Jon 12:48 - Yesus Aqa Anjam Bole

⁴⁸ Ariya tamo bei na e qoreibosim ijo anjam quqwa uratqas di aqa une qa pegiyqajqa tamo unu. Diŋo batiamqa anjam e mareqnum qaji dena tamo di aqa une qa pegiyqas.

Jon 12:48 ပူးပေါင်းရင်းမြစ်များ

Matyu 10:15

Niŋgi quiye. E bole merŋgwai. Mondoŋ Qotei na tamo uŋgasari naŋgo une qa peginjrqa batiamqa qure deqaji tamo uŋgasari naŋgi ijo anjam uratonub deqa Qotei na naŋgi tulaŋ padaltnjrougetqas. Ariya Sodom qure ti Gomora qure ti naŋgi Qotei na mondoŋ degsim padaltnjrqasai. A na naŋgi gulube kiñala enjrqas. Di kiyaqa? Naŋgi ijo ñam qaliesai deqa.”

Matyu 21:42

Naŋgi degsib Yesus minjnabqa a na olo minjrej, “Qotei aqa anjam bei unu. Niŋgi anjam di nami sisiyosai kio? Agi anjam nami endegsib neŋgreŋyeb unu, ‘Tal gereiyo qaji tamo naŋgi na tal aqa ai arqsibqa uge qa marsib taqal waiyeb. Onaqa tal aqa ai di Qotei na olo osiq tumaq di tigeltej unu. Tal aqa ai di tal siŋgilatqajqa deqa tigeltej unu. Tamo Koba Qotei a segi na tal aqa ai di tigeltej deqa iga unsim mareqnum, “Tal aqa ai di tulaŋ bolequja.” ’

Matyu 25:31

Yesus a na aqa aŋgro naŋgi yawo anjam degsi minjrsiq koboonaqa olo anjam bei endegsi minjrej, “Mondoŋ e Tamo Aŋgro ñam kobaquja oqai. Osiy Qotei aqa laŋ aŋgro kalil naŋgi joqsiy olo mandamq aisiy ijo segi awo jaram kobaq di awesqai.

Mak 12:10

“Qotei aqa anjam bei unu. Niŋgi anjam di nami sisiyosai kio? Agi anjam nami endegsib neŋgreŋyeb unu, ‘Tal gereiyo qaji tamo naŋgi na tal aqa ai arqsibqa uge qa marsib taqal waiyeb. Onaqa tal aqa ai di Qotei na olo osiq tumaq di tigeltej unu. Tal aqa ai di tal siŋgilatqajqa deqa tigeltej unu.

Mak 16:16

Tamo naŋgi e qa naŋgo areqalo siŋgilatosib yanso oqab qaji naŋgi di Qotei na oqas. Ariya tamo naŋgi e qa naŋgo areqalo siŋgilatqasai qaji naŋgi di Qotei na naŋgo une qa peginjrsim awai uge enjrqas.

Mak 8:31

Osiqa minjrej, “E Tamo Aŋgro. Deqa bunuqna e jaqatiŋ koba oqai. Juda tamo kokba ti atra tamo kokba ti dal anjam qalie tamo naŋgi ti e qoreibosib lubsib moiotbqab. Bati qalub koboamqa e olo subq na tigelqai.”

Luk 10:16

Yesus a anjam degsi marsiqa aqa aŋgro naŋgi endegsi minjrej, “Tamo bei a nuŋgo anjam qusim dauryqas di a ijo anjam dego qusim dauryqas. Ariya tamo a niŋgi qoreiŋgwas di a e dego qoreibqas. Tamo a e qoreibqas di ijo Abu e qariŋbej qaji a dego qoreiyqas.”

Luk 17:25

Ariya namoqna e jaqatiŋ koba oqai. Amqa tamo uŋgasari bini bati endeqa unub qaji naŋgi na e qoreibqab.

Luk 20:17

Onaqa Yesus a na tamo uŋgasari naŋgi koqnjrsiqa minjrej, “Qotei aqa anjam bei unu. Naŋgi kiyaqa anjam endi neŋgreŋyeb? Agi anjam endegsib neŋgreŋyeb unu, ‘Tal gereiyo qaji tamo naŋgi na tal aqa ai arqsibqa uge qa marsib taqal waiyeb. Onaqa tal aqa ai di Qotei na olo osiq tumaq di tigeltej unu. Tal aqa ai di tal siŋgilatqajqa deqa tigeltej unu.’

Luk 7:30

Ariya Farisi naŋgi ti dal anjam qalie tamo naŋgi ti Jon na yansnjrqa urateb deqa naŋgi gam bole Qotei na osornjrej qaji di qoreiyeb.

Luk 9:22

Osiqa minjrej, “E Tamo Aŋgro. Deqa bunuqna e jaqatiŋ koba oqai. Agi Juda tamo kokba ti atra tamo kokba ti dal anjam qalie tamo naŋgi ti e qoreibosib lubsib moiotbqab. Bati qalub koboamqa e olo subq na tigelqai.”

Luk 9:26

Tamo bei a ijo ñam qa ti ijo anjam marqajqa ti jemaiyqas di mondoŋ e Tamo Aŋgro ijo segi riaŋ na ijo Abu aqa riaŋ na ti ijo Abu aqa laŋ aŋgro naŋgo riaŋ na ti bosiyqa e kamba tamo di aqa ñam metqajqa jemaibqas.

Jon 11:24

Onaqa Marta na kamba minjej, “E qalie, diŋo batiamqa tamo uŋgasari kalil naŋgi subq na tigelabqa ijo jaja dego ombla tigelqab.”

Jon 5:45

“E ijo Abu aqa ŋamgalaq dia nuŋgo une qa pegiŋgwai edegaib. Nuŋgo une qa pegiŋgwajqa tamo qujai agi Moses. Niŋgi are qaleqnub, Moses a na niŋgi aqaryaiŋgwas. Di sai.

Jon 6:39

Abu e qariŋbej qaji aqa areqalo endegsi unu. Tamo uŋgasari kalil a na ebej qaji bei e na uratit padalqasai. E na naŋgi kalil diŋo bati qa olo subq na tigeltnjrqai.

Jon 8:47

Qotei aqa aŋgro naŋgi aqa anjam kalil queqnub. Niŋgi Qotei aqa aŋgro sai deqa niŋgi aqa anjam quosaieqnub.”

Aposel 17:31

Qotei a na bati atej unu. Bati di brantimqa a na tamo uŋgasari kalil naŋgo une qa peginjrqas. Aqa segi kumbra bole na ti aqa Ŋiri Yesus Kristus giltej qaji aqa baŋ na ti naŋgo une qa peginjrqas. Tamo uŋgasari naŋgi di qalieqajqa deqa Qotei na Yesus subq na olo tigeltej.”

Aposel 3:23

Tamo kalil aqa anjam quqwa uratqab qaji naŋgi Qotei na ñumim moreŋqab. Deqa naŋgi olo Qotei aqa tamo uŋgasari naŋgo ambleq di sqasai.’ Moses a nami degsi marej.

2 Korin 4:3

Ariya tamo naŋgi padalqa gamq di unub qaji naŋgi Yesus aqa anjam bole iga palonteqnum qaji di aqa utru poinjrosaieqnu.

2 Tesalonaika 1:8

Ariya Yesus a mandamq aisim tamo naŋgi Qotei qaliesai qaji naŋgi ti tamo naŋgi gago Tamo Koba Yesus aqa anjam bole dauryqa urateqnub qaji naŋgi ti ŋolawotnjrqas.

Hibru 10:25

Iga Qotei aqa tamo uŋgasari unum deqa iga aqa ñam qa korooqnqajqa uratqasai. Agi Kristen tamo qudei naŋgi korooqnqajqa asginjreqnu. Niŋgi qalie, Kristus olo bqajqa bati jojomqo. Deqa iga segi segi korooqnsimqa gago Kristen was naŋgo are siŋgilatetnjroqnqom.

Hibru 12:25

O was qu, niŋgi geregere ŋam atiye. Qotei na niŋgi anjam merŋgoqnimqa niŋgi aqa anjam quqwa urato uge. Qotei a nami mandamq endi sosiqa Israel naŋgi anjam siŋgila na minjreqnaqa naŋgi quqwa uratoqneb. Deqa Qotei na naŋgi awai uge enjrej. Awai uge di naŋgi uratnjrqa keresai. Ariya bini Qotei a laŋ goge di sosiqa iga dego anjam siŋgila na mergeqnu. Deqa iga a qoreiyqom di a na iga awai tulaŋ ugedamu egwas. Awai uge di iga uratgwa keresai.

Hibru 2:3

Ariya bini Qotei na iga oqajqa marsiq wau kobaquja yej. Deqa iga Qotei aqa wau di qoreiyqom di iga awai uge turqom. Awai di iga britosim jaraiqa keresai. Namoqna Tamo Koba Yesus a segi na iga oqajqa anjam di maroqnej. Onaqa tamo naŋgi aqa anjam di quoqneb qaji naŋgi na kamba olo iga endegsib mergoqneb, “Anjam di bole.”

Hibru 4:12

Qotei aqa anjam a ŋambile ti unu. A siŋgila na waueqnu. A serie bul tulaŋ qalat. Deqa a na tamo naŋgo are qametnjroqnsiqa naŋgo qunuŋ ti tanu ti siŋga ti jejamu ti kalil miligiq aioqnsiq naŋgo areqalo ti naŋgo are miligi ti geregere pegiyeqnu.

1 Pita 1:5

Niŋgi Kristus qa nuŋgo areqalo siŋgilateqnub deqa Qotei aqa siŋgila kobaquja na niŋgi taqatŋge-junu. Qotei a na niŋgi eleŋam niŋgi bole sqajqa deqa are qaleqnu. Deqa mondoŋ diŋo batiamqa aqa kumbra di brantim niŋgi unqab.

2 Pita 3:3

Ariya ijo anjam kobaquja bei unu. E na niŋgi merŋgit poiŋgem. Mondoŋ diŋo bati jojomoqnimqa meqe meqem tamo naŋgi bosib naŋgo segi areqalo uge uge dauryosib misiliŋ anjam endegsib merŋgoqnqab,

2 Pita 3:7

Ariya bini laŋ ti mandam ti tariŋoqnsib unub. Mondoŋ Qotei a olo anjam marimqa laŋ ti mandam ti ŋamyuo na yusib koboqab. Bati deqa Qotei na tamo naŋgi a qoreiyeqnub qaji naŋgo une qa peginjrsim naŋgi torei padaltnjrqas.