Jon 11:40 - Yesus Aqa Anjam Bole

⁴⁰ Onaqa Yesus na kamba minjej, “E nami mermonum, ni e qa ino areqalo siŋgilatqam di ni Qotei aqa siŋgila unqam.”

Jon 11:40 ပူးပေါင်းရင်းမြစ်များ

Matyu 17:20

Onaqa Yesus na minjrej, “Niŋgi e qa nuŋgo areqalo siŋgilatqa yonub niŋgi tulaŋ truquonub. Deqa niŋgi mondor uge di wiyqa yonub keresaiiŋgwo. Niŋgi quiye. E bole merŋgwai. Nuŋgo areqalo e qa siŋgilatonub qaji di sis yago bul kiñala sqas di kereqas. Degesqas di niŋgi mana kobaquja endi minjibqa a nuŋgo anjam dauryosim tigelosim sawa beiq gilqas. Nuŋgo areqalo e qa siŋgilatonub qaji degesqas di niŋgi kumbra kalil yqa kereiŋgwas.

Mak 9:23

Onaqa Yesus na minjej, “‘Kereamqa’ degsi merbaim. Ni e qa ino areqalo siŋgilatqam di ni kumbra kalil yqa kere.”

Jon 1:14

Anjam di a tamo yusiqa gago ambleq di soqnej. Onaqa iga aqa ñam koba ti aqa siŋgila ti di unem. Aqa ñam agiende. A segi qujai Qotei aqa Ŋiri. A iga qa are tulaŋ boleiyeqnu. A segi anjam bole qa utru.

Jon 11:4

Onaqa Yesus a naŋgo anjam di qusiqa minjrej, “Ma di tamo moiqajqa ma sai. Tamo uŋgasari naŋgi Qotei aqa siŋgila unsib aqa ñam soqtqajqa deqa a ma di oqo. Gam dena e Qotei aqa Ŋiri e dego ñam koba oqai.”

Jon 12:41

Aisaia a nami Yesus aqa siŋgila unsiq deqa Yesus qa degsi marej.

Jon 9:3

Onaqa Yesus na kamba minjrej, “Tamo di aqa segi une na sai. Aqa ai wo abu wo naŋgo une na sai dego. Qotei na tamo di boletimqa aqa wau di boleq dimqa tamo uŋgasari naŋgi unsib Qotei aqa ñam soqtqab. Utru deqa tamo di ai miligiq na ŋam qandimo ŋambabej.

Rom 6:4

Iga yanso osim dena iga Kristus beteryosim a koba na moiobulem. Deqa Abu Qotei na iga Kristus koba na subq atej. Osiqa aqa siŋgila kobaquja na olo Kristus subq na tigeltej. Deqa iga dego a ti ŋambile bunuj em. Deqa iga kumbra bole dauryoqnqom.

2 Korin 3:18

Deqa gago ulatamu olo kabuesosai. Iga kalil Tamo Koba Qotei aqa riaŋ di ya jeqiloq di unobuleqnam riaŋ di gagoq di tulaŋ kobaqujaeqnaqa dena iga Qotei a segi buloqnsim unum. Tamo Koba Yesus a na kumbra di iga egeqnu. Tamo Koba a segi Qotei aqa Mondor Bole.

2 Korin 4:6

Tulaŋ nami Qotei a iŋgi iŋgi kalil gereiyqa osiqa a endegsi marej, “Ambruq dena suwaŋ brantqas.” Ariya bunuqna Qotei aqa suwaŋ di iga qa bosiqa gago are miligi suwantetgej deqa iga Kristus aqa ulatamu uneqnum. Dena iga suwaŋ bole unsimqa Qotei aqa riaŋ ti aqa siŋgila ti geregere poigeqnu.