Jon 14:19 - Yesus Aqa Anjam Bole

¹⁹ Tamo uŋgasari mandamq endi unub qaji naŋgi sokiñalaysibqa e olo nubqasai. Ariya niŋgi na e olo nubqab. E ŋambile unum deqa niŋgi dego ŋambile sqab.

Jon 14:19 ပူးပေါင်းရင်းမြစ်များ

Jon 11:25

Onaqa Yesus na minjej, “E segi subq na tigelo qa utru. E segi ŋambile sqajqa utru. Tamo a e qa aqa areqalo siŋgilatosim moiqas di uŋgum. A ŋambile sqas.

Jon 12:35

Onaqa Yesus na minjrej, “Puloŋ a nuŋgo ambleq di sokiñalaysim niŋgi olo uratŋgwas. Puloŋ a nuŋgo ambleq endi unu. Deqa niŋgi puloŋ di osib puloŋq na laqniye. Yimqa ambruiŋgwasai. Tamo ambruq na laqnu qaji a ambruq di sosim qabitqas kio? Di a qalieqasai.

Jon 13:33

O ijo aŋgro niŋgi quiye. E niŋgi koba na sokiñalaysiy uratŋgitqa niŋgi e qa ŋamoqnqab. Qure e oqwai qaji di niŋgi oqwa keresai. Ijo anjam di e nami Juda tamo naŋgi minjroqnem agi bini niŋgi dego olo merŋgonum.

Jon 14:6

Onaqa Yesus na minjej, “E segi gam. E segi anjam bole qa utru. E segi ŋambile qa utru dego. Deqa tamo bei a gam bei na ijo Abu aqaq oqwa keresai. Ijo Abu aqaq oqwajqa gam agi e segi qujai.

Jon 16:16

Osiqa Yesus a olo anjam endegsi minjrej, “Niŋgi sokiñalaysib e nubqasai. Olo sokiñalaysib e nubqab.”

Jon 16:22

Dego kere bini niŋgi are gulubeiŋgwo. Ariya bunuqna e niŋgi olo niŋgitqa niŋgi are gulube di uratosib tulaŋ areboleboleiŋgwas. Nuŋgo arebolebole di tamo bei na olo yaiŋgwa keresai.

Jon 6:40

Ijo Abu aqa areqalo endegsi unu. Tamo kalil e Qotei aqa Ŋiri nubsib e qa naŋgo areqalo siŋgilatqab qaji naŋgi ŋambile gaigai sqab. Diŋo bati qa e na naŋgi olo subq na tigeltnjrqai.”

Jon 7:33

Deqa Yesus a endegsi marej, “E niŋgi koba na sokiñalaysiy ijo Abu e qariŋbej qaji aqaq olo oqwai.

Jon 8:21

Onaqa Yesus a na olo tamo uŋgasari naŋgi endegsi minjrej, “E niŋgi uratŋgitqa niŋgi e qa ŋamqab e nubqasai. Niŋgi nuŋgo une ti sosibqa moreŋqab. Qure e oqwai qaji di niŋgi oqwa keresai.”

Aposel 10:41

A tamo kalil naŋgo ŋamgalaq di brantosaioqnej. Tamo naŋgi Qotei na nami Yesus aqa kumbra qa saoqnqajqa giltnjrej qaji naŋgoq di segi brantoqnej. Yesus a subq na tigelosiqa iga koba na awooqnsimqa iŋgi ti ya ti uyoqnem. Deqa bini iga a qa saosim laqnum.

Rom 5:10

Iga Qotei ti jeu sonamqa aqa Ŋiri a jeu kobotqa marsiq moiej. Deqa aqa wau dena iga bini Qotei ombla geregere unum. Ariya Qotei aqa Ŋiri a olo ŋambile unu. Deqa iga bole qalieonum, aqa ŋambile dena Qotei na iga olo oqas.

Rom 8:34

Deqa tamo yai na iga gago une aqa awai uge olo oqa mergwas? Tamo dego bei sosai. Kristus Yesus a moisiq olo subq na tigelej. Deqa bini a Qotei aqa baŋ woq di awejunu. Awesosiqa iga qa Qotei pailyeqnu.

1 Korin 15:20

Ariya iga degsi sqasai. Kristus a moinaqa Qotei na a olo subq na tigeltej. A tamo kalil nami moreŋeb qaji naŋgi qa namoosiq subq na tigelej.

1 Korin 15:45

Agi Qotei aqa anjam bei nami endegsib neŋgreŋyeb unu, “Adam namij a mandam qaji ŋambile osi soqnej.” Ariya Adam bunuj a bunuqna bosiqa a segi Mondor ti sosiqa tamo uŋgasari naŋgi laŋ qaji ŋambile enjrej. Adam bunuj di Kristus.

Hibru 7:25

Deqa tamo uŋgasari Yesus aqa ñam na Qotei aqa areq gileqnub qaji naŋgi di a na torei oqa kere. Di kiyaqa? A bati gaigai ŋambile sosim naŋgi qa Qotei pailyoqnqas.

Uli Anjam 20:4

Onaqa e olo ŋam atsimqa awo jaram kokba qudei unjrem. Awo jaram kokbaq dia tamo qudei naŋgi awoeleŋesoqneb. Tamo naŋgi di Qotei na wau enjrnaqa naŋgi awo jaram kokbaq dia awoosib tamo uŋgasari naŋgo kumbra qa naŋgi peginjroqneb. Onaqa e olo ŋam atsimqa tamo uŋgasari tulaŋ gargekoba nami moreŋo qaji naŋgo qunuŋ unjreleŋem. Tamo uŋgasari naŋgi di Yesus qa naŋgo areqalo siŋgilatoqneb qaji. Naŋgi nami Yesus aqa ñam maroqnsibqa Qotei aqa anjam siŋgila na ojesoqneb deqa jeu tamo naŋgi na naŋgo kakoro giŋgeŋnjrnab naŋgi moreŋeb. Tamo uŋgasari naŋgi di wagme juwaŋ wo aqa sulum wo biŋinjrosaioqneb. Naŋgo lanjaqsi baŋqsi wagme juwaŋ aqa toqor osai. Deqa naŋgi olo ŋambile osib wausau 1,000 Kristus ombla mandor kokba sqab.