Jon 14:15 - Yesus Aqa Anjam Bole

¹⁵ Osiqa Yesus a olo anjam endegsi minjrej, “Niŋgi e qalaqalaibo degosib ijo anjam dauryoqniye.

Jon 14:15 ပူးပေါင်းရင်းမြစ်များ

Matyu 10:37

“Deqa tamo bei na aqa ai wo abu wo naŋgi tulaŋ qalaqalainjrsimqa ariya di buŋyosim e tulaŋ qalaqalaibqasai di a ijo aŋgro sqa keresai. Tamo bei na aqa aŋgro mel naŋgi ti aqa aŋgro sebiŋ naŋgi ti tulaŋ qalaqalainjrsimqa ariya di buŋyosim e tulaŋ qalaqalaibqasai di a ijo aŋgro sqa keresai.

Jon 8:42

Onaqa Yesus na minjrej, “Qotei a nuŋgo Abu qamu niŋgi e qalaqalaibonub qamu. Di kiyaqa? E Qotei aqaq dena bem deqa. E ijo segi areqalo na bosai. Qotei na e qariŋbonaq bem.

1 Korin 16:22

Ariya e ijo anjam getentqai. Tamo bei a Tamo Koba Yesus qalaqalaiyqasai di Qotei na kamba tamo di uge qa minjsim ŋolawotqas. O Tamo Koba Yesus, ni aue.

Galesia 5:6

Tamo a Kristus Yesus beteryesqas di a marqas, iga muluŋ aiqom di laŋa. Iga muluŋ aiqasai di dego laŋa. Ariya iga Kristus qa gago areqalo siŋgilatosim dena iga qalaqalaiyo kumbra dauryoqnqom di kumbra bole utru ti.

Efesus 6:24

Tamo kalil gago Tamo Koba Yesus Kristus qalaqalaiyqa uratosaieqnub qaji naŋgi qa Qotei a are boleiyeme.

1 Pita 1:8

Niŋgi nami Kristus unosaioqneb. Ariya niŋgi a tulaŋ qalaqalaiyeqnub. Niŋgi bini a unosaieqnub. Ariya niŋgi a qa nuŋgo areqalo siŋgilatoqnsib a qa tulaŋ arebo-leboleiŋgeqnu. Nuŋgo arebolebole dena mandam qaji arebolebole kalil tulaŋ buŋyejunu. Nuŋgo arebolebole di aqa utru iga na dauryosim ubtqa keresai.

2 Jon 1:6

Qalaqalaiyo kumbra agiende. Iga Qotei aqa dal anjam dauryoqnqom. Dal anjam di aqa damu agiende. Niŋgi qalaqalaiyo kumbra dauryoqniye. Dal anjam di agi niŋgi nami queb.