Jon 12:36 - Yesus Aqa Anjam Bole

³⁶ Puloŋ a nuŋgo ambleq endi unu. Deqa niŋgi puloŋ di osib puloŋ qa nuŋgo areqalo siŋgilatiye. Niŋgi degyqab di niŋgi puloŋ aqa aŋgro bole sqab.” Yesus a anjam degsi minjrsiqa naŋgi uratnjrnaq naŋgi a olo unosai.

Jon 12:36 ပူးပေါင်းရင်းမြစ်များ

Matyu 21:17

Yesus a naŋgi degsi minjrsiq koboonaqa a tigelosiq Jerusalem qure uratosiq Betani qureq aiej. Ainaq dia qoloonaq ŋeiej.

Matyu 5:14

“Niŋgi mandamq endia puloŋ bul unub. Niŋgi are qaliye. Qure kobaquja a mana gogeqsi sqas di a boleq di sqas. A uliesqa keresai.

Luk 16:8

“Onaqa ñoro tamo a aqa ñoro taqato tamo aqa kumbra gisaŋ di poiyonaqa aqa ñam soqtosiq minjej, ‘Ni keretonum.’ Degsi minjej. Di kiyaqa? Ñoro taqato tamo uge di a powo ti sosiq deqa kumbra gisaŋ di yej. Deqa niŋgi quiye. Mandam endeqa tamo uŋgasari naŋgi mandam qa kumbra dauryqajqa naŋgo powo kobaquja. Ariya niŋgi Qotei aqa segi tamo uŋgasari suwaŋoq di unub qaji niŋgi mandam qa kumbra dauryqajqa nuŋgo powo kiñala.

Jon 1:7

A anjam palontqa bej. A puloŋ qa anjam palontoqnej. Tamo uŋgasari kalil naŋgi aqa anjam qusib puloŋ qa naŋgo areqalo siŋgilatqajqa deqa palontoqnej.

Jon 11:54

Onaqa Yesus a di qalieosiq deqa a Juda naŋgo ambleq di walwelosaioqnej. A segitosiqa qure kiñala bei wadau sawa jojom deq gilsiqa aqa aŋgro naŋgi koba na dia soqneb. Qure di aqa ñam Efraim.

Jon 12:37

Yesus a Qotei aqa maŋwa gargekoba naŋgo ŋamgalaq di yoqnej. Yeqnaqa naŋgi unoqnsib deqa naŋgo areqalo siŋgilatosai.

Jon 12:46

E puloŋ bulosim mandamq aiem. Deqa tamo uŋgasari kalil e qa naŋgo areqalo siŋgilatqab qaji naŋgi ambruq di sqasai.

Jon 3:21

Ariya tamo uŋgasari anjam bole dauryeqnub qaji naŋgi puloŋ aqaq beqnub. Boqnsib wau bole bole yeqnabqa tamo uŋgasari naŋgi unoqnsib endegsib mareqnub, ‘Bole, naŋgi Qotei aqa siŋgila oqnsib deqa wau bole bole yeqnub.’”

Jon 8:12

Yesus a uŋa degsi minjnaq gileqnaqa a na tamo uŋgasari naŋgi olo endegsi minjrej, “E mandam endeqa puloŋ. Tamo a e daurbqas di a ambruq di walwelqasai. A suwaŋoq di walweloqnsim ŋambile gaigai sqas.”

Jon 8:59

Onaqa naŋgi Yesus aqa anjam di qusibqa naŋgi a qa minjiŋ oqetnjrnaqa meniŋ eleŋosib Yesus meniŋ na qalsib moiotqa yonab a loumosiq atra tal uratosiq ulaŋej.

Efesus 5:8

Niŋgi nami ambruq di soqneb. Ariya bini Tamo Koba Qotei na niŋgi aqa suwaŋoq di atej unub. Deqa niŋgi suwaŋ qaji tamo uŋgasari sosib suwaŋoq di laqniye.

1 Tesalonaika 5:5

Niŋgi kalil puloŋ aqa aŋgro. Niŋgi suwaŋ aqa aŋgro. Iga qolo qaji tamo sai. Iga ambru qaji tamo sai dego.

1 Tesalonaika 5:8

Ariya iga suwaŋ qaji tamo unum deqa iga areqalo bole ti sqom. Sosim iga Qotei qa gago areqalo siŋgilatoqnsim tamo naŋgi qalaqalainjroqnqom. Gago kumbra di iga siŋgilatosim qoto qa gara jugo bul jigsim tigelesqom. Osim iga mondoŋ Qotei na laŋ qureq joqsim oqwajqa deqa tariŋoqnqom. Gago kumbra di dego iga siŋgilatosim qoto qa gate tatal bul atsim tigelesosim ŋam atoqnqom.