Jon 13:17 - Yesus Aqa Anjam Bole

¹⁷ Kumbra e yeqnum qaji endi aqa utru niŋgi poiŋgwo. Deqa niŋgi ijo kumbra endi dauryqab di niŋgi tulaŋ areboleboleiŋgwas.

Jon 13:17 ပူးပေါင်းရင်းမြစ်များ

Matyu 12:50

Tamo a ijo Abu laŋ qureq di unu qaji aqa areqalo dauryosim sqas di ijo was bole. Di ijo jaja. Di ijo ai.”

Luk 11:28

Onaqa Yesus na kamba minjej, “Ijo ai a segi sai. Tamo naŋgi Qotei aqa anjam qusib dauryeqnub qaji naŋgi dego tulaŋ areboleboleinjrim sqab.”

Jon 15:14

Niŋgi ijo anjam e na merŋgeqnum qaji endi dauryoqnqab di niŋgi ijo segi kadoi bole sqab.

Rom 2:13

Di kiyaqa? Tamo naŋgi dal anjam laŋa quoqnsib olo dauryosaieqnub qaji naŋgi Qotei aqa ŋamgalaq di tamo bolesai. Tamo naŋgi dal anjam qusib dauryeqnub qaji naŋgi segi Qotei na tamo bole une saiqoji qa minjrqas.

Galesia 5:6

Tamo a Kristus Yesus beteryesqas di a marqas, iga muluŋ aiqom di laŋa. Iga muluŋ aiqasai di dego laŋa. Ariya iga Kristus qa gago areqalo siŋgilatosim dena iga qalaqalaiyo kumbra dauryoqnqom di kumbra bole utru ti.

Jems 1:25

Ariya Qotei aqa dal anjam a tulaŋ bole tiŋtiŋo. Dal anjam dena gago une aqa siŋgila kalil kobotetgeqnu. Deqa gago une dena iga olo titgosaieqnu. Tamo naŋgi Qotei aqa dal anjam di geregere peleiyoqnsib dauryoqnqab di Qotei a naŋgo wau kalil tulaŋ boletoqnqas. Ariya tamo naŋgi Qotei aqa dal anjam di laŋa qusib olo are walnjrqas di Qotei a naŋgo wau boletqasai.

Jems 4:17

Ni geregere are qale. Ni kumbra bole qa qalieosim ariya ni dauryqasai di ni une yonum.

Uli Anjam 22:14

“Tamo uŋgasari naŋgo gara yansonub qatqo qaji naŋgi tulaŋ areboleboleinjrim sqab. Naŋgi ŋambile qa ŋam gei osib uyqa kere. Naŋgi Qotei aqa qure koba dego miligiq gilqa kere.