Jon 15:26 - Yesus Aqa Anjam Bole

²⁶ “Niŋgi siŋgilatŋgwajqa Mondor a ijo Abu ombla unub. E na a qariŋyit niŋgi qa bqas. A anjam bole qa Mondor. A ijo Abu aqaq dena bqas. Bosim ijo wau qa ti ijo kumbra qa ti anjam babtqas.

Jon 15:26 ပူးပေါင်းရင်းမြစ်များ

Luk 24:49

Niŋgi quiye. Mondor Bole ijo Abu na nami nuŋgoq qariŋyqa marej qaji di e na qariŋyit nuŋgoq bqas. Deqa niŋgi qure endia tariŋoqniye. Tariŋosi soqnibqa laŋ goge dena siŋgila nuŋgoq bamqa niŋgi siŋgila osib sawa sawa kalilq dia ijo anjam minjre minjre laqniye.”

Jon 14:26

Bunuqna Aqaryaiŋgo tamo a niŋgi qa bosim siŋgilatŋgwas. A Qotei aqa Mondor Bole. Ijo Abu na a qariŋyim ijo ñam na bosim anjam kalil niŋgi merŋgekritqas. Osim nuŋgo areqalo tigeltetŋgimqa anjam kalil e nami niŋgi merŋgoqnem qaji deqa olo are qalqab.

Jon 16:7

Niŋgi quiye. E bole merŋgwai. E niŋgi aqaryaiŋgwajqa deqa uratŋgsiy oqwai. E oqwasai di niŋgi siŋgilatŋgwajqa Mondor a nuŋgoq bqasai. Ariya e oqsiy Mondor qariŋyitqa a nuŋgoq bqas.

Jon 8:42

Onaqa Yesus na minjrej, “Qotei a nuŋgo Abu qamu niŋgi e qalaqalaibonub qamu. Di kiyaqa? E Qotei aqaq dena bem deqa. E ijo segi areqalo na bosai. Qotei na e qariŋbonaq bem.

Aposel 1:4

Onaqa bati bei Yesus na aqa aŋgro naŋgi olo koroinjrsiqa minjrej, “Niŋgi Jerusalem urataib. Ijo Abu aqa Mondor niŋgi nami eŋgwa marej qaji deqa niŋgi tariŋoqnsib soqniye. E nami niŋgi deqa merŋgoqnem.

Aposel 15:8

Qotei a tamo kalil naŋgo areqalo qalie. Deqa a na aqa Mondor Bole nami iga egej dego kere sawa bei bei qaji tamo naŋgi dego enjreqnu. Aqa kumbra dena a na iga osorgeqnu, a na sawa bei bei qaji tamo naŋgi dego oqajqa are qaleqnu.

Aposel 5:32

Iga gago segi ŋamdamu na Yesus aqa kumbra di unoqnsim deqa mare mare laqnum. Qotei aqa Mondor Bole na dego Yesus aqa kumbra deqa mare mare laqnu. Qotei na tamo uŋgasari aqa anjam dauryeqnub qaji naŋgi aqa Mondor di enjreqnu.”

Hibru 2:4

Qotei na maŋwa ti siŋgila ti babtoqnsiqa aqa segi areqalo dauryosiq aqa Mondor Bole aqa kumbra segi segi jeisiq tamo uŋgasari naŋgi enjroqnej. Kumbra dena naŋgi osornjrej, Qotei aqa Ŋiri aqa anjam di bole kalil.

Uli Anjam 22:1

Ariya laŋ aŋgro dena ya bei osorbej. Ya di ŋambile qa ya. Ya di tulaŋ riaŋosiq qunuŋ bulej. Ya di Qotei wo Kaja Du wo naŋgo awo jaram kobaq dena bosiq qure aqa gam koba dauryosiq sumoqnej.