Jon 12:28 - Yesus Aqa Anjam Bole

²⁸ O ijo Abu, ni na ino ñam tulaŋ kobaqujatime.” Yesus a anjam degsi marnaqa laŋ goge dena anjam endegsi bej, “E ijo ñam agi kobaqujatonum. Deqa olo kobaqujatqai.”

Jon 12:28 ပူးပေါင်းရင်းမြစ်များ

Matyu 11:25

Bati deqa Yesus a endegsi Qotei pailyej, “O Abu, ni segi laŋ qa ti mandam qa ti Koba. Deqa e ni biŋimosim ino ñam soqtonum. Di kiyaqa? Ijo anjam e na tamo uŋgasari naŋgi minjreqnum qaji di ni na tamo powo ti unub qaji naŋgi qa ulitoqnsimqa tamo aŋgro du du bul naŋgi segi qa babteqnam naŋgi poinjreqnu.

Matyu 11:26

Od, Abu, ni ino segi areqalo dauryosim agi degyeqnum.”

Matyu 17:5

Pita a degsi mareqnaqa laŋbi tulaŋ suwaŋo aisiqa naŋgi kabutnjrej. Onaqa laŋbi miligiq dena anjam bei endegsi brantonaq naŋgi queb, “Endi ijo Aŋgro qujai e na tulaŋ qalaqalaiyeqnum qaji. E a qa tulaŋ areboleboleibeqnu. Deqa niŋgi aqa anjam quetoqniye.”

Matyu 26:42

Degsi minjrsiqa olo puluosi sasalosiq endegsi Qotei pailyej, “O ijo Abu, e na gulube endi uratqa gam bei saiamqa uŋgum ni ino segi areqalo dauryosim marimqa e gulube endi oqai.”

Matyu 3:17

Unnaqa laŋ goge dena Qotei a anjam marnaqa tamo uŋgasari naŋgi aqa kakoro queb. A endegsi marnaq queb, “Di ijo aŋgro qujai. E na a tulaŋ qalaqalaiyeqnum. E a qa tulaŋ areboleboleibqo.”

Mak 1:11

Awoonaqa laŋ goge dena Qotei na Yesus metonaqa aqa kakoro quej. A endegsi minjnaq quej, “Ni ijo Aŋgro qujai. E na ni tulaŋ qalaqalaimeqnum. E ni qa tulaŋ areboleboleibqo.”

Mak 9:7

Onaqa laŋbi aisiqa naŋgi kabutnjrnaqa laŋbi miligiq dena anjam bei endegsi brantonaq naŋgi queb, “Endi ijo Aŋgro qujai e na tulaŋ qalaqalaiyeqnum qaji. Niŋgi aqa anjam quetoqniye.”

Luk 3:22

Laŋ waqonaqa Qotei aqa Mondor binoŋ bulosiq laŋ goge dena aisiqa Yesus aqa jejamuq di awoej. Awoonaqa laŋ goge dena Qotei na Yesus metonaqa aqa kakoro quej. A na endegsi minjnaq quej, “Ni ijo segi aŋgro qujai. E na ni tulaŋ qalaqalaimeqnum. E ni qa tulaŋ areboleboleibqo.”

Luk 9:35

Onaqa laŋbi miligiq dena anjam bei endegsi brantonaq naŋgi queb, “Endi ijo Aŋgro qujai e segi na giltem qaji. Niŋgi aqa anjam quetoqniye.”

Jon 11:4

Onaqa Yesus a naŋgo anjam di qusiqa minjrej, “Ma di tamo moiqajqa ma sai. Tamo uŋgasari naŋgi Qotei aqa siŋgila unsib aqa ñam soqtqajqa deqa a ma di oqo. Gam dena e Qotei aqa Ŋiri e dego ñam koba oqai.”

Jon 18:11

Onaqa Yesus na Pita minjej, “Ino sebru olo ate. Jaqatiŋ kalil ijo Abu na ebqa merbej qaji di e oqai. Jaqatiŋ di ya uge uyo bul.”

Jon 9:3

Onaqa Yesus na kamba minjrej, “Tamo di aqa segi une na sai. Aqa ai wo abu wo naŋgo une na sai dego. Qotei na tamo di boletimqa aqa wau di boleq dimqa tamo uŋgasari naŋgi unsib Qotei aqa ñam soqtqab. Utru deqa tamo di ai miligiq na ŋam qandimo ŋambabej.

Efesus 2:7

Kristus Yesus aqa wau na Qotei na kumbra boledamu di iga egej. Di kiyaqa? A iga qa are tulaŋ boleiyej aqa kumbra di a na tamo kalil bunu bunu brantoqnqab qaji naŋgi osornjrqajqa deqa.

Efesus 3:10

Nami a na aqa areqalo di ulitesoqnej. Ariya bini aqa segi tamo uŋgasari naŋgi are qujaitosib unub kumbra dena a na aqa segi areqalo bole ti aqa powo ti boleq atej. Yim laŋ aŋgro siŋgila kokba ti mondor laŋ goge di unub qaji naŋgi ti Qotei aqa areqalo di unsib qalieqajqa deqa.

Efesus 3:21

Deqa Qotei aqa segi tamo uŋgasari kalil naŋgi Kristus Yesus aqa ñam na Qotei aqa ñam bati gaigai soqtoqnsib gilsi gilsib diŋo bati itqab. Bole.

2 Pita 1:17

Abu Qotei a na Yesus ñam kobaquja yosiqa aqa segi riaŋ aqaq di atej. Qotei a segi laŋ qaji riaŋq di sosiqa Yesus qa endegsi marej, “Endi ijo Aŋgro e na tulaŋ qalaqalaiyeqnum qaji. E a qa tulaŋ areboleboleibeqnu.”