Jon 15:24 - Yesus Aqa Anjam Bole

²⁴ E wau bunuj tamo bei na nami yosaioqnej qaji di naŋgo ambleq di yosai qamu naŋgi une saiqoji qamu. Ariya e naŋgo ambleq di wau bunuj yeqnamqa naŋgi unoqneb. Deqa naŋgi na aqo ijo Abu wo jeutgeqnub.

Jon 15:24 ပူးပေါင်းရင်းမြစ်များ

Matyu 11:5

Endegsib minjiye, ‘Tamo ŋam qandimnjro qaji naŋgi olo ŋam poinjreqnaq sawa uneqnub. Tamo jejamu lainjro qaji naŋgi olo walweleqnub. Tamo naŋgo jejamu yu na ugeeleŋo qaji naŋgo yu kalil koboeqnu. Tamo dabkala geteŋnjro qaji naŋgi olo poinjreqnaqa anjam queqnub. Tamo moreŋo qaji naŋgi olo tigeleqnub. Tamo iŋgi iŋgi saiqoji unub qaji naŋgi Qotei aqa anjam bole queqnub.’ Niŋgi aisib Jon degsib saiyosib minjiye.

Matyu 21:32

Di kiyaqa? Jon yansnjro qaji tamo a nuŋgoq bosiqa Qotei aqa kumbra bole niŋgi osorŋgonaqa niŋgi Jon aqa anjam quetosai. Ariya takis o qaji tamo ti gam qaji uŋa ti naŋgi Jon aqa anjam geregere queteb. Naŋgi quetonabqa niŋgi unsibqa ariya niŋgi olo are bulyosai. Osib niŋgi Jon aqa anjam quetosai dego.”

Matyu 9:33

Osi bonabqa Yesus na mondor uge di wiyetonaqa aqa meŋ otyonaqa medabu waqtosiqa anjam maroqnej. Onaqa tamo uŋgasari kalil naŋgi Yesus aqa maŋwa di unsibqa naŋgi are koba qaloqnsib maroqneb, “Israel sawaq endia tamo bei na kumbra deqaji bei yeqnaq iga nami unosaioqnem.”

Mak 2:12

Degsi minjnaqa aqa jejamu boleonaqa a tigelosiqa aqa sapera osiqa tamo uŋgasari kalil naŋgo ŋamdamuq na walwelosiq gilej. Onaqa tamo uŋgasari kalil naŋgi Yesus aqa siŋgila di unsibqa naŋgi tulaŋ prugeleŋosib Qotei aqa ñam soqtosib mareb, “Kumbra iga endego unonum di kumbra tulaŋ bei. Tamo bei na kumbra deqaji bei yeqnaq iga nami unosaioqnem.”

Luk 24:19

Onaqa Yesus na kamba nenemnjrej, “Kumbra kie brantej?” Onaqa naŋgi aiyel na minjeb, “Yesus Nasaret qaji a ŋamburbasq di qalnab moiej. Iga kumbra deqa mareqnum. Yesus a Qotei aqa medabu o qaji tamo bei. A Qotei aqa siŋgila ti sosiq deqa a Qotei aqa maŋwa gargekoba yeqnaqa tamo uŋgasari naŋgi unoqneb. A Qotei aqa siŋgila ti sosiq deqa anjam bolequja mareqnaqa tamo uŋgasari naŋgi quoqneb.

Jon 10:32

Osib Yesus qalqa laqnab endegsi minjrej, “E na niŋgi Qotei aqa wau bole bole gargekoba osorŋgoqnem. Niŋgi wau deqa kiersib are qalsib deqa e lubsib moiotbqa meniŋ eleŋonub?”

Jon 10:37

“E ijo Abu aqa wau yosaiotqa niŋgi ijo anjam quetbaib.

Jon 12:10

Yesus a Lasarus subq na tigeltej deqa atra tamo kokba naŋgi Lasarus dego qalsib moiotqa maroqneb.

Jon 12:45

Tamo bei a e nubqas di a ijo Abu e qariŋbej qaji di dego unqas.

Jon 14:9

Onaqa Yesus na minjej, “O Filip, e bati olekoba niŋgi koba na soqnem. Ni e qa qalieosaiunum e? Tamo a e nubqo di a ijo Abu dego unqo. Deqa ni kiyaqa e merbonum, ‘Ni na ino Abu iga osorge’?

