Jon 16:19 - Yesus Aqa Anjam Bole

¹⁹ Naŋgi degsib Yesus nenemyqa osib segi segi mareqnab a qalieosiqa endegsi minjrej, “E niŋgi merŋgonum, ‘Niŋgi sokiñalaysib e nubqasai. Olo sokiñalaysib e nubqab.’ Ijo anjam di aqa utru niŋgi poiŋgosai deqa niŋgi segi segi nenemeqnub.

Jon 16:19 ပူးပေါင်းရင်းမြစ်များ

Matyu 6:8

Niŋgi naŋgo kumbra di dauryaib. Niŋgi qalie, niŋgi iŋgi bei qa truquosib nuŋgo Abu pailyosaisoqnibqa a nami qalieqo.

Matyu 9:4

Naŋgi degsib mareqnabqa Yesus a naŋgo areqalo di qalieosiqa minjrej, “Niŋgi kiyaqa areqalo uge di onub?

Mak 9:32

Onaqa Yesus aqa aŋgro naŋgi aqa anjam di geregere poinjrosai. Deqa naŋgi a olo nenemyqajqa ulaeb.

Jon 13:33

O ijo aŋgro niŋgi quiye. E niŋgi koba na sokiñalaysiy uratŋgitqa niŋgi e qa ŋamoqnqab. Qure e oqwai qaji di niŋgi oqwa keresai. Ijo anjam di e nami Juda tamo naŋgi minjroqnem agi bini niŋgi dego olo merŋgonum.

Jon 14:19

Tamo uŋgasari mandamq endi unub qaji naŋgi sokiñalaysibqa e olo nubqasai. Ariya niŋgi na e olo nubqab. E ŋambile unum deqa niŋgi dego ŋambile sqab.

Jon 16:16

Osiqa Yesus a olo anjam endegsi minjrej, “Niŋgi sokiñalaysib e nubqasai. Olo sokiñalaysib e nubqab.”

Jon 16:18

Naŋgi degsib marsib olo mareb, “Yesus a marqo, ‘Niŋgi sokiñalaysib e nubqab.’ Anjam di aqa utru iga poigosai.”

Jon 16:23

Bati deqa niŋgi na olo e anjam bei nenembqasai. Deqa niŋgi quiye. E bole merŋgwai. Niŋgi iŋgi bei qa osib ijo ñam na Abu pailyqab di a na eŋgwas.

Jon 16:26

Yimqa bati deqa niŋgi ijo ñam na ijo Abu pailyoqnqab. Deqa e niŋgi qa olo ijo Abu pailyqasai. Niŋgi segi na ijo Abu pailyoqnqab.

Jon 16:30

Deqa iga bini poigwo, ni kumbra kalil qa qalieonum. Deqa tamo bei na ni anjam bei nenemmosaisoqnimqa ni a qa tariŋqasai. Ni namoqna aqa anjam kamba minjqa kere. Utru deqa iga ni qa gago areqalo siŋgilatosim qalieonum, ni Qotei ombla sosim dena bem.”

Jon 21:17

Osiqa olo nenemyoqalubtej, “O Saimon, Jon aqa ŋiri, ni e qalaqalaibeqnum e?” Yesus na Pita anjam di nenemyoqalubtej deqa Pita a are gulubeiyonaq minjej, “O Tamo Koba, ni iŋgi iŋgi kalil qa qalie. Deqa ni qalieonum, e ni qalaqalaimeqnum.” Onaqa Yesus na olo minjej, “Deqa ni na ijo kaja naŋgi geregereinjroqnime.

Jon 6:61

Degsib maroqnsib Yesus qa yomueqnabqa aqa are miligiq di qalieosiqa minjrej, “Ijo anjam dena nuŋgo areqalo ugetetŋgwo e?

Jon 7:33

Deqa Yesus a endegsi marej, “E niŋgi koba na sokiñalaysiy ijo Abu e qariŋbej qaji aqaq olo oqwai.

Hibru 4:13

Iŋgi bei a Qotei qa uliqa keresai. Iŋgi iŋgi kalil Qotei na gereinjrej qaji di a na ŋam atsiq geregere uneqnu. Deqa mondoŋ a na qujai gago kumbra kalil qa iga pegigwas.

Uli Anjam 2:23

Aqa aŋgro naŋgi dego ñumit moreŋqab. Amqa tamo uŋgasari qure kalilq dia ijo ñam qa koroosib loueqnub qaji naŋgi qalieqab, e tamo kalil naŋgo are miligi ti areqalo ti geregere unsim peleiyeqnum. Deqa niŋgi quiye. E na nuŋgo kumbra kalil geregere keretosiy nuŋgo awai dego segi segi eŋgwai.