Jon 12:39 - Yesus Aqa Anjam Bole

³⁹ Deqa naŋgi Yesus qa naŋgo areqalo siŋgilatqa keresai. Utru deqa Aisaia a anjam bei dego endegsi neŋgreŋyej,

Jon 12:39 ပူးပေါင်းရင်းမြစ်များ

Jon 10:38

Ariya e Qotei aqa wau yeqnum. Deqa niŋgi ijo anjam quib ugeiŋgim niŋgi ijo wau uniye. Unsib poiŋgwas, bole, e Qotei aqa Ŋiri. Osib dena niŋgi geregere qalieqab, ijo Abu na e beterbejunu. E na ijo Abu beteryejunum.”

Jon 12:38

Naŋgo kumbra uge dena anjam bei nami Qotei aqa medabu o tamo Aisaia na marej qaji di aqa damu brantej. A endegsi marej, “O Tamo Koba, tamo yai a gago anjam endi qusiqa aqa areqaloq di siŋgilatqo? Tamo yai a Tamo Koba Qotei aqa siŋgila unqo?” Aisaia a nami anjam degsi marej.

Jon 12:40

“Qotei a naŋgo ŋamdamu getentetnjrej. A naŋgo are miligi dego getentetnjrej. Deqa naŋgi naŋgo ŋamdamu na Qotei aqa kumbra bei unqa keresai. Naŋgi naŋgo are miligiq na Qotei aqa anjam dego poinjrqa keresai. Deqa naŋgi are bulyosib e qa bqa keresai. Deqa e na naŋgi olo boletnjrqasai.”

Jon 5:44

Niŋgi nuŋgo segi was naŋgoq dena ñam koba oqajqa are qaleqnub. Ariya Qotei a segi qujai unu. Niŋgi aqaq dena ñam koba oqajqa are qalosaieqnub. Niŋgi kumbra degyeqnub deqa niŋgi kiersib e qa nuŋgo areqalo siŋgilatqab? Di keresai.

Jon 6:44

Ijo Abu na e qariŋbonaq mandamq aiem. Tamo bei aqa segi areqalo na ijoq bqa keresai. Ijo Abu na are bulyetim ijoq bqas. Yim diŋo bati qa e na olo subq na tigeltqai.

2 Pita 2:14

Naŋgi gaigai uŋa qa mamaulnjreqnu deqa naŋgi sambala kumbra yqajqa are qaleqnub. Naŋgi une yoqnqajqa tulaŋ arearetnjreqnaqa olo uratosaieqnub. Naŋgi na tamo qudei areqalo aiye aiyelteqnub qaji naŋgi walawalainjreqnabqa naŋgi daurnjroqnsib une yeqnub. Tamo naŋgi di tamo qudei naŋgo iŋgi iŋgi qa mamaulnjreqnu. Kumbra di naŋgi qalie bole. Deqa Qotei na naŋgi torei padaltnjrqas.