Jon 12:19 - Yesus Aqa Anjam Bole

¹⁹ Ainabqa Farisi naŋgi na unjrsibqa segi segi maroqneb, “Iga Yesus siŋgila na saidyeqnamqa keresaiigeqnu. Niŋgi uniye. Tamo uŋgasari kalil naŋgi a dauryeqnub.”

Jon 12:19 ပူးပေါင်းရင်းမြစ်များ

Matyu 21:15

Onaqa aŋgro du du atra tal miligiq di soqneb qaji naŋgi Yesus aqa maŋwa di unsibqa naŋgi tulaŋ koba leleŋoqnsib minjoqneb, “O Devit aqa Ŋiri, iga ni qa tulaŋ areboleboleigwo.” Onaqa dal anjam qalie tamo naŋgi ti atra tamo kokba ti naŋgi aŋgro du du naŋgo anjam di qusibqa naŋgi Yesus qa are ugeinjrej.

Jon 12:18

Mare mare laqnab tamo uŋgasari tulaŋ gargekoba queleŋeb. Queleŋosib deqa Yesus a donki bunuj quraq di awoosiq Jerusalem beqnaqa naŋgi a gamq di turqajqa aieleŋeb.

Jon 12:20

Ariya tamo uŋgasari Qotei louqa marsib yori bati di unqajqa Jerusalem aieleŋeb qaji naŋgo ambleq di Grik tamo qudei soqneb.

Jon 17:21

O Abu, ni ijoq di unum. E dego inoq di unum. Aqo aiyel are qujaitosim unum. Ijo segi tamo uŋgasari kalil naŋgi dego aqo aiyel koba na are qujaitosib sqajqa deqa e ni pailmonum. Soqnibqa mandam endeqa tamo uŋgasari naŋgi na unjrsibqa naŋgi dego e qa naŋgo areqalo siŋgilatqab. Osib qalieqab, ni na e qariŋbonam bem.

Jon 3:26

Onaqa Jon aqa aŋgro naŋgi Jon aqa areq gilsib minjeb, “O Qalie Tamo Koba, nami tamo ni ombla Jordan ya taqal beiq di sosibqa ni a qa anjam maroqnem qaji bini tamo uŋgasari kalil naŋgi aqa areq gileqnabqa a na yansnjreqnu. Naŋgi inoq bosaieqnub.”

Aposel 17:6

Aisib ŋam ateb Pol wo Sailas wo naŋgi Jeson aqa talq di sosai. Deqa naŋgi Jeson laŋa ojsib Yesus aqa tamo uŋgasari qudei dego ojeleŋosib joqsib aisib qure deqa gate kokba naŋgo ulatamuq dia tigeltnjreb. Tigeltnjrsib olo murqumyoqnsib naŋgo aiyel jejamu laŋa gisaŋnjrsib mareb, “Pol wo Sailas wo naŋgi qure qure kalilq dia tamo uŋgasari naŋgo are niñaqyetnjroqnsib laqnub. Agi bini naŋgi gago qure endeq bonubqa Jeson na naŋgi joqsiqa aqa talq di ulitnjrqo unub. Tamo aiyel dena gago mandor koba Sisar aqa dal anjam uratoqnsib mareqnub, ‘Mandor koba bei unu aqa ñam Yesus.’ Naŋgi aiyel degsib mareqnub.”

1 Jon 2:2

A gago une kobotosiqa Qotei aqa minjiŋ taqal waiyej. A iga segi aqaryaigwa osiq wau di yosai. Tamo uŋgasari kalil mandamq endi unub qaji naŋgi dego aqaryainjrqa marsiq wau di yej.