabkala na dego quonub.

Rom 8:28

Iga qalieonum, Qotei na tamo uŋgasari kalil a tulaŋ qalaqalaiyeqnub qaji naŋgi geregere taqatnjreqnu. Deqa kumbra kalil naŋgoq di branteqnu qaji dena naŋgi olo boletnjreqnu. Tamo naŋgi di Qotei na nami oqa marsiq metnjrej.

2 Korin 4:17

Di kiyaqa? Iga qalieonum, gulube ti jaqatiŋ ti iga bini eqnum qaji di tulaŋ kokba sai. Naŋgi sokiñalayosib koboqab. Iga gulube di eqnum deqa mondoŋ iga laŋ qureq dia so bole gaigai sqom. Iga qalieonum, iŋgi bole bole iga mondoŋ oqom qaji di tulaŋ boledamu. Iŋgi iŋgi dena mandam qa iŋgi iŋgi kalil tulaŋ buŋnjresqas.