Jon 11:55 - Yesus Aqa Anjam Bole

⁵⁵ Onaqa Juda naŋgo yori bati koba jojomej. Qotei a nami Israel naŋgi Isip sawaq dia padalqa laqnabqa eleŋosiq aqaryainjrej deqa are qalqajqa yori bati jojomonaqa Juda tamo uŋgasari tulaŋ gargekoba naŋgo qure qureq dena tigelosib yori bati di unqajqa deqa Jerusalem beb. Juda naŋgo kumbra agiende. Yori bati di brantosaisoqnimqa naŋgi Jerusalem bosib naŋgo segi jejamu yansosib yori bati tariŋqab. Deqa naŋgi Jerusalem beb.

Jon 11:55 ပူးပေါင်းရင်းမြစ်များ

Matyu 26:1

Yesus a na aqa aŋgro naŋgi anjam degsi minjrsiq koboonaqa olo anjam bei endegsi minjrej,

Matyu 26:2

“Niŋgi qalie, Juda naŋgo yori bati koba jojomqo. Bati aiyel unu. Qotei a nami Israel naŋgi Isip sawaq dia padalqa laqnabqa eleŋosiq aqaryainjrej. Iga deqa olo are qalqajqa bati agi jojomqo. Deqa yori bati di brantimqa Juda gate kokba naŋgi na e Tamo Aŋgro ojsib jeu tamo naŋgo baŋq di e atibqa naŋgi na e ŋamburbasq di lubib moiqai.” Yesus a na aqa aŋgro naŋgi degsi minjrej.

Mak 14:1

Onaqa Juda naŋgo yori bati koba jojomej. Yori bati di aqa ñam Bem Tiyosai Qaji Uyqajqa Bati. Qotei a nami Israel naŋgi Isip sawaq dia padalqa laqnabqa eleŋosiq aqaryainjrej. Juda naŋgi deqa olo are qalqajqa bati agi jojomej. Bati aiyel soqnej. Deqa atra tamo kokba ti dal anjam qalie tamo naŋgi ti endegsib maroqneb, “Iga kiersim Yesus gisaŋyosim ojsim qalsim moiotqom?”

Luk 22:1

Onaqa Juda naŋgo yori bati koba jojomej. Yori bati di aqa ñam Bem Tiyosai Qaji Uyqajqa Bati. Qotei a nami Israel naŋgi Isip sawaq dia padalqa laqnabqa eleŋosiq aqaryainjrej. Juda naŋgi deqa olo are qalqajqa yori bati agi jojomej.

Jon 12:1

Ariya Juda naŋgo yori bati koba jojomej. Bati 6-pela amqa brantqas. Deqa Yesus a tigelosiqa Betani qureq gilej. Qure di Lasarus agi Yesus na subq na tigeltej qaji aqa qure utru.

Jon 13:1

Qotei a nami Israel naŋgi Isip sawaq dia padalqa laqnabqa eleŋosiq aqaryainjrej deqa are qalqajqa yori bati koba jojomonaqa Yesus a endegsi qalieej, “E mandam endi so bati koboqo. E moisiy ijo Abu aqaq olo oqwa bati brantqo.” A degsi qalieosiq deqa aqa segi tamo uŋgasari mandamq di soqneb qaji naŋgi tulaŋ qalaqalainjroqnsiq gilsi gilsiq aqa moiqa bati itej.

Jon 18:28

Onaqa nobqolo malu qameqnaq Juda tamo kokba naŋgi na Kaiafas aqa talq dena Yesus osib Rom naŋgo mandor koba Pailat aqa tal kobaqujaq osi gileb. Osi gilsib naŋgi segi Pailat aqa tal miligiq gilosai. Naŋgi endegsib are qaleb, “Pailat a Juda tamo sai. A sawa bei qaji tamo. Deqa iga aqa tal miligiq gilqa keresai. Gago dal anjam degsi unu. Iga aqa tal miligiq gilqom di iga une ti sqom. Sonamqa gago yori bati koba brantqas di iga iŋgi uyqa keresai.” Naŋgi degsi are qalsib deqa naŋgi segi Pailat aqa tal miligiq gilosai.

Jon 2:13

Qotei a nami Israel naŋgi Isip sawaq dia padalqa laqnabqa eleŋosiq aqaryainjrej deqa are qalqajqa yori bati jojomonaqa Yesus a Jerusalem aiej.

Jon 2:6

Tal dia ya nobu 6-pela kokba meniŋ na gereiyo qaji ateleŋonab soqneb. Juda naŋgi Qotei pailyqa oqnsib ya nobu dena ya tigoqnsib naŋgo baŋ ti jejamu ti yansoqneb. Deqa ya nobu di ateleŋonab soqneb. Ya nobu quja quja 100 lita.

Jon 5:1

Bati bei Yesus a Juda naŋgo yori bati koba unqa marsiqa Jerusalem aiej.

Jon 6:4

Bati deqa Juda naŋgo yori bati koba bei jojomej. Qotei a nami Israel naŋgi Isip sawaq dia padalqa laqnabqa eleŋosiq aqaryainjrej deqa are qalqajqa bati jojomej.

Aposel 21:24

Deqa ni naŋgi joqsim atra tal miligiq gilsim une kobotqajqa kumbra Moses a nami marej qaji di naŋgi koba na dauryosib yiye. Osim wagme awaiyetnjrimqa naŋgi na Qotei atraiyosib naŋgo gate baŋga ti mejuŋgum ti joqwab. Ni degyimqa Juda tamo kalil naŋgi ni numsib endegsib qalieqab, ‘Bole, Pol a dego Moses aqa dal anjam dauryo qaji tamo. Anjam naŋgi a qa mareqnub qaji di bolesai.’ Naŋgi degsib qalieosib ni qa boleqab.

Aposel 21:26

Onaqa Pol a Kristen gate naŋgo anjam di qusiqa minjrej, “Od, e nuŋgo anjam di dauryqai.” Osiqa nebeonaqa a na tamo qolqe naŋgi di joqsiqa atra tal miligiq gilsiq une kobotqajqa kumbra Moses a nami marej qaji di naŋgi koba na dauryosib yeb. Osiqa atra tamo gate endegsi minjej, “Bati 7-pela koboamqa e na gago segi segi wagme osiy Qotei atraiyqai.”

Aposel 24:18

E atra tal miligiq gilsimqa une kobotqajqa kumbra Moses a nami marej qaji di dauryosim yem. Di koboonaqa e Qotei atraiyeqnamqa Juda tamo kokba naŋgi bosib e nubeb. E tamo uŋgasari gargekoba joqsim sonam naŋgi e nubosai. E qoto bei dego tigelteqnam nubosai.

1 Korin 11:28

Deqa tamo bei a bem ti wain gambaŋ ti di uyqa osimqa a mati aqa segi so geregere peleiyosim di a uyqas.

Jems 4:8

Niŋgi Qotei jojomyoqnibqa a kamba dego niŋgi jojomŋgoqnqas. O une tamo, niŋgi quiye. Tamo naŋgi naŋgo baŋ yansoqnsib jiga koboteqnub dego kere niŋgi nuŋgo are miligi gereiyoqnsib bulyoqniye. Niŋgi qudei areqalo aiye aiyelteqnub. Deqa niŋgi nuŋgo areqalo uge di olo uratoqnsib nuŋgo are miligi yansoqniye.