Jon 13:15 - Yesus Aqa Anjam Bole

¹⁵ Kumbra e endego niŋgi eŋgonum qaji endi niŋgi kamba dego degsib yqajqa deqa kumbra osorŋgonum.

Jon 13:15 ပူးပေါင်းရင်းမြစ်များ

Matyu 11:29

Niŋgi e qa geregere qalieosib ijo anjam aqa sorgomq di soqniye. Di kiyaqa? E na tamo naŋgi lawo kumbra enjroqnsim ijo segi ñam aguq ateqnum. Deqa niŋgi e qa qalieabqa iŋgi bei na niŋgi gulube eŋgwasai. Niŋgi aqaratqab.

Rom 15:5

Qotei a segi na gago areqalo siŋgilatetgeqnu. A segi na iga aqaryaigeqnu deqa iga siŋgila na tigeleqnum. Ariya Qotei na niŋgi aqaryaiŋgimqa niŋgi Kristus Yesus aqa kumbra dauryosib areqalo qujaitosib soqniye.

Efesus 5:2

Kristus a na iga tulaŋ qalaqalaigosiq deqa aqa segi ŋambile uratosiq iga qa moiej. Dego kere niŋgi dego qalaqalaiyo kumbra dauryosib walweloqniye. Atra tamo naŋgi atraiyo iŋgi iŋgi sabaŋ quleq bolequja di oqnsib Qotei atraiyeqnub dego kere Kristus a na aqa segi ŋambile Qotei atraiyosiq moinaqa Qotei a deqa tulaŋ areboleboleiyej.

1 Pita 2:21

Qotei a niŋgi kumbra degyqa osiqa niŋgi metŋgej. Di kiyaqa? Kristus a segi dego niŋgi aqaryaiŋgwa osiqa jaqatiŋ qoboiyosiq moiej. Niŋgi kamba aqa kumbra di dauryosib jaqatiŋ oqnsib sqajqa deqa are qalsiqa aqa kumbra di niŋgi osorŋgej.

1 Pita 5:3

Niŋgi na Qotei aqa tamo uŋgasari naŋgi siŋgila na taqatnjraib. Qotei na naŋgi joqsiqa nuŋgo baŋq di atej unub deqa niŋgi kumbra bole na naŋgi taqatnjriye. Yimqa naŋgi nuŋgo kumbra di unsib niŋgi daurŋgwab.

1 Jon 2:6

Tamo bei a marqas, “E Qotei beteryejunum.” Degosim a kumbra kalil Yesus yoqnej qaji di dauryosim yoqnem.