Jon 15:21

Ariya jeu tamo naŋgi ijo Abu e qariŋbej qaji a qa qaliesai. Deqa naŋgi na niŋgi ugeugeiŋgoqnqab. Di kiyaqa? Niŋgi ijo ñam ejunub deqa.

Jon 15:22

“E bosim jeu tamo naŋgi di anjam minjrosai qamu naŋgi une saiqoji qamu. Ariya bini naŋgi naŋgo une di ulitqa gam saiqoji.

Jon 15:23

Tamo bei na e jeutbqas di a na ijo Abu dego jeutqas.

Jon 16:9

Une aqa utru agiende. Mandam endeqa tamo uŋgasari naŋgi e qa naŋgo areqalo siŋgilatosaieqnub.

Jon 3:2

A qolo Yesus aqa areq bosiqa minjej, “O Qalie Tamo Koba, iga qalieonum, Qotei na ni qariŋmej deqa ni bosim gago qalie tamo unum. Qotei a tamo bei ombla sqasai di a maŋwa ni yeqnum qaji di babtqa keresai.”

Jon 5:36

“Ariya anjam e palonteqnum qaji dena Jon tulaŋ buŋyejunu. Wau kalil ijo Abu na e yosiy kobotqajqa ebej qaji wau dena Jon aqa wau tulaŋ buŋyejunu. E wau di yeqnum deqa tamo uŋgasari naŋgi unoqnsib endegsi poinjreqnu, ijo Abu na e qariŋbonaq bem.

Jon 6:36

“E niŋgi merŋgonum, niŋgi gaigai nuŋgo ŋamdamu na e nubeqnub. Ariya niŋgi e qa nuŋgo areqalo siŋgilatosaieqnub.

Jon 7:31

Bati deqa tamo uŋgasari gargekoba naŋgi Yesus qa naŋgo areqalo siŋgilateb. Osib mareb, “Kristus a bosim Qotei aqa maŋwa gargekoba tamo endena babteqnu qaji di buŋyqa keresai.”

Jon 9:32

Tamo ai miligiq na ŋam qandimo ŋambabo qaji di tamo bei na boletonaq iga nami unosaioqnem.

Jon 9:41

Onaqa Yesus na kamba minjrej, “Niŋgi ŋam qandimŋgejunu qamu niŋgi une saiqoji unub qamu. Ariya niŋgi maronub, ‘Iga ŋamdamu bole ateqnum.’ Deqa niŋgi une ti unub.”

Aposel 10:38

Qotei na aqa Mondor siŋgila koba ti unu qaji di Yesus yonaqa a walweloqnsiqa kumbra bole bole yoqnsiqa tamo uŋgasari Satan na ugetnjro qaji naŋgi kalil boletnjroqnej. Qotei a Yesus ombla soqneb deqa a siŋgila ti wauoqnej.

Aposel 2:22

“Deqa Israel tamo uŋgasari, niŋgi ijo anjam endi quiye. Niŋgi qalie, Qotei na Yesus Nasaret qaji a qariŋyonaq mandamq aisiqa kumbra gargekoba nuŋgo ambleq di yoqnej. Kumbra yeqnaqa niŋgi unoqnsib maroqneb, ‘Bole, Qotei na Yesus qariŋyonaq bej.’

Rom 1:30

Naŋgi gisaŋ na tamo naŋgo ñam ugetetnjreqnub. Naŋgi Qotei jeuteqnub. Naŋgi diqoqnsib laqnsib naŋgo segi ñam soqteqnub. Naŋgi kumbra uge uge bunuj babteleŋeqnub. Naŋgi naŋgo ai wo abu wo naŋgo medabu gotraŋyeqnub.

2 Timoti 3:4

Naŋgi naŋgo segi kadoi naŋgi ugeugeinjroqnqab. Osib naŋgo segi areqalo nanari urur dauryoqnsib naŋgo segi ñam soqtoqnsib mandam qa iŋgi iŋgi qa tulaŋ areboleboleinjroqnqas. Naŋgi Qotei qa arearetnjroqnqasai.

Jems 4:4

Uŋa bei na aqa gumbuluŋ uratosiq olo tamo bei ombla sambala kumbra yeqnub dego kere niŋgi Qotei uratobuloqnsib kumbra uge uge yeqnub. Niŋgi quiye. Tamo bei a mandam qa kumbra qa tulaŋ areboleboleiyqas di a olo Qotei jeutqas. Niŋgi di qaliesai kio? Deqa tamo bei na mandam qa kumbra kadoiyqas di a Qotei ti jeu sqas.