Jon 16:22 - Yesus Aqa Anjam Bole

²² Dego kere bini niŋgi are gulubeiŋgwo. Ariya bunuqna e niŋgi olo niŋgitqa niŋgi are gulube di uratosib tulaŋ areboleboleiŋgwas. Nuŋgo arebolebole di tamo bei na olo yaiŋgwa keresai.

Jon 16:22 ပူးပေါင်းရင်းမြစ်များ

Matyu 28:8

Onaqa uŋa aiyel naŋgi di tulaŋ ulaugeteb. Osib naŋgi olo areboleboleinjrej. Deqa naŋgi subq dena olo puluosib gurgur ti aisib laŋ aŋgro na anjam minjrej qaji di Yesus aqa aŋgro naŋgi minjrqajqa aieb.

Luk 10:42

Iŋgi qujai qa are qalqam di kere. Agi Maria a iŋgi qujai di oqo. Iŋgi di tulaŋ boledamu. Di tamo bei na olo yaiyqa keresai.”

Luk 16:25

“Onaqa Abraham na minjej, ‘O aŋgro, ni are qale. Ni nami ñoro koba ti sosimqa areboleboleimeqnaqa iŋgi bole bole uyoqnem. Ni degsi sonamqa Lasarus a ino iŋgi ñeŋgi uyoqnsiq soqnej. Deqa bini Lasarus a sawa bole endi sosiqa a tulaŋ areboleboleiyeqnu. Ariya ni agi ŋamyuoq di sosimqa jaqatiŋ koba eqnum.

Luk 19:26

“Onaqa tamo koba na minjrej, ‘Niŋgi quiye. E endegsi merŋgwai. Tamo a wau geregere taqatoqnqas di Qotei na olo wau gargekoba aqa baŋq di atimqa a na taqatoqnqas. Ariya tamo a wau geregere taqatoqnqasai di wau kiñala a na taqatejunu qaji di Qotei na olo aqa baŋq dena yaiyimqa a laŋa sosimqa wau bei taqatoqnqasai.’

Jon 14:1

Osiqa Yesus a na aqa aŋgro kalil naŋgi olo endegsi minjrej, “Niŋgi are gulubeiŋgaiq. Niŋgi Qotei qa nuŋgo areqalo siŋgilateqnub. Ariya niŋgi e qa dego nuŋgo areqalo siŋgilatoqniye.

Jon 14:19

Tamo uŋgasari mandamq endi unub qaji naŋgi sokiñalaysibqa e olo nubqasai. Ariya niŋgi na e olo nubqab. E ŋambile unum deqa niŋgi dego ŋambile sqab.

Jon 14:27

“E niŋgi uratŋgwa osiyqa nuŋgo are latetŋgwai. E segi are lawo na unum niŋgi degsib are lawo na sqajqa deqa e na nuŋgo are latetŋgwai. Mandam tamo uŋgasari naŋgi na degsib nuŋgo are latetŋgwa keresai. Deqa niŋgi are gulubeiŋgaiq. Osib ulaaib.

Jon 16:16

Osiqa Yesus a olo anjam endegsi minjrej, “Niŋgi sokiñalaysib e nubqasai. Olo sokiñalaysib e nubqab.”

Jon 16:20

Niŋgi quiye. E bole merŋgwai. Niŋgi e qa are tulaŋ ugeiŋgimqa akam ti sqab. Ariya mandam endeqa tamo uŋgasari naŋgi areboleboleinjrim sqab. Niŋgi are gulubeiŋgwas. Ariya nuŋgo are gulube di olo koboamqa niŋgi areboleboleiŋgwas.

Jon 16:6

E na anjam endi merŋgonumqa niŋgi qusib are gulubeiŋgwo.

Jon 21:7

Onaqa Yesus aqa aŋgro bei agi Yesus a tulaŋ qalaqalaiyoqnej qaji a na Pita minjej, “Tamo di gago Tamo Koba Yesus.” Onaqa Saimon Pita a anjam di qusiqa aqa gara jugo wauqa osiq piqtej qaji di olo jigsiq qobuŋ dena prugosiq yaq aisiq Yesus aqa areq gilej.

Jon 4:14

Ariya e na tamo naŋgi ya anainjrqai di naŋgi bunu ya qarnjrqasai. Ya e na anainjrqai di naŋgi uyibqa naŋgo are miligiq di ya ani bul polyoqnimqa naŋgi ŋambile gaigai sqab.”

Aposel 13:52

Bati deqa Antiok qureq dia Qotei aqa Mondor a tamo uŋgasari Yesus qa naŋgo areqalo siŋgilateb qaji naŋgo are miligiq aioqnsiqa naŋgi siŋgilatnjreqnaqa naŋgi tulaŋ areboleboleinjroqnej.

Aposel 16:25

Onaqa qolo jige Pol wo Sailas wo naŋgi tonto tal miligiq dia Qotei pailyoqnsib loueqnabqa tamo naŋgi tonto talq di soqneb qaji naŋgi quoqneb.

Aposel 2:46

Naŋgi bati gaigai naŋgo areqalo qujaitosib sosibqa Juda naŋgo atra tal miligiq dia korooqnsib louoqneb. Naŋgo segi segi talq dia dego korooqnsibqa bem gentosib uyoqneb. Naŋgi kalil arebolebole ti lawo na sosibqa Qotei aqa ñam soqtoqnsib koba na iŋgi uyoqneb. Degyeqnabqa tamo kalil naŋgi Yesus aqa tamo uŋgasari naŋgo kumbra di unoqnsibqa naŋgi qa tulaŋ areboleboleinjroqnej. Bati gaigai tamo uŋgasari qudei naŋgi are bulyeqnab Tamo Koba Qotei na naŋgi eleŋeqnaqa naŋgi boqnsib tamo nami Yesus qa naŋgo areqalo siŋgilateb qaji naŋgo miligiq aioqnsib koba na soqneb.

Aposel 5:41

Onaqa naŋgi areboleboleinjrnaqa koro sawa di uratosib gileb. Naŋgi Yesus aqa ñam qa jaqatiŋ eb deqa Qotei a naŋgi qa marej, “Naŋgi Yesus aqa ñam qa siŋgilaonub deqa naŋgi jaqatiŋ oqa kere.” Qotei a naŋgi qa degsi marej deqa naŋgi areboleboleinjrnaq gileb.

2 Korin 6:10

Iga are gulubeigeqnu. Di uŋgum. Iga gaigai areboleboleigeqnu. Iga ñoro saiqoji unum. Di uŋgum. Iga na tamo uŋgasari naŋgi aqaryainjreqnam naŋgi laŋ qaji iŋgi iŋgi koba eleŋeqnub. Iga iŋgi iŋgi saiqoji unum. Ariya iga olo laŋ qaji iŋgi iŋgi kalil ejunum.

2 Tesalonaika 2:16

Gago Tamo Koba Yesus Kristus wo gago Abu Qotei wo naŋgi aiyel na iga tulaŋ qalaqalaigeqnub. Qotei a iga qa are boleiyoqnsiq deqa a gaigai gago are boletetgeqnu. Osiqa a na iga siŋgilatgeqnu. Deqa mondoŋ a na iga boletgwajqa deqa iga tariŋoqnsim unum.

Hibru 10:34

Jeu tamo naŋgi dena nuŋgo ambleq na tamo qudei ojsibqa tonto talq di breiŋgonab sonabqa niŋgi na tonto tamo naŋgi deqa are qaloqnsib naŋgi geregereinjroqneb. Bati di jeu tamo naŋgi dena niŋgi qudei nuŋgo iŋgi iŋgi yaiŋgoqneb. Ariya niŋgi deqa are ugeiŋgosai. Niŋgi areboleboleiŋgej. Di kiyaqa? Niŋgi qalie, iŋgi di laŋa mandam qaji iŋgi. Ariya laŋ qure qaji iŋgi a bati gaigai sqas. Iŋgi di niŋgi oqsib oqab.

Hibru 6:18

Deqa Qotei aqa kumbra aiyel unu. A na aqa anjam di Abraham minjej. Osiqa aqa anjam di siŋgilatej. Aqa kumbra aiyel di unu deqa a na aqa anjam di olo bulyqa keresai. A gisaŋqa keresai dego. Deqa iga tamo uŋgasari Qotei aqa areq gileqnum qaji iga aqa anjam deqa are qaloqnsim gago are siŋgilatoqnsim iŋgi bole bole Qotei a nami iga egwa marej qaji di oqajqa tariŋesqom.

1 Pita 1:8

Niŋgi nami Kristus unosaioqneb. Ariya niŋgi a tulaŋ qalaqalaiyeqnub. Niŋgi bini a unosaieqnub. Ariya niŋgi a qa nuŋgo areqalo siŋgilatoqnsib a qa tulaŋ arebo-leboleiŋgeqnu. Nuŋgo arebolebole dena mandam qaji arebolebole kalil tulaŋ buŋyejunu. Nuŋgo arebolebole di aqa utru iga na dauryosim ubtqa keresai.