Jon 15:20 - Yesus Aqa Anjam Bole

²⁰ E nami merŋgonum, kaŋgal tamo na aqa tamo koba buŋyqa keresai. Niŋgi ijo anjam deqa geregere are qaliye. Jeu tamo naŋgi na e ugeugeibeqnub dego kere niŋgi dego ugeugeiŋgoqnqab. Naŋgi ijo anjam dauryoqneb qamu naŋgi nuŋgo anjam dego dauryonub qamu.

Jon 15:20 ပူးပေါင်းရင်းမြစ်များ

Matyu 10:24

“Aŋgro kiñala bei na aqa abu buŋyqa keresai. Kaŋgal tamo na aqa tamo koba buŋyqa keresai.

Mak 10:39

Onaqa naŋgi na minjeb, “Od, aqo aiyel oqa kere.” Onaqa Yesus a na olo naŋgi aiyel minjrej, “Bole, jaqatiŋ e oqai di niŋgi dego oqab. Gulube e oqai di niŋgi dego oqab.

Luk 2:34

Onaqa Simion a naŋgi aiyel qa Qotei pailyosiqa Yesus aqa ani Maria minjej, “Ni que. Qotei na aŋgro endi giltqo deqa Israel tamo gargekoba naŋgi uloŋqab. Gargekoba dego olo tigelqab. A toqor bul sqas deqa tamo gargekoba naŋgi a jeutoqnqab.

Luk 6:40

Aŋgro kiñala bei na aqa abu buŋyqa keresai. A kobaqujaosimqa di aqa abu ombla kerekereqab.

Jon 10:31

Onaqa Juda naŋgi Yesus aqa anjam di qusibqa naŋgi a qalib moiqajqa marsib meniŋ eleŋeb.

Jon 11:57

Naŋgi degsib maroqneb. Di kiyaqa? Atra tamo kokba ti Farisi ti naŋgi na tamo uŋgasari naŋgi nami endegsib minjreb, “Tamo bei a Yesus qabi soqnimqa unsim bosim iga mergem. Yim iga Yesus ojsim tonto talq waiyqom.”

Jon 13:16

Niŋgi quiye. E bole merŋgwai. Kaŋgal tamo na aqa tamo koba buŋyqa keresai. Tamo a wau bei yqa gilqas qaji a na tamo a qariŋyqo qaji di buŋyqa keresai.

Jon 5:16

Onaqa Juda tamo kokba naŋgi Yesus ugeugeiyqajqa maroqneb. Di kiyaqa? A maŋwa di yori bati qa yoqnej deqa.

Jon 7:32

Tamo uŋgasari naŋgi anjam degsib Yesus qa mareqnab Farisi naŋgi qusibqa atra tamo kokba naŋgi ti koroosib qaja tamo qudei naŋgi qariŋnjrnabqa Yesus ojqa gileb.

Jon 8:51

Niŋgi quiye. E bole merŋgwai. Tamo bei na ijo anjam qusim dauryqas di a olo moiqa keresai. Saibolesai.”

Jon 8:52

Onaqa Juda naŋgi na minjeb, “Endego iga qalieonum, mondor uge inoq di unu. Abraham a moiej. Qotei aqa medabu o qaji tamo kalil naŋgi dego moreŋekriteb. Ariya ni maronum, ‘Tamo bei na ijo anjam qusim dauryqas di a olo moiqa keresai.’

Jon 8:59

Onaqa naŋgi Yesus aqa anjam di qusibqa naŋgi a qa minjiŋ oqetnjrnaqa meniŋ eleŋosib Yesus meniŋ na qalsib moiotqa yonab a loumosiq atra tal uratosiq ulaŋej.

Aposel 14:22

Naŋgi aiyel degsib giloqnsibqa tamo uŋgasari Yesus dauryoqneb qaji naŋgo are siŋgilatetnjroqnsib minjroqneb, “Niŋgi Yesus qa nuŋgo areqalo siŋgilatosib soqniye. Bole, niŋgi gulube gargekoba iteleŋoqnqab. Di uŋgum. Gulube nuŋgoq boqnibqa Qotei a nuŋgo Mandor Koba sosim niŋgi taqatŋgoqnqas.”

1 Korin 4:12

Iga ŋes ti gago segi baŋ na ti wauoqnsim unum. Tamo qudei naŋgi na iga misiliŋgeqnub. Ariya iga kamba naŋgi qa olo pailyeqnum. Tamo qudei naŋgi na iga ugeugeigeqnab iga na kamba naŋgi ugeugeinjrosaieqnum. Iga medabu getentosim gulube di qoboiyeqnum.

2 Korin 4:9

Gago jeu tamo naŋgi na iga gulube egeqnub. Ariya Qotei a deqa iga uratgosaieqnu. Naŋgi na iga lugoqnsib ŋeiotgeqnub. Ariya Qotei na olo iga aqaryaigeqnu deqa naŋgi iga torei ugeugeigosaieqnub.

1 Tesalonaika 2:15

Nami Juda naŋgi na Tamo Koba Yesus qalsib moioteb. Qotei aqa medabu o qaji tamo naŋgi dego ñumoqnsib moiotnjroqneb. Osib naŋgi na iga dego wigonab iga nuŋgo qure uratosim jaraiem. Tamo naŋgi di kumbra Qotei a areareteqnu qaji di olo gotraŋyoqnsib tamo kalil naŋgi jeutnjreqnub.

2 Timoti 3:12

Bole, jeu tamo naŋgi na tamo kalil Kristus Yesus beteryosib Qotei aqa kumbra dauryqa siŋgilaeqnub qaji naŋgi kumbra uge uge enjroqnqab.