Jon 11:53 - Yesus Aqa Anjam Bole

⁵³ Ariya bati deqa Juda tamo kokba naŋgi Yesus qalib moiqajqa anjam gereiyoqneb.

Jon 11:53 ပူးပေါင်းရင်းမြစ်များ

Matyu 12:14

Onaqa Farisi naŋgi Yesus aqa kumbra di unsibqa naŋgi Qotei tal uratosib oqedosib naŋgi gam kiersib Yesus qalib moiqajqa deqa qairoqneb.

Matyu 16:21

Bati deqa Yesus na aqa aŋgro naŋgi endegsi minjrej, “E Jerusalem aieqnum. Dia Juda tamo kokba ti atra tamo kokba ti dal anjam qalie tamo naŋgi ti e jaqatiŋ koba ebsib lubsib moiotbqab. Bati qalub koboamqa e olo subq na tigelqai.” Yesus a anjam di ubtsiq minjrej.

Matyu 22:46

Yesus a naŋgi anjam degsi minjrnaqa naŋgi na kamba olo anjam bei minjqa keresaiinjrej. Deqa naŋgi olo bunuqna anjam bei Yesus nenemyqajqa ulaeb.

Matyu 26:4

Koroosib naŋgi gisaŋ anjam bei Yesus aqa jejamuq di qametqa maroqneb. Yim naŋgi a ojsib qalib moiqajqa deqa.

Matyu 26:59

Onaqa atra tamo kokba ti Juda gate kokba ti naŋgi kalil koroosibqa Yesus aqa jejamuq di anjam kie qamsib dena a qalib moiqajqa deqa qairoqneb.

Mak 14:1

Onaqa Juda naŋgo yori bati koba jojomej. Yori bati di aqa ñam Bem Tiyosai Qaji Uyqajqa Bati. Qotei a nami Israel naŋgi Isip sawaq dia padalqa laqnabqa eleŋosiq aqaryainjrej. Juda naŋgi deqa olo are qalqajqa bati agi jojomej. Bati aiyel soqnej. Deqa atra tamo kokba ti dal anjam qalie tamo naŋgi ti endegsib maroqneb, “Iga kiersim Yesus gisaŋyosim ojsim qalsim moiotqom?”

Mak 3:6

Onaqa Farisi naŋgi Yesus aqa maŋwa di unsibqa naŋgi a qa minjiŋ oqetnjrnaqa Qotei tal uratosib oqedosib Herot aqa wau tamo naŋgi ti koba na koroosib naŋgi gam kiersib Yesus qalib moiqajqa deqa qairoqneb.

Jon 11:47

Sainjrnab qusibqa atra tamo kokba ti Juda tamo kokba ti metnjrnab naŋgo areq bosib koba na koroosib mareb, “Iga kierqom? Yesus a maŋwa gargekoba yeleŋeqnu.

Jon 12:10

Yesus a Lasarus subq na tigeltej deqa atra tamo kokba naŋgi Lasarus dego qalsib moiotqa maroqneb.

Jon 7:1

Bati bei Yesus a Galili sawaq dia laqnej. A Judia sawaq dia laqajqa uratej. Di kiyaqa? Juda tamo kokba naŋgi a qalib moiqajqa maroqneb deqa.

Aposel 5:33

Onaqa Juda tamo kokba naŋgi Yesus aqa aŋgro 12-pela naŋgo anjam di qusibqa minjiŋ oqetnjrnaqa naŋgi ñumib moreŋqa maroqneb.

Aposel 9:23

Onaqa bati gargekoba yala koboonaqa Juda tamo kokba naŋgi koroosib mareb, “Iga Sol qalsim moiotqom.”