Jon 15:7 - Yesus Aqa Anjam Bole

⁷ “Niŋgi e beterbesosib ijo anjam nuŋgoq di soqnimqa niŋgi iŋgi bei qa osib Qotei pailyqab di a na iŋgi di eŋgwas.

Jon 15:7 ပူးပေါင်းရင်းမြစ်များ

Matyu 7:7

Osiqa Yesus a olo anjam endegsi minjrej, “Niŋgi iŋgi bei qa osib Qotei pailyqab di a na iŋgi di eŋgwas. Niŋgi iŋgi bei oqa marsibqa ŋamqab di itqab. Niŋgi siraŋme kindokindoŋabqa Qotei na siraŋ waqtetŋgwas.

Jon 14:13

E Qotei aqa Ŋiri deqa niŋgi iŋgi bei qa osib ijo ñam na Qotei pailyqab di e na iŋgi di eŋgwai. Yim dena ijo Abu a ñam koba oqas.

Jon 15:16

“Niŋgi na e giltbosai. E na niŋgi ijo segi qa osim giltŋgem. Osim niŋgi wau eŋgem. Yimqa niŋgi gilsib gei koba ateleŋoqnibqa nuŋgo gei bole gaigai sqas. Deqa niŋgi ijo ñam na iŋgi bei qa ijo Abu pailyqab di a na eŋgwas.

Jon 16:23

Bati deqa niŋgi na olo e anjam bei nenembqasai. Deqa niŋgi quiye. E bole merŋgwai. Niŋgi iŋgi bei qa osib ijo ñam na Abu pailyqab di a na eŋgwas.

Jon 8:31

Ariya Yesus a na Juda naŋgi a qa naŋgo areqalo siŋgilateb qaji naŋgi endegsi minjrej, “Niŋgi ijo anjam siŋgila na ojqab di niŋgi ijo aŋgro tiŋtiŋ sqab.

Jon 8:37

“E qalie, niŋgi Abraham aqa moma unub. Ariya ijo anjam nuŋgo are miligiq di sosai. Utru deqa niŋgi e lubsib moiotbqa mareqnub.

Galesia 4:2

Deqa tamo qudei naŋgi na a taqatoqnqab. Taqatesoqnib bunuqna aqa abu na marim naŋgi a olo taqatqasai.

Galesia 5:16

Ijo anjam agiende. Qotei aqa Mondor na niŋgi gam osorŋgim aqa kumbra na walweloqniye. Degsib walwelqab di niŋgi nuŋgo areqalo uge uge namij dauryqasai.

Kolosi 3:16

Osib niŋgi Kristus aqa anjam osib nuŋgo are miligiq di siŋgilatib soqnem. Osib niŋgi na nuŋgo Kristen was qu naŋgi areqalo bole ti powo ti osornjroqniye. Yim naŋgi kumbra bole bole yoqnqajqa deqa. Niŋgi nuŋgo are miligiq di Qotei biŋiyoqnsib a qa louoqniye. Lou qudei neŋgreŋq di unu qaji dena ti lou qudei Qotei aqa Mondor na nuŋgo are miligiq di ateqnu qaji dena ti niŋgi Qotei qa louoqniye.

1 Jon 2:14

O ijo aŋgro, niŋgi Abu Qotei qa bole qalieonub. E deqa anjam endi neŋgreŋyosim niŋgi qa qariŋyonum. O abu niŋgi quiye. Tamo nami soqnej agi bini unu qaji a qa niŋgi bole qalieonub. E deqa anjam endi neŋgreŋyosim niŋgi qa qariŋyonum. O aŋgro wala niŋgi quiye. Qotei aqa anjam nuŋgoq di unu deqa niŋgi siŋgila ti sosib Satan gotraŋyoqnsib siŋgila na tigelejunub. E deqa anjam endi neŋgreŋyosim niŋgi qa qariŋyonum.

1 Jon 2:27

Ariya niŋgi Kristus aqa Mondor Bole eb agi nuŋgoq di unu. Deqa niŋgi powo bei qa truquosaieqnub. Deqa e anjam bei totoryosiy niŋgi merŋgwasai. Qotei aqa Mondor a segi na anjam kalil niŋgi merŋgeqnaqa qusib poiŋgeqnu. Qotei aqa Mondor aqa anjam di gisaŋ sai. Di anjam bole. Deqa niŋgi Mondor aqa anjam di qusib poiŋgim Kristus beteryosib soqniye.

1 Jon 3:22

Osim iga iŋgi bei qa Qotei pailyimqa a gago pail qusim iŋgi di egwas. Di kiyaqa? Iga aqa dal anjam dauryoqnsim kumbra a tulaŋ areareteqnu qaji di yeqnum deqa.

1 Jon 5:14

Iga Qotei aqa areqalo dauryosim iŋgi bei qa pailyqom di a gago pail quqwas. Deqa iga Qotei ulaiyqasai. Iga aqa areq giloqnqom.