Jon 12:44 - Yesus Aqa Anjam Bole

⁴⁴ Onaqa Yesus a tulaŋ koba leleŋosiq marej, “Tamo bei a e qa aqa areqalo siŋgilatqas di a e qa segi aqa areqalo siŋgilatqasai. Ijo Abu e qariŋbej qaji a qa dego aqa areqalo siŋgilatqas.

Jon 12:44 ပူးပေါင်းရင်းမြစ်များ

Matyu 10:40

Osiqa Yesus a olo anjam endegsi minjrej, “Tamo bei na niŋgi osim geregereiŋgwas di a na e dego osim geregereibqas. Tamo a e oqas di a na ijo Abu e qariŋbej qaji di dego oqas.

Mak 9:23

Onaqa Yesus na minjej, “‘Kereamqa’ degsi merbaim. Ni e qa ino areqalo siŋgilatqam di ni kumbra kalil yqa kere.”

Mak 9:37

“Tamo bei a ijo ñam qa are qalsimqa aŋgro kiñala endego bei osim geregereiyqas di a e dego osim geregereibqas. Tamo a e osim geregereibqas di a na e segi geregereibqasai. A na ijo Abu e qariŋbej qaji di dego osim geregereiyqas.”

Jon 11:43

Yesus a degsi Qotei pailyosiq koboonaqa a tulaŋ koba maosiq marej, “O Lasarus, ni subq dena tigelosim au.”

Jon 13:20

Niŋgi quiye. E bole merŋgwai. Tamo bei na tamo bei e qariŋyonum qaji a oqas di a e dego oqas. A e oqas di a na ijo Abu e qariŋbej qaji a dego oqas.”

Jon 5:24

“Niŋgi quiye. E bole merŋgwai. Tamo a ijo anjam qusim ijo Abu e qariŋbej qaji a qa aqa areqalo siŋgilatqas di a ŋambile gaigai sqas. Deqa e aqa une qa a pegiyqasai. A moio gam uratqo deqa a olo ŋambile unu.

Jon 7:28

Onaqa Yesus a atra tal miligiq di sosiqa a na tamo uŋgasari naŋgi Qotei aqa anjam palontosiq minjroqnej. Osiqa leleŋosiq endegsi minjrej, “Niŋgi are qalonub, niŋgi e qa qalie. E qabe na bem di niŋgi qalie e? Ariya e ijo segi areqalo na bosai. Ijo Abu na e qariŋbonaq bem. Ijo Abu a segi kumbra bole qa utru. Ariya niŋgi a qa qaliesai.

1 Pita 1:21

Kristus a na niŋgi aqaryaiŋgej deqa niŋgi Qotei qa nuŋgo areqalo siŋgilatosib unub. Kristus agi moinaqa Qotei na olo subq na tigeltosiqa metonaq a laŋ qureq oqsiq dia ñam kobaquja ej. Utru deqa niŋgi Qotei qa nuŋgo areqalo siŋgilatoqnsib anjam a nami marej qaji di aqa damu brantqajqa deqa tariŋoqnsib unub.