Jon 14:25 - Yesus Aqa Anjam Bole

²⁵ “Anjam endi e niŋgi koba na sosim deqa merŋgeqnum.

Jon 14:25 ပူးပေါင်းရင်းမြစ်များ

Jon 13:19

Kumbra di brantosaisonaqa e nami merŋgonum. Deqa bunuqna kumbra di brantimqa niŋgi e qa nuŋgo areqalo siŋgilatosib marqab, ‘Bole, Yesus a segi Qotei bole.’

Jon 14:24

Tamo bei a e qalaqalaibqasai di a ijo anjam dauryqasai. Anjam e na niŋgi merŋgeqnum qaji endi ijo anjam sai. Anjam endi ijo Abu e qariŋbej qaji aqa anjam.

Jon 14:26

Bunuqna Aqaryaiŋgo tamo a niŋgi qa bosim siŋgilatŋgwas. A Qotei aqa Mondor Bole. Ijo Abu na a qariŋyim ijo ñam na bosim anjam kalil niŋgi merŋgekritqas. Osim nuŋgo areqalo tigeltetŋgimqa anjam kalil e nami niŋgi merŋgoqnem qaji deqa olo are qalqab.

Jon 14:29

E ijo Abu aqaq oqosaisosim anjam endi agi merŋgonum. Deqa bunuqna e ijo Abu aqaq oqitqa niŋgi e qa nuŋgo areqalo siŋgilatqab.

Jon 15:11

Ijo areqalo agiende. E segi tulaŋ areboleboleibeqnu niŋgi dego tulaŋ areboleboleiŋgoqnem. Utru deqa e na anjam endi niŋgi merŋgonum.

Jon 16:12

“E anjam gargekoba niŋgi merŋgwajqa ijo areqaloq di unu. Bini e merŋgwasai. Di kiyaqa? Nuŋgo areqalo na ojqa keresai deqa.