Jon 12:32 - Yesus Aqa Anjam Bole

³² E bini mandamq endi unum. Ariya bunuqna jeu tamo naŋgi na e soqtbosib goge gaintbqab. Yimqa bati deqa e na tamo uŋgasari kalil naŋgi metnjritqa naŋgi e qa bqab.”

Jon 12:32 ပူးပေါင်းရင်းမြစ်များ

Jon 1:7

A anjam palontqa bej. A puloŋ qa anjam palontoqnej. Tamo uŋgasari kalil naŋgi aqa anjam qusib puloŋ qa naŋgo areqalo siŋgilatqajqa deqa palontoqnej.

Jon 12:34

Onaqa tamo uŋgasari naŋgi dena kamba Yesus minjeb, “Kristus a bati gaigai sqas. Nami dal anjam degsi marnab iga quem. Deqa ni kiyaqa maronum, ‘E Tamo Aŋgro soqtbosib gaintbqab’? Tamo Aŋgro di tamo yai?”

Jon 18:32

Naŋgi Pailat degsib minjeb deqa anjam bei nami Yesus a marej qaji di aqa damu brantej. Agi Yesus a segi nami aqa moiqajqa gam ubtej.

Jon 19:17

Degsi minjrnaqa ariya qaja tamo naŋgi na Yesus osib aqa qawarq di aqa segi ŋamburbas qoboiyetosib a baŋ ojsib Jerusalem qure uratosib osi gilsib sawa agu kiñala bei aqa ñam Tamo Gate Tanu di branteb. Ñam di Hibru anjam na Golgota mareqnub.

Jon 3:14

Nami Moses a wadau sawaq di sosiqa a amal sigitosiq soqtosiqa gaintej. Dego kere e Tamo Aŋgro dego soqtbosib gaintbqab.

Jon 6:44

Ijo Abu na e qariŋbonaq mandamq aiem. Tamo bei aqa segi areqalo na ijoq bqa keresai. Ijo Abu na are bulyetim ijoq bqas. Yim diŋo bati qa e na olo subq na tigeltqai.

Jon 8:28

Deqa a na olo minjrej, “Niŋgi na e Tamo Aŋgro soqtbosib gaintbibqa bati deqa niŋgi poiŋgwas, e segi qujai Qotei. Osib qalieqab, e ijo segi areqalo na kumbra bei yosaieqnum. Anjam kalil ijo Abu na merbeqnaq queqnum qaji di segi mareqnum.

Galesia 3:13

Ariya dal anjam a marqo, iga dal anjam kalil torei dauryqasai di Qotei na iga tamo uge qa marsim padaltgwas. Ariya Kristus a na iga aqaryaigwa marsiq deqa a gago sawa osiqa a segi Qotei aqa ŋamgalaq di tamo uge bulosiqa iga qa padalej. Agi Qotei aqa anjam bei nami endegsib neŋgreŋyeb unu, “Tamo kalil ŋamtaŋ goge di gaiŋejunub qaji naŋgi di Qotei na tamo uge qa marsim padaltnjrqas.”

1 Timoti 2:6

Kristus a moiqajqa bati agi Qotei a nami bati yonaqa a bosiqa tamo uŋgasari kalil naŋgi oqa marsiqa aqa segi ŋambile uratosiq moiej. Aqa kumbra dena Qotei na iga endegsi osorgej, a na tamo uŋgasari kalil naŋgi oqajqa are qaleqnu.

Hibru 2:9

Ariya bini iga Yesus uneqnum. A ñam kobaquja ejunu. Nami a laŋ aŋgro naŋgo sorgomq di sokiñala soqnej. Bati deqa a na tamo uŋgasari kalil naŋgo sawa osiq moinaqa Qotei a naŋgi qa are boleiyosiq aqaryainjrej. Yesus a jaqatiŋ koba osiq moiej deqa Qotei na aqa ñam olo soqtetosiqa ñam kobaquja yej.

1 Pita 2:24

Kristus a gago une kalil qoboiyosiqa aqa segi jejamuq di atsiqa a ŋamburbasq di iga qa gaiŋej. Iga gago une kalil torei uratosim ŋambile sosim kumbra tiŋtiŋ yoqnqajqa deqa osiqa ŋamburbasq di iga qa gaiŋej. Jeu tamo naŋgi na Yesus qalougetosib jaqatiŋ koba yeb. Onaqa aqa jaqatiŋ dena a na iga olo boletgej.

1 Pita 3:18

Niŋgi Kristus qa are qaloqniye. Kristus a tamo tiŋtiŋo. Ariya a na tamo uŋgasari uge uge naŋgo sawa osiq naŋgo une qa osiq moiej. A na niŋgi joqsim Qotei aqaq oqwajqa deqa osiq niŋgi qa moiej. A bati qujai qa moiej deqa a olo moiqa keresai. A tamo bulyosiqa mandamq endi soqnej. Sonaqa jeu tamo naŋgi na a qalnab moiej. Ariya a olo subq na tigelosiqa a mondor ti soqnej.

1 Jon 2:2

A gago une kobotosiqa Qotei aqa minjiŋ taqal waiyej. A iga segi aqaryaigwa osiq wau di yosai. Tamo uŋgasari kalil mandamq endi unub qaji naŋgi dego aqaryainjrqa marsiq wau di yej.

Uli Anjam 5:9

Wagme qolqe naŋgi ti gate kokba naŋgi ti bosib Kaja Du aqa areq di siŋga pulutosibqa lou bunuj na endegsib louoqneb, “O Kaja Du, ni buk di osimqa kandel aqa namur buk qandratejunu qaji di waqtqa kere. Di kiyaqa? Ni lumnab moisim ino leŋ aiej dena ni na ino segi tamo uŋgasari naŋgi awainjrsimqa Qotei aqa baŋq di ateleŋem unub. Od, tamo uŋgasari leŋ segi segi qaji, anjam maro segi segi qaji, jejamu segi segi qaji, sawa segi segi qaji naŋgi ni na awainjrsimqa Qotei aqa baŋq di ateleŋem unub.