Jon 14:1 - Yesus Aqa Anjam Bole

¹ Osiqa Yesus a na aqa aŋgro kalil naŋgi olo endegsi minjrej, “Niŋgi are gulubeiŋgaiq. Niŋgi Qotei qa nuŋgo areqalo siŋgilateqnub. Ariya niŋgi e qa dego nuŋgo areqalo siŋgilatoqniye.

Jon 14:1 ပူးပေါင်းရင်းမြစ်များ

Jon 11:33

Onaqa Yesus a Juda tamo uŋgasari Maria dauryosib beb qaji naŋgi Maria ombla akamoqneb di unsiqa naŋgi qa are ugeiyonaqa nenemnjrej,

Jon 12:27

Osiqa Yesus a olo anjam endegsi marej, “Endego e are tulaŋ gulubekobaibqo. Deqa e endegsi Qotei pailyqai kio, ‘O ijo Abu, ni na marimqa gulube e qa bqa laqnu endi e qa baiq’? Uŋgum, e degsi Qotei pailyqasai. Gulube aqa bati endi e qa branteme. E deqa mandamq aiem.

Jon 12:44

Onaqa Yesus a tulaŋ koba leleŋosiq marej, “Tamo bei a e qa aqa areqalo siŋgilatqas di a e qa segi aqa areqalo siŋgilatqasai. Ijo Abu e qariŋbej qaji a qa dego aqa areqalo siŋgilatqas.

Jon 13:19

Kumbra di brantosaisonaqa e nami merŋgonum. Deqa bunuqna kumbra di brantimqa niŋgi e qa nuŋgo areqalo siŋgilatosib marqab, ‘Bole, Yesus a segi Qotei bole.’

Jon 16:24

Niŋgi nami ijo ñam na Qotei pailyosaioqneb. Ariya bini niŋgi iŋgi bei qa osibqa niŋgi ijo ñam na Qotei pailyoqniye. Osib deqa niŋgi iŋgi di osib niŋgi tulaŋ areboleboleiŋgoqnqas.”

Jon 16:3

Naŋgi aqo ijo Abu wo qa qaliesai deqa naŋgi na niŋgi degŋgwab.

Jon 16:6

E na anjam endi merŋgonumqa niŋgi qusib are gulubeiŋgwo.

Jon 5:23

E wau di yeqnum deqa tamo kalil naŋgi ijo Abu aqa ñam soqteqnub dego kere naŋgi ijo ñam dego soqtetboqnqab. Di kiyaqa? E Qotei aqa Ŋiri deqa. Tamo naŋgi ijo ñam soqtosaieqnub qaji naŋgi ijo Abu e qariŋbej qaji aqa ñam dego soqtosaieqnub.

Jon 6:40

Ijo Abu aqa areqalo endegsi unu. Tamo kalil e Qotei aqa Ŋiri nubsib e qa naŋgo areqalo siŋgilatqab qaji naŋgi ŋambile gaigai sqab. Diŋo bati qa e na naŋgi olo subq na tigeltnjrqai.”

2 Korin 2:7

Deqa bini niŋgi olo kumbra bulyosib aqa une kobotetosib aqa are latetiye. Yim a are boleqas. Niŋgi degyqasai di a olo are tulaŋ gulube ti so uge.

Efesus 1:15

E endegsi quem. Niŋgi Tamo Koba Yesus qa nuŋgo areqalo siŋgilatoqnsibqa Qotei aqa tamo uŋgasari kalil naŋgi qalaqalainjreqnub.

2 Tesalonaika 2:2

Tamo qudei naŋgi gisaŋoqnsib endegsib merŋgeqnub, “Tamo Koba Yesus a olo bqajqa bati brantqo.” Osib tamo qudei naŋgi endegsib mareqnub, “Qotei aqa Mondor na degsi babtosiq iga mergwo.” Olo tamo qudei naŋgi mareqnub, “Gago anjam di Qotei aqa anjam.” Olo tamo qudei naŋgi mareqnub, “Pol aqa wau qujai naŋgi ti anjam di neŋgreŋyonab iga sisiyem.” O was qu, naŋgo anjam di gisaŋ. Deqa niŋgi naŋgo anjam di qusibqa niŋgi urur prugugetosib are gulubeiŋgaiq.

1 Pita 1:21

Kristus a na niŋgi aqaryaiŋgej deqa niŋgi Qotei qa nuŋgo areqalo siŋgilatosib unub. Kristus agi moinaqa Qotei na olo subq na tigeltosiqa metonaq a laŋ qureq oqsiq dia ñam kobaquja ej. Utru deqa niŋgi Qotei qa nuŋgo areqalo siŋgilatoqnsib anjam a nami marej qaji di aqa damu brantqajqa deqa tariŋoqnsib unub.