Jon 12:21 - Yesus Aqa Anjam Bole

²¹ Deqa Grik tamo naŋgi di Filip aqaq di branteb. Di kiyaqa? Filip a dego Grik tamo deqa. Filip aqa qure utru Betsaida. Qure di Galili sawaq di unu. Ariya naŋgi Filip aqaq di brantosib minjeb, “O gago was, iga Yesus unqa bonum.”

Jon 12:21 ပူးပေါင်းရင်းမြစ်များ

Matyu 11:21

Osiqa minjrej, “O tamo uŋgasari Korasin qure ti Betsaida qure ti di unub qaji, niŋgi tulaŋ padalougetqab. Tamo bei a Tair qure ti Saidon qure ti deq gilsiq maŋwa e nuŋgoq di yoqnem qaji di naŋgoq di yo qamu naŋgi nami are bulyosib naŋgo une qa are ugeinjrnaq are uge qa gara jigsib ŋam sumq di awoeb qamu.

Matyu 2:2

“Juda naŋgo mandor koba ŋambabqo qaji a qabi unu? Iga seŋ oqo sawaq dia aqa bongar unsimqa dauryosim bonum. Iga a qa louqajqa deqa bonum.”

Jon 1:48

Onaqa Nataniel na Yesus nenemyej, “Ni kiersim e qa qalieonum?” Onaqa Yesus na kamba minjej, “Filip a ni metmosaisonaqa ni qura utruq di awesonamqa e ni numonum.”

Jon 6:40

Ijo Abu aqa areqalo endegsi unu. Tamo kalil e Qotei aqa Ŋiri nubsib e qa naŋgo areqalo siŋgilatqab qaji naŋgi ŋambile gaigai sqab. Diŋo bati qa e na naŋgi olo subq na tigeltnjrqai.”