Jon 15:11 - Yesus Aqa Anjam Bole

¹¹ Ijo areqalo agiende. E segi tulaŋ areboleboleibeqnu niŋgi dego tulaŋ areboleboleiŋgoqnem. Utru deqa e na anjam endi niŋgi merŋgonum.

Jon 15:11 ပူးပေါင်းရင်းမြစ်များ

Luk 15:23

Bulmakau meli bunuj didiqo di qalsib goisib osi babqa iga koba na uysim areboleboleigim sqom.

Luk 15:32

Ariya bini iga maruro atsimqa areboleboleigeqnu. Di kiyaqa? Ino was a moiobulosiq agi olo ŋambile sosiq bqo deqa. A loumej agi gagoq di olo brantqo.’”

Luk 15:5

Itosim areboleboleiyim soqtosim qoboiyqas.

Luk 15:9

Itosim gilsim aqa was naŋgi ti aqa qure qujai naŋgi ti kalil koroinjrsimqa minjrqas, ‘Ijo silali baŋga qujai loumqo qaji agi olo itonum! Deqa niŋgi e ombla areboleboleigim sqom!’”

Jon 16:24

Niŋgi nami ijo ñam na Qotei pailyosaioqneb. Ariya bini niŋgi iŋgi bei qa osibqa niŋgi ijo ñam na Qotei pailyoqniye. Osib deqa niŋgi iŋgi di osib niŋgi tulaŋ areboleboleiŋgoqnqas.”

Jon 16:33

Niŋgi na e beterbosib are lawo na sqajqa deqa e na anjam endi niŋgi merŋgonum. Niŋgi mandamq endia sosib niŋgi gulube koba oqnqab. Deqa uŋgum. Niŋgi are siŋgilatiye. E segi na mandam endeqa siŋgila kalil gotraŋyosim tigelejunum.”

Jon 17:13

E inoq bqai. E tulaŋ areboleboleibeqnu dego kere ijo segi tamo uŋgasari naŋgi dego tulaŋ areboleboleinjrqajqa deqa e mandamq endia sosimqa anjam endi maronum.

Jon 3:29

Tamo uŋa baŋ ojqas qaji a segi na uŋa di oqas. Aqa was a laŋa qalaq di tigelesosimqa tamo uŋa baŋ ojqo qaji aqa anjam quoqnqas. Qusimqa tulaŋ areboleboleiyqas. Dego kere e bini tulaŋ areboleboleibqo.

Rom 15:13

O was qu, Qotei a nami iŋgi bole bole di iga egwajqa marej deqa iga bini tariŋoqnsim unum. Niŋgi a qa nuŋgo areqalo siŋgilateqnub deqa a na nuŋgo are boletetŋgimqa niŋgi tulaŋ areboleboleiŋgim lawo na sqab. Yim Qotei aqa Mondor na niŋgi siŋgilatŋgimqa niŋgi iŋgi bole bole a na eŋgwa marej qaji deqa tariŋoqnsib sqab.

2 Korin 1:24

Niŋgi Yesus qa nuŋgo areqalo siŋgilateqnub nuŋgo areqalo di iga na taqatgwajqa e deqa merŋgosai. Iga qalieonum, niŋgi nuŋgo areqalo di siŋgila na ojsib tigelejunub. O was qu, niŋgi tulaŋ areboleboleiŋgwajqa deqa iga niŋgi ti waueqnum.

Efesus 5:18

Niŋgi ya uge uyoqnsib nanarioqnaib. Kumbra dena niŋgi ugeugeiŋgwas. Deqa niŋgi Qotei aqa Mondor aqa kumbra dauryoqnibqa a na niŋgi taqatŋgesqas.

Filipai 1:25

E are siŋgilatosim maronum, e niŋgi aqaryaiŋgwajqa wau ti. Deqa e qalieonum, e urur moiqasai. E mati sosiy niŋgi koba na wauoqnqai. Yim niŋgi Yesus qa nuŋgo areqalo siŋgilatoqnsib tulaŋ areboleboleiŋgoqnim sqab.

1 Tesalonaika 5:16

Osib niŋgi gaigai areboleboleiŋgim soqniye.

1 Pita 1:8

Niŋgi nami Kristus unosaioqneb. Ariya niŋgi a tulaŋ qalaqalaiyeqnub. Niŋgi bini a unosaieqnub. Ariya niŋgi a qa nuŋgo areqalo siŋgilatoqnsib a qa tulaŋ arebo-leboleiŋgeqnu. Nuŋgo arebolebole dena mandam qaji arebolebole kalil tulaŋ buŋyejunu. Nuŋgo arebolebole di aqa utru iga na dauryosim ubtqa keresai.

1 Jon 1:4

Iga ti niŋgi ti tulaŋ areboleboleigwajqa deqa are qalsim anjam endi neŋgreŋyosim niŋgi qa qariŋyonum.

2 Jon 1:12

E anjam gargekoba neŋgreŋyosiy niŋgi qa qariŋyqa kere. Ariya e neŋgreŋyqasai. E mati bosiy niŋgi nuŋgsiy anjam kalil di merŋgekritqai. Yim niŋgi qusib areboleboleiŋgwas.