Jon 14:31 - Yesus Aqa Anjam Bole

³¹ Ariya ijo areqalo agiende. Tamo uŋgasari mandamq endi unub qaji naŋgi endegsib qalieqab, e na ijo Abu tulaŋ qalaqalaiyeqnum deqa aqa anjam kalil a na e merbeqnu qaji di e olo dauryeqnum. Ariya niŋgi tigelab iga gilqom.”

Jon 14:31 ပူးပေါင်းရင်းမြစ်များ

Matyu 26:39

Degsi minjrsiqa olo kiñala sasalosiqa mandamq di ŋam quosiqa Qotei pailyosiq minjej, “O ijo Abu, gam bei soqnimqa ni na marimqa gulube endi e qa baiq.” Degsi pailyosiqa olo urur are qalsiq endegsi pailyej, “Uŋgum, ni ijo areqalo dauryaim. Ni ino segi areqalo dauryosim ye.”

Matyu 26:46

Niŋgi tigelab gilqom. Tamo e ojsim jeu tamo naŋgo baŋq di atqajqa agi brantqo.”

Luk 12:50

E yanso bei oqai. E yanso di osaiunum deqa e are tulaŋ gulubekobaibeqnu.

Jon 10:18

Tamo bei na ijo ŋambile yaibqa keresai. E ijo segi areqalo na ijo ŋambile uratosiy moiqai. E siŋgila ti unum deqa e na ijo ŋambile uratqa kere. E siŋgila ti unum deqa e na olo ijo ŋambile oqa kere. Ijo Abu na nami merbej, ‘Ni degye.’ Deqa e degyqai.”

Jon 12:27

Osiqa Yesus a olo anjam endegsi marej, “Endego e are tulaŋ gulubekobaibqo. Deqa e endegsi Qotei pailyqai kio, ‘O ijo Abu, ni na marimqa gulube e qa bqa laqnu endi e qa baiq’? Uŋgum, e degsi Qotei pailyqasai. Gulube aqa bati endi e qa branteme. E deqa mandamq aiem.

Jon 12:49

E ijo segi areqalo na anjam endi marosaieqnum. Ijo Abu e qariŋbej qaji a na anjam merbeqnaqa quoqnsim agi mareqnum.

Jon 13:1

Qotei a nami Israel naŋgi Isip sawaq dia padalqa laqnabqa eleŋosiq aqaryainjrej deqa are qalqajqa yori bati koba jojomonaqa Yesus a endegsi qalieej, “E mandam endi so bati koboqo. E moisiy ijo Abu aqaq olo oqwa bati brantqo.” A degsi qalieosiq deqa aqa segi tamo uŋgasari mandamq di soqneb qaji naŋgi tulaŋ qalaqalainjroqnsiq gilsi gilsiq aqa moiqa bati itej.

Jon 15:9

Ijo Abu na e tulaŋ qalaqalaibeqnu dego kere e na niŋgi tulaŋ qalaqalaiŋgoqnem. Deqa niŋgi gaigai ijo qalaqalaiyo kumbra ti soqniye.

Jon 18:11

Onaqa Yesus na Pita minjej, “Ino sebru olo ate. Jaqatiŋ kalil ijo Abu na ebqa merbej qaji di e oqai. Jaqatiŋ di ya uge uyo bul.”

Jon 4:34

Onaqa Yesus na minjrej, “E na ijo Abu e qariŋbej qaji aqa areqalo dauryosiy aqa wau kobotqai. Ijo iŋgi uyo bole agide.

Filipai 2:8

Deqa tamo kalil naŋgi a unoqneb a tamo soqnej. Sosiqa aqa segi ñam aguq atsiqa Qotei aqa anjam dauryosiq moiej. Od, a ŋamburbasq di moiej.