Jon 11:27 - Yesus Aqa Anjam Bole

²⁷ Onaqa Marta na Yesus minjej, “Od, Tamo Koba. E qalieonum, ni Kristus, Qotei aqa Ŋiri. Ni qujai Qotei na nami qariŋmonaqa mandamq aiem qaji. Deqa e ni qa ijo areqalo siŋgilatonum.”

Jon 11:27 ပူးပေါင်းရင်းမြစ်များ

Matyu 11:3

“Kristus agi Qotei na nami qariŋyim bqajqa marej qaji di ni kio? Ni saiamqa iga tamo bei qa tariŋqom kio?”

Matyu 16:16

Onaqa Saimon Pita na minjej, “Ni Kristus. Ni Qotei ŋambile gaigai unu qaji aqa segi Ŋiri qujai.”

Matyu 16:20

Osiqa aqa aŋgro naŋgi endegsi minjrej, “E Kristus. Niŋgi ijo ñam di ubtsib tamo qudei minjraib.”

Luk 2:11

Anjam bole agiende. Bini Qotei na aqa segi Ŋiri qariŋyqoqa Devit aqa qure utruq dia ŋambabqo. A gago Tamo Koba Kristus. A na qujai tamo uŋgasari naŋgi eleŋamqa naŋgi ŋambile gaigai sqab. Naŋgi padalqasai.

Jon 1:49

Onaqa Nataniel a Yesus aqa anjam di qusiqa minjej, “O Qalie Tamo Koba, ni degsi maronum deqa e poibqo, ni Qotei aqa Ŋiri. Ni Israel naŋgo Mandor Koba.”

Jon 4:42

Osib uŋa di minjeb, “Ni na bosim Yesus qa anjam mergonum qusim gago areqaloq di sonaq olo a segi na mergwo qusim turtsim gago areqalo a qa torei siŋgilatonum. Osim endegsi poigwo, ‘Bole, Yesus a na qujai tamo uŋgasari mandamq endi unub qaji naŋgi oqas.’”

Jon 6:14

Tamo uŋgasari kalil naŋgi Yesus aqa maŋwa di unsib deqa maroqneb, “Bole, Qotei aqa medabu o tamo nami Qotei na qariŋyim bqajqa marej qaji agi a di.”

Jon 6:69

Iga ni qa gago areqalo siŋgilatosim endegsi qalieonum, Qotei aqa segi Tamo Bole a na nami giltej qaji agi ni qujai.”

Aposel 8:36

Onaqa naŋgi gam dauryosib giloqnsib gam qalaq di ya bei sonaq unsibqa Itiopia tamo dena Filip minjej, “Ni une. Ya agide. Iŋgi bei na e getentbqa keresai. Deqa ni e yansbe.”

Aposel 8:37

Onaqa Filip na minjej, “Ni are bulyosim ino areqalo kalil Yesus qa siŋgilatqam di e ni yansmqai.” Onaqa minjej, “E ijo areqalo Yesus Kristus qa siŋgilatosim poibqo, a Qotei aqa Ŋiri.”

1 Jon 5:1

Yesus a segi Kristus. Tamo kalil degsib maroqnsib Yesus qa naŋgo areqalo siŋgilateqnub qaji naŋgi Qotei aqa aŋgro tiŋtiŋ unub. Tamo kalil Abu Qotei qalaqalaiyeqnub qaji naŋgi na aqa aŋgro naŋgi dego qalaqalainjreqnub.

1 Jon 5:20

Iga qalie, Qotei aqa Ŋiri a bosiq iga powo egej. Yim iga Qotei qa bole qalieqajqa deqa. Iga Qotei beteryejunum. Iga aqa Ŋiri Yesus Kristus dego beteryejunum. Yesus a segi Qotei bole. A segi ŋambile gaigai sqajqa utru.