Jon 16:10 - Yesus Aqa Anjam Bole

¹⁰ Kumbra bole aqa utru agiende. E ijo Abu aqaq oqitqa niŋgi e olo nubqasai.

Jon 16:10 ပူးပေါင်းရင်းမြစ်များ

Jon 16:28

Nami e ijo Abu ombla sosim dena mandamq aiem. Bini e olo mandam uratosiy aqaq olo oqwai.”

Jon 16:5

Ariya bini e niŋgi uratŋgsiy ijo Abu e qariŋbej qaji aqaq olo oqwai. Ariya nuŋgo ambleq di aŋgro bei na e kamba nenembosai, ‘Ni qabitqam’ degbosai.

Jon 3:14

Nami Moses a wadau sawaq di sosiqa a amal sigitosiq soqtosiqa gaintej. Dego kere e Tamo Aŋgro dego soqtbosib gaintbqab.

Jon 5:32

Ariya tamo bei unu agi Qotei. A na dego ijo wau ti ijo kumbra ti ubtsiq mareqnu. E qalieonum, anjam a mareqnu qaji di anjam bole.

Jon 7:33

Deqa Yesus a endegsi marej, “E niŋgi koba na sokiñalaysiy ijo Abu e qariŋbej qaji aqaq olo oqwai.

Aposel 17:31

Qotei a na bati atej unu. Bati di brantimqa a na tamo uŋgasari kalil naŋgo une qa peginjrqas. Aqa segi kumbra bole na ti aqa Ŋiri Yesus Kristus giltej qaji aqa baŋ na ti naŋgo une qa peginjrqas. Tamo uŋgasari naŋgi di qalieqajqa deqa Qotei na Yesus subq na olo tigeltej.”

Aposel 2:32

Yesus qujai di Qotei na subq na tigeltonaqa iga kalil ŋamdamu na unem. Deqa bini iga a qa mare mare laqnum.

Aposel 3:14

Yesus a Qotei aqa segi Tamo Boledamu. A une saiqoji. Ariya niŋgi na Yesus uratosib saidosib Pailat minjeb, ‘Leŋ ojo tamo Barabas tonto talq dena oqeq atsim ege.’ Niŋgi na Pailat degsib minjnabqa a nuŋgo anjam di dauryosiqa leŋ ojo tamo Barabas osiqa oqeq atsiq eŋgej.

Aposel 7:52

Nuŋgo moma naŋgi kumbra endegsib yoqneb. Naŋgi na Qotei aqa medabu o qaji tamo kalil naŋgi ugeugeinjroqnsib ñumoqneb. Bei uratosaioqneb. Kalil ñumoqneb. Qotei aqa medabu o qaji tamo naŋgi na nuŋgo moma naŋgi anjam endegsib minjroqneb, ‘Kumbra Tiŋtiŋ Yeqnu Qaji Tamo a bqas.’ Degsib minjreqnab naŋgi quqwa uratoqnsib naŋgi ñumoqneb. Ariya Yesus a bonaqa niŋgi na nuŋgo moma naŋgo kumbra di dauryosib Yesus osib jeu tamo naŋgo baŋq di atnabqa naŋgi na qalnab moiej.

Rom 1:17

Anjam bole dena Qotei na aqa kumbra iga osorgej. Aqa kumbra agiende. A na iga tamo bole une saiqoji qa mergej. Iga Yesus qa gago areqalo siŋgilatem dena a na iga tamo bole une saiqoji qa mergej. Di kiyaqa? Iga Yesus qa gago areqalo siŋgilatqom gam dena qujai iga Qotei aqa ŋamgalaq di tamo bole une saiqoji sqom. Agi Qotei aqa anjam bei nami endegsib neŋgreŋyeb unu, “Qotei na tamo uŋgasari a qa naŋgo areqalo siŋgilateqnub qaji naŋgi tamo bole une saiqoji qa minjrqas. Yim deqa naŋgi ŋambile gaigai sqab.”

1 Korin 1:30

Qotei a segi na niŋgi eleŋosiqa Kristus Yesus aqa baŋq di atej unub. Deqa Kristus aqa wau na iga Qotei aqa areqalo bole ti aqa powo ti unum. Aqa wau na iga tamo bole tiŋtiŋo unum. Aqa wau na iga Qotei aqa segi kumbra boleq di sosim walweleqnum. Aqa wau na Qotei na iga gago uneq dena olo awaigej deqa gago une na iga olo taqatgosai.

2 Korin 5:21

Kristus a une yosaieqnu. Ariya Qotei na iga aqaryaigwa marsiq deqa a gago une kalil osiqa Kristus aqa qawarq di atnaqa a une tamo bulej. Iga Yesus beteryosim aqa siŋgila na iga Qotei aqa segi tamo uŋgasari tiŋtiŋ sqajqa deqa osiq gago une kalil osiqa Kristus aqa qawarq di atej.

Galesia 5:5

Ariya iga degyosaieqnum. Iga Qotei aqa Mondor aqa siŋgila na Qotei qa gago areqalo siŋgilatoqnsim mondoŋ a na iga tamo bole une saiqoji qa mergwajqa deqa tariŋoqnsim unum.

1 Timoti 3:16

Iga bole qalieonum, Qotei aqa kumbra nami ulitesoqnej qaji di tulaŋ kobaquja. Kumbra di Qotei na iga osorgonaq unem. Aqa kumbra di agiende. A segi tamo bulyonaqa tamo uŋgasari naŋgi a unoqneb. Mondor Bole a na aqa kumbra bole babtosiq osorgej. Osiq mergej, “Aqa kumbra di tulaŋ tiŋtiŋo.” Laŋ aŋgro naŋgi dego a unoqneb. Tamo naŋgi sawa bei beiq giloqnsibqa aqa anjam mare mare laqneb. Deqa tamo uŋgasari mandamq endi unub qaji naŋgi a qa naŋgo areqalo siŋgilatoqneb. Ariya Qotei na a olo osiq laŋ qureq osi oqnaqa a dia ñam kobaquja osiq unu.

1 Pita 3:18

Niŋgi Kristus qa are qaloqniye. Kristus a tamo tiŋtiŋo. Ariya a na tamo uŋgasari uge uge naŋgo sawa osiq naŋgo une qa osiq moiej. A na niŋgi joqsim Qotei aqaq oqwajqa deqa osiq niŋgi qa moiej. A bati qujai qa moiej deqa a olo moiqa keresai. A tamo bulyosiqa mandamq endi soqnej. Sonaqa jeu tamo naŋgi na a qalnab moiej. Ariya a olo subq na tigelosiqa a mondor ti soqnej.