Jon 16:25 - Yesus Aqa Anjam Bole

²⁵ Osiqa Yesus a olo anjam endegsi minjrej, “E anjam merŋgeqnum endi yawo na anjam merŋgeqnum. Bunuqna e olo yawo anjam bei merŋgwasai. Anjam aqa damu geregere plaltosiy ijo Abu qa merŋgoqnqai.

Jon 16:25 ပူးပေါင်းရင်းမြစ်များ

Mak 4:13

Osiqa minjrej, “Saga yago qa yawo anjam maronum di aqa utru niŋgi poiŋgosai e? Dego di niŋgi kiersib ijo yawo anjam kalil qa poiŋgwas?

Mak 4:34

A anjam bei minjrosaioqnej. Yawo anjam segi minjroqnej. Olo segitoqnsiqa aqa segi aŋgro naŋgi yawo anjam aqa utru geregere plaltosiq minjroqnej.

Mak 8:32

Yesus a anjam degsi ubtsiq naŋgi minjrnaqa Pita a qusiqa Yesus osiqa qalaq gilsiqa ŋiriŋtosiq minjej, “Ni anjam degsi maraim.”

Jon 10:24

Walweleqnaqa Juda tamo kokba naŋgi Yesus aqa areq di koroosib minjeb, “Bati gembub koboamqa ni na ino ñam ubtsim geregere mergwam? Ni Kristus boleamqa geregere merge.”

Jon 10:6

Yesus a na Farisi naŋgi yawo anjam degsi minjrnaqa naŋgi qusib utru poinjrosai.

Jon 16:12

“E anjam gargekoba niŋgi merŋgwajqa ijo areqaloq di unu. Bini e merŋgwasai. Di kiyaqa? Nuŋgo areqalo na ojqa keresai deqa.

Jon 16:2

Juda tamo kokba naŋgi na niŋgi taqal waiŋgosib niŋgi olo Qotei tal miligiq gilqa saidŋgwab. Yimqa bunuqna bati bei bamqa tamo naŋgi niŋgi liŋgoqnsib moiotŋgeqnub qaji naŋgi endegsib are qalqab, ‘Iga Qotei aqa wau bole yeqnum.’

Jon 16:32

Niŋgi quiye. Bati bei bqas agi jojomqo. Od, bati di bqo. Deqa jeu tamo naŋgi na niŋgi teteiŋgibqa niŋgi kalil e uratbosibqa segisegiosib nuŋgo qureq jaraiibqa e segi sqai. Bole, e segi sqasai. Di kiyaqa? Ijo Abu a e ombla unum deqa.

2 Korin 4:2

Kumbra uge uge kalil tamo naŋgi ulitosib yeqnub qaji di iga qoreiyeqnum. Iga gisaŋ kumbra na walwelosaieqnum. Iga Qotei aqa anjam bulbulyo-saieqnum. Iga boleq di anjam bole segi mareqnum. Yim tamo kalil naŋgi gago kumbra di unsib naŋgo are miligiq di qalieqab, bole, iga Qotei aqa ŋamgalaq di wau bole yeqnum